Македонија
Кинсела: Канада нема тешкотии за употреба на името Македонија
Претседателот на Сенатот на Канада, Ноел Кинсела на средбата со спикерот на Собранието Вељаноски потенцираше дека односот меѓу двете држави има долга историја и пред 1991 г., но и дека Канада без потешкотии го употребува зборот Македонија за некој кој доаѓа од Република Македонија
Она во што, како што рече Ноел Кинсела силно верува е парламентарната дипломатија за која смета дека полесно ги отвора вратите, од причина што ги нема ограничувањата присутни кај друг вид дипломатија. Кенсела притоа изрази подготвеност за унапредување на досегашната соработка меѓу двете држави, континуитет во однос на поддршката која Канада и ја дава на Република Македонија на патот кон добивање членство во НАТО, како и разбирање за значењето на визната либерализација за македонските граѓани. Воедно, спикерот на Сенатот со задоволство го сподели сознанието дека лојалноста кон Канада, ги прави препознатливи македонските иселеници, што допринесува кон зацврстување на односите меѓу двете пријателски држави.„Република Македонија во Канада препознава вистински пријател во вистинско време. Благодарни сме за целата поддршка која Канада и ја дава на Република Македонија, за признавањето под уставното име, за принципиелниот став за зачленување на Република Македонија во НАТО, како и за можноста македонските иселеници да ги уживаат сите права како и сите други граѓани на Канада“, беше констатирано во четвртокот меѓу другото на средбата на претседателот на македонското собрание, Трајко Вељаноски со неговиот канадски колега, претседател на Претставничкиот дом на Парламентот на Канада, Питер Миликен.Со средбата со претседателот на Сенатот, како и средбите со министерот за меѓународна трговија, Питер Ван Лоун и со претседателот на Собранието на покраината Онтарио, Стив Питерс, претседателот на македонското Собрание, Трајко Вељаноски и членовите на собраниската делегација, пратениците Андреј Петров, Александар Николоски и Сафет Незири, ги заокружија средбите од агендата за официјалната посета на Канада.Во средата собраниската делегација предводена од претседателот Вељаноски оствари средби и со членовите на Комисијата за надворешни работи и меѓународен развој на Претставничкиот дом на Парламентот на Канада, со двајца пратеници – парламентарни секретари на министерот за надворешни работи и на министерот за меѓународна соработка на Канада, како и со членовите на Канадско-Европска Асоцијација и членовите на Делегацијата на Канада за Парламентарното Собрание на ОБСЕ.Покрај многуте прашања кои беа отворени на споменатите средби, особено внимание беше посветено на улогата на Република Македонија во мировните мисии на НАТО во Авганистан и нејзината улога во зачувувањето и одржувањето на мирот и стабилноста на Балканот и пошироко.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одѕивот до 15 часот е 35,89 отсто, најмалку гласале во Центар Жупа, а најмногу во Новаци
До 15 часот до Државната изборна комисија пристигнати се податоци за одѕив на гласачите од 2.110 избирачки места.
Од вкупно запишани 1.092.341 гласач на овие избирачки места, гласале 392.066, односно 35,89 проценти.
Според податоците што се пристигнати досега, најголем одѕив е забележана во Новаци со 57,69 % а најмал во Центар Жупа, 13,11 %.
Гласањето досега се одвива мирно на сите избирачки места.
До овој момент до ДИК се доставени вкупно 233 приговори за заштита на личното избирачко право. Од нив, 38 приговори се усвоени и на избирачите им е овозможено да го остварат своето право на глас, 21 приговор се отфрлени како неуредни, а 22 се одбиени. Другите приговори се во обработка.
На страницата rezultati.sec.mk може да се следи во живо одѕивот на гласачите, вкупен и по општини.
Македонија
ЕУ ќе му даде на Западен Балкан помош од две милијарди евра до 2027 година
ЕУ ќе додели две милијарди eвра грантови и четири милијарди поволни заеми за Западен Балкан од 2024 до 2027 година како дел од Инструментот за реформи и раст за Западен Балкан откога беше одобрен од Европскиот парламент на денешната пленарна седница.
„Инструментот е централен дел од планот за раст за Западен Балкан“, рече коизвестувачот Тонино Пицула на пленарната седница.
Станува збор за финансирање на шесте земји од Западен Балкан на нивниот пат кон Европската Унија. Во ноември минатата година Европската комисија го претстави Инструментот за реформи и раст за Западен Балкан за периодот од 2024 до 2027 година, кој ќе вклучува две милијарди евра грантови и четири милијарди поволни заеми.
Известувачи во име на Европскиот парламент беа хрватските европратеници Тонино Пицула и Карло Реслер.
Пицула беше коизвестувач на ЕП пред Комитетот за надворешни работи (АФЕТ), а Реслер беше коизвестувач пред Комитетот за буџет (БУДГ).
Реслер за новинската агенција „Хина“ изјави дека тоа е инструмент споредлив со националните планови за закрепнување и отпорност, но за шест земји во Југоисточна Европа надвор од ЕУ. Тој посочи дека исплатата на средствата е поврзана со конкретни реформски активности.
Реслер апострофира дека ќе се води сметка за усогласување на надворешната и безбедносната политика и визната политика со ЕУ.
Црна Гора и Србија со години преговараат со ЕУ, Албанија официјално ги отвори пред две години, а Македонија само делумно, со оглед на тоа што за целосен почеток на преговорите неопходни се уставни измени за внесување на Бугарите во Уставот. Лидерите на земјите членки на ЕУ во март донесоа одлука да ги отворат пристапните преговори со Босна и Херцеговина. Брисел сè уште го смета Косово за потенцијален кандидат.
Македонија
Бојмацалиев: МВР работи исклучиво по закон за фер, слободни и демократски избори
Дополнителниот заменик министер за внатрешни работи Митко Бојмацалиев, заедно со директорот на Бирото за јавна безбедност Сашо Тасевски и државната секретарка Магдалена Несторовска го посетија Оперативниот Штаб во МВР во рамки на ОА „Претседателски и парламентарни избори 2024”, на кој присуствуваа и претставници на Амбасадата на Соединетите Американски Држави, ОБСЕ и ОДИХР.
Во оваа прилика Бојмацалиев ги поздрави гостите од САД, ОБСЕ и ОДИХР и уште еднаш потенцираше дека на колегите во Оперативниот Штаб им посочил да се работи исклучиво согласно законските норми и прописи, а со цел гарантирање на безбедноста на фер, слободни и демократски избори, впрочем како што се работело и досега од 2017 година навака, без забелешки за изборниот процес.
Притоа, Бојмацалиев беше брифиран за текот на изборниот процес, за активностите и мерките кои ги презема МВР во делокругот на своите надлежности.
„Бев информиран дека гласањето не беше започнато на неколку места во предвиденото вре,е, а на неколку е почнато со задоцнување или прекинато, на различни подрачја, сите поради технички проблем со читачот на отпечаток на прст. На подрачје на СВР Скопје во врска со пријава за испукана димна бомба, од страна на тим на антитероризам извршена е проверка, подигната е направата и објектот е предаден на Претседателот на Избирачки одбор. На подрачје на СВР Куманово регистрирани се два настани и тоа пријава за организирано носење на гласање на стари лица и поставен штаб во близина на гласачко место. За време на предизборниот молк, во периодот од 06,00 до 07,00 часот, регистрирани се три настани на подрачје на СВР Скопје за испишани графити”, информираше Бојмацалиев.