Македонија
Дебата за измени и дополнување на изборниот законик

Со измените и дополнувњето на Законот за избори јасно се дефинира изборната кампања, како и органите коишто ќе ги проведуваат, нагласи министерот за правда Михајло Маневски на дебатата на кои ги орбазложуваше измените
Правни механизми од незаконското финансирање на кампањата, дефинирање на почетокот и завршувањето на изборната кампања, прецизирање на овластувањата на Советот за радиодифузија, доуредување на одредбите поврзани со гласањето на државјаните на Македонија кои се на привремена работа или престој во странство и платеното политичко рекламирање се дел од измените на Изборниот законик коишто во средата ги образложи министерот за правда Михајло Маневски.„Со измените се уредува постапката за увид, запишување и бришење на податоците од избирачкиот список, се предвидува да се врши увид во списокот во текот на целата година во подрачните одделенија на Државната изборна комисија, дипломатско-конзуларните претставништва на земјава во странство, како и преку интернет“ рече Маневски.Со измените јасно се дефинираат и органите за спроведување на изборите, како и изборната кампања.„Со измените се доуредува и надлежноста на Советот за радиодифузија кој треба да донесе правилник за однесување на радиодифузерите пред започнување на кампањата и со него се определува кои медиумски содржини не се дозволени, како и правилник за рамноправен пристап кој го дефинира начинот на известување во медиумското претставување во текот на кампањата“ додаде министерот.Во рок од пет дена од денот на распишување на изборите, радиодифузерите и печатените медиуми со новите измени се должни да утврдат ценовници за платено политичко рекламирање кои треба јавно да ги објават. Ценовниците не смеат да се менуваат во текот на изборната кампања.Мисијата на ОБСЕ во Македонија е задоволна што земјава за првпат пристапи кон имплементирање на препораките веднаш по завршувањето на изборите.„Ние очекуваме да го видиме конечниот производ и квалитетот на конечниот производ. Се надевам дека процесот на консултации ќе ги опфати сите оние кои што ќе имаат нешто да кажат за подобрување на текстот. Изборниот законик ќе има голема придобивка доколку е прифатен од јавноста. Очигледно е дека ниеден изборен законик не е совршен и секогаш има потреба од подобрување, и не очекувајте дека ќе бидете единствена земја во светот која што ќе има изборен законик на кој што никој нема да има коментар, секогаш ќе има некакви коментари, забелешки. Ќе ја повторам понудата на ОБСЕ ОДИХР, повторно да го погледнат предлог законот откако ќе биде готов. Ние како мисија на ОБСЕ во Скопје, немаме експертиза што ќе ни овозможи да го коментираме законот, но ја имаме можноста да го испратиме законот до оние кои што имаат експертиза, а тоа е ОБСЕ ОДИХР со седиште во Варшава“ рече Хереро.Со измените и дополнувањата кои беа направени во 2008 година беа вклучени дел од препораките дадени од страна на ОБСЕ/ОДИХР по изборите истата година, како и дел од препораките дадени од Венецијанската комисија на Советот на Европа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ЦУК: Пожарот во Самоков веднаш изгаснат, објектите на фабриката не беа во опасност

Пожарот во Самоков е локализиран и веднаш изгаснат. Во ниту еден момент немаше опасност од негово ширење кон објектите на фабриката Самоков, соопшти Центарот за управување со кризи.
Од РЦУК Македонски Брод претходно стигна информација дека е настанат пожар во населбата Самоков, во фабриката „Сувенир“, а опожарен е магацин со хемикалии. Во информацијата беше наведено дека електричната енергија во фабриката е исклучена.
Македонија
„Седи Боби, кец!“, му рече Арсовска на Стефковски за проблемот со водата, па доби одговор

Градоначалничката на Град Скопје, Данела Арсовска, преку објава на својот официјален профил на Фејсбук, му возврати на градоначалникот на општина Гази Баба, Бобан Стефковски, кој претходно ги прозва Градот и ЈП „Водовод и канализација“ – Скопје, за прекините во водоснабдувањето во неколку скопски населби. Тој побара итна интервенција од Градот, предупредувајќи на можни протести ако состојбата не се реши веднаш.
Арсовска му одговори на Стефковски дека и по три години на функција сè уште не прави разлика што е во надлежност на Градот, а што на Општина Гази Баба. Таа појасни дека жителите на Црешево и Смилковци не се корисници на ЈП „Водовод и канализација“, туку на ЈКП „Гази Баба“ – претпријатие под општинска надлежност.
„Ова по три години ќе го знаеше ако паузираше еден ден од сликање по фолклорни манифестации за да сработиш нешто“, напиша Арсовска, посочувајќи дека со средствата добиени од владите на Ковачевски и Мицкоски, Стефковски можел да изгради нова водоводна мрежа за тие населби.
Во продолжение, Арсовска рече дека Град Скопје во изминатите три години не добил ниту еден денар од централната власт, а дека Владата ѝ должи на ЈСП Скопје осум милиони евра.
Градоначалничката ја заврши објавата со саркастичен тон: „Седи Боби, кец!“
Ситуацијата дополнително ја заостри реториката меѓу градоначалниците на Скопје и Гази Баба, отворајќи нова рунда меѓусебни обвинувања. По објавата на Арсовска, повторно се огласи Стефковски кој и’ одговори дека надлежноста за Смилковци и Црешево ја знае многу добро, па ја повика да каже зошто жителите од Автокоманда, Железара, Триангла, Маџари и Ченто немаат вода? За крај по однос на делењето оценки, Стефковски на социјалните мрежи напиша дека граѓаните и’ дале оценка на парламентарните избори на Арсовска. Тогаш таа освои вкупно 3.438 гласови.
Македонија
Гори кај Прилеп, Македонски Брод, Чашка и Велес – пресек на состојбата со пожарите

На територијата на државата се евидентирани вкупно осум пожари на отворен простор, од кои активни се четири, соопшти Центарот за управување со кризи.
Во Општина Прилеп, гори кај селото Бешиште. Се работи за приземен пожар во квалитетна мешана шума. Активен е пожарот и кај Општина Македонски Брод, с. Црешнево, м.в. Церо Поле – пожар во деградирана дабова шума и грмушки. Во Општина Чашка беснее шумски пожар под Солунска Глава, помеѓу местата викани Изворите на Бабуна и Бабина Дупка (моментално нема активен пламен, само чад на карпест дел). Во Општина Велес пожарот избувна во ниска вегетација.
Изгаснати се 4 пожари: Општина Врапчиште, с. Врањовци – ниска вегетација, ѓубриште; Општина Липково, с. Лојане – ниска вегетација и стрниште; Општина Карбинци, с. Радање – блок (површина) посеана со жито и ниска вегетација и ОпштинаАрачиново, с. Орланци – ниска вегетација и отпаден материјал.