Македонија
Пердју: Прашањето за името не е сериозно сфатено
Поранешниот американски дипломат Џејмс Пердју, смета дека Европската Унија и САД треба посериозно да му пристапат на спорот со името и поактивно да се вклучат во негово решавање
„Сметам дека прашањето не е доволно сериозно сфатено од тсранба на Брисел и на Вашингтон. Оставено е на Скопје и на Атина. Не гледам дека сега процесот се движи нанапред“, рече изјави поранешен амбасадор на САД и посредник во разговорите за Рамковниот договор од 2001 г Џејмс Пердју при неговото обраќање во четврток на универзитетот ФОН.Објаснувајќи го ваквиот став што го изнесе во вторникот на 75-от. РОС-РОТ семинар во Скопје, тој додаде дека прво треба да се препознае ова сериозно прашање од страна на ЕУ и САД и да започне да се зборува како меѓународната заедница може да помогне.„Го имате медијаторот на Обединетите нации, амабсадорот Метју Нимиц, кој работи на ова веќе подолго време. Тој би можел да има соодветно решение, но дали има меѓународнa поддршка да оди во Скопје и во Атина, и тоа да резултира со некаква конечна разврска. Не мислам дека е така. Ова е мое лично мислење“, нагласи Пердју.Големата штета од нерашавањето на спорот е веќе сторена, бидејќи Македонија не е членка на НАТО и не ги започна преговорите за влез во Европдската Унија, а тоа влијае и врз економските параметри на државата.„Додека не се реши спорот со името, Македонија нема да влезе во НАТО“, беше дециден Пердју, при одговорот на прашање на студентите на ФОН. Тој додаде дека Македонија е прва држава што ги исполнила критериумите, но која со политичка одлука не е примена во НАТО. Според Пердју,на самитото во Букурешт, членството на Македонија беше блокирано.Пердју додаде и дека е оптимист кога станува збор за Македонија. „Имате етничка заедница посветена на Македонија како држава. Има голем потенцијал тука“, заклучи Пердју зборувајќи за Рамковниот договор, додавајќи дека забележал многу голема разлика од ноември 2001 г., кога последен пат бил во Скопје
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска се заблагодари за честитката од ЕУ: Со нетпрение очекувам да ја продолжиме соработката
Силјановска Давкова се заблагодари за честитката од ЕУ и порачува дека со нетпрение очекува да ја продолжам соработка со Европската Унија за конечно заокружување на европската интеграција на целиот регион.
„Денеска, како избрана претседателка, добив официјално соопштение од Европската Унија со кое ми се честита победата на изборите. Темелот на мојата на кампања беше градењето на консензус помеѓу сите политички партии во Собранието, како од власта, така и од опозицијата, граѓанското општество и македонските граѓани, независно од нивните разлики. Нашиот клучен стратешки проект е европската интеграција и истата останува да биде темел за градењето на консензус помеѓу различните чинители во општеството. Потенцирам дека под мое водство нашата надворешна политика ќе продолжи да биде целосно усогласена со заедничката надворешна и безбедносна политика на Европската Унија. Со нетпрение очекувам да ја продолжам соработка со Европската Унија за конечно заокружување на европската интеграција на целиот регион“, се наведува во соопштенеито испратено од тимот на Гордана Силјановска Давкова.
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархеи.
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
Македонија
(Видео) Стоилковски го поздрави лидерот на ДУИ јадејќи бисквита: „Поздрав, Али“
Портпаролот на ВМРО-ДПМНЕ, Наум Стоилковски, на социјалните мрежи објави видео во кое, јадејќи бисквита го поздрави лидерот на ДУИ, Али Ахмети.
Стоилковски вели дека оди на состанок со коалициските партнери на ВМРО-ДПМНЕ, а потоа зема бисквита и почнува да ја јаде.
„Поздрав, Али“ , вели Стоилковски.
Стоилковски алудира на изјавата на Ахмети која тој ја даде од митингот на „Европскиот фронт“ во Скопје пред одржувањето на првиот круг од претседателските избори кога рече оти лидерот на ВМРО-ДПМНЕ е израснат со бисквити и гурабии.
Македонија
ЕУ: Очекуваме соработка со претседателката на Македонија, парламентот и владата за да работиме на европскиот пат
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархељи
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
„Двете институции треба да работат заедно на подобрување на европскиот пат на Северна Македонија, кој вклучува имплементација на клучните реформи, особено во областа на владеењето на правото и борбата против корупцијата, во интерес на сите нејзини граѓани“, се вели во заедничката изјава на Борел и Вархеи.