Македонија
Ново бегство од велешкиот затвор

Доцна попладнево избегаа тројца малолетници од Скопје, Гевгелија и Прилеп.
Уште првите тројца бегалци не се најдени, а доцна попладнево од Казнено поправниот дом избегаа уште тројца малолетници кои издржуваат затворски казни.
Бегството е потврдено и од полицијата и од затворот, но идентитетот не се открива.
Она што засега се знае е дека избеганите затвореници се од Скопје, Гевгелија и Прилеп.
Бегството повторно е забележано од стражарот, кој откако увидел дека затворениците не се во кругот на Казнено поправниот дом ја алармирал велешката полиција.
Затворот во Велес, е воспитно поправен дом во кој затворска казна издржуваат малолетници. Тој е од отворен тип и до минатата недела одговорните немаа проблеми со бегство на затворениците.
Сега полицијата има обврска да ги пронајде шесте затвореници а одговорните да го решат проблемот со бегствата од затворите кои зачестија./крај/лисица
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Утре променливо облачно време со температура до 15 степени

Утре наутро ќе има повремени врнежи од дожд, особено во западните и источните делови. Во текот на денот ќе преовладува сончево и релативно топло време со умерена облачност, информира УХМР.
Ќе дува умерен до засилен ветер од југозападен правец. Кон крајот на денот повторно ќе има врнежи од дожд, на планините од снег, пообилни во западните делови. Поради продор на студена воздушна маса во текот на ноќта врнежите ќе преминуваат во снег и на некои пониски места. Минималната температура ќе биде во интервал од 3 до 9, а максималната ќе достигне од 9 до 15 степени.
Во Скопје, променливо облачно со сончеви периоди. Ќе дува умерен ветер од југозападен правец. Кон крајот на денот и во текот на ноќта ќе има врнежи од дожд.
Минималната температура ќе се спушти до 4, а максималната ќе достигне 11 степени.
Во вторник ќе преовладува облачно време со врнежи кои ќе преминат во снег и на некои пониски места. На планините значително ќе се зголеми снежната покривка, а поради засилениот ветер ќе има услови за појава на снежни наноси. Локални врнежи од повремен слаб снег ќе има и во среда. Во вторник и среда ќе дува засилен северен ветер што ќе предизвика опаѓање на температурите.
Македонија
(Видео) Спасовски: СДСМ првпат ќе бира претседател на непосредни избори

1.563 тимови се ангажирани во ажурирање на членството, процесот финишира на 21 март со првите внатрепартиски избори за претседател на СДСМ, изјави Оливер Спасовски, потпретседател на СДСМ.
„Со промените на Статуот за прв пат, за да покажеме на дело и да направиме чекор напред во демократизацијата ќе избираме претседател на СДСМ на непосредни избори. Затоа е потребно да се изврши ажурирање на членовите на СДСМ и токму денеска во Охрид во партиските простории сум тука да разговараме во однос на процесот за ажурирање на членството. Во моментот имаме 1.563 тимови на територијата на земјата коишто работат во 74 општински организации коишто ќе ги посетат домовите на нашите членови по сите стандарди и по сите здравствени протоколи во оваа ковид криза“, рече Спасовски.
Тој кажа дека денеска на таа тема разговарале и во општинската организација на СДСМ во Охрид каде во тек е реевиденција на членови на партијата.
„Затоа ги повикувам сите членови на СДСМ во Охрид да пристапат кон ажурирање на своето членство, да ја добијат својата електронска картичка за членство, а воедно остануваме отворени и за секој еден којшто сака да пристапи кон Социјалдемократскиот сојуз, да пристапи кон овие наши идеи, којшто споделува заеднички ставови за иднината на нашата држава, исто така што може да го направи во целиот овој период и по ажурирањето очекуваме дека на 21 март членовите ќе гласаат за избор на новиот претседател на Социјалдемократскиот сојуз на Македонија“, рече Спасовски.
Македонија
МОН: Второ полугодие со веќе воспоставениот модел е во интерес и на учениците и на заштита на јавното здравје

Континуитет на наставата во второто полугодие по веќе воспоставениот успешен модел од првото полугодие е во интерес и на учениците и на наставниците и на јавното здравје. Со овој модел никој не е изоставен од наставата, а се покажа како оправдан и успешен и затоа не треба да се менува, велат од Министерството за образование и наука.
Од таму велат дека веруваат дека Сојузот на средношколци и останатите матурантите ќе ја почитуваат оваа одлука на Комисијата за заразни болести спроведена од МОН и сите заеднички ќе придонесеме за зачувување на јавното здравје.
„За потсетување првото полугодие заврши успешно со хибридниот модел на настава. Имавме над 90% ученици коишто успешно следеа онлајн настава, помалку од 1 % активни случаи со Ковид-19 на наставници и ученици од оние кое беа со физичко присуство, според однапред утврден распоред се емитуваа часовите на македонски и албански јазик на НТВ, а наставниците на децата без уреди им доставуваа материјали и го следеа совладувањето на материјалот. Наставата течеше според планот, а оценувањето се заврши на време. Исто така потсетуваме дека полагањето на државната матура е заокружување на образовниот процес и е задолжителна за упис на сите високообразовни институции. Освен државната матура, со Концепцијата за полагање матурски испити предвидена е можноста за полагање училишна матура, за ученици што нема да го продолжат своето образование на факултетите“, велат од МОН.
Учениците од сите средни училишта, се додава во соопштението, до 31 декември ги завршија своите законските обврски и уредно ги пријавија испитите за полагање на државната матура.
„Истовремено, според планот, се реализираат и подготовките за изработка на проектните задачи, коишто учениците ги изработуваат во соработка со своите избрани ментори, професори од соодветните области. Во истиот период, беа формирани училишните комисии кои работат на системот на организација и реализација на матурските испити. Исто така, Државниот испитен центар веќе ги заврши постапките околу составувањето на Државните матурски комисии и истите ги креираат прашањата по сите предмети, а во согласност со скратените наставни програми и условите во изминатиот период. Министерството за образование и наука заедно со средношколците започнува процес за промени во концепцијата на државната матура. Променетиот начин на полагање би се применувал од учебната 2021/2022 година, а ќе се прави во заеднички и конструктивен дијалог со средношколците и наставниците“, велат од Министерство за образование и наука.
- Книги1 месец
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Црна хроника2 месеци
Млада девојка од Штип пронајдена мртва во нејзиниот дом
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија2 месеци
(Видео) Отстранети два нелегално изградени објекта во општина Центар
- Спорт3 месеци
Гетџи: По мечот со Хабиб, мојата мајка конечно ќе може да се пензионира
- Македонија1 месец
Возачот на „бентлито“ што „влета“ на плоштад казнет со 45 евра, објавена фотографија од записникот