Транспарентност Македонија (ТМ) во Извештајот за октомври за состојбите во борбата против корупцијата и криминалот констатираат дека македонското судство е во длабока криза.

Според ТМ ова се должи на не правење добра правна квалификација на кривичните дел, нестручност, незнаење и површност во работата во како што стои во Извештајот речиси сите субјекти на казнено правниот систем, како и некритичко прифаќање на барањата на Јавното обвинителство и отварање на истрага од страна на истражните судии.

Како посебен проблем во Извештајот е наведено тоа што во изборот на судиите и јавните обвинители не е одлучувачки само квалитетот, туку како што се посочува и партиските влијанија.

Од ТМ препорачуваат сите забелешки кои се наведени да се сфатат со крајна сериозност.

Во делот за извештаите на Државниот завод за ревизија од ТМ велат дека негативните мислења и мислењата со резерва кои се однесуваат на Управата за јавни приходи и Јавното сообраќајно претпријатие неминовно наметнуваат констатација дека корупцијата и криминалот длабоко навлегле во државните институции и силно ги поткопале темелите на општествениот систем.

ТМ во делот за ЕУ и НАТО во Предлог буџетот за 2011 констатираат дека се прави отстапување од интеграциските процеси и ја прашуваат Владата дали официјално се откажува од евроатланските како клучни државни стратегиски определби.

Во Извештајот се споменати и случајот „Даночни решенија“, за кој велат дека е несфатлив и неоправдан, случајот „Клиника за ендокринологија“ при што велат дека се загрижени за селективноста во постапувањето на МВР и обвинителството.

Според ТМ политизирано е и високото образование, за што како што посочуваат е поттикнато од страна на ректорот на УКИМ Велимир Стојковски.

Тие посочуваат дека загрижувачки се состојбите во македонските медиуми и ги повикуваат надлежните органи да работат на отстранување на проблемите во медиумите и прекршувањата на неколку законски одредби од Законот за радиодифузија./крај/бд