Според завршните пресметки кои ги прави Јавното сообраќајно претпријатие Скопје (ЈСП) оваа година загубата, за разлика од мината кога беше 46 милиони денари, им е зголемена за 15 милиони, односно ќе завржат со 60 милиони денари. Мишо Николов, директорот на претпријатието вели дека загубата е поради тоа што нафата годинива беше поскапена за 25 до 30 отсто, а додека загубата на патници им се намалила само за 0,1 отсто.Николов најави дека од утре приватните автобуси ќе почнат да возат со лепенки, кои ќе бидат поставени на двата краја од автобусите, а на нив ќе бидат известени сите средношколци дека можат да ги користат автобусите со валидни слободни билети. „Се раздолживме со приватните превозници и со овие налепници на некој начин ќе се заштитиме од дивите приватни превозници“, рече Николов.Тој додаде дека и конечно има успешен тендер за електронска наплата, по неколкуте неуспешни и дека во моментов се преговара за единствена цена на градскиот и приватниот превоз.Николов рече и дека е задоволен од начинот на кој функционира страната на нивниот веб сајт за поставување на грашања од граѓаните до нивната институција.„Неделно ни се поставуваат околу 70 прашања и на сите одговараме. Задовеолен сум од одзивот на граѓаните. Најчесто поставувани прашања се кога ќе пристигнат новите, автобуси, од која возраст треба да се плаќа автобуски билет за децата, со кој автобус да се стигне до одредена локација, како и имаме многу предлози за изменување на автобуските линии кои доколку сме во можност им излагаме во пресрет на граѓаните. Последен пример е со автобусот број 13, кој повеќе не тргнува од почетната станица во 16 и 14, туку во 16 часот и 30 минути“, рече Николов./крај/бс