ВМРО-ДПМНЕ тврди дека за случувањата вечерва кај А1 телевизија не станува збор за никаков правен контакт меѓу која и да е институција со телевизијата, обвинувајќи ја опозициската СДСМ дека сака да испровоцира немири а медиумите и политичките партии не треба да бидат покритие за никаков сомнеж. Како што во четвртокот навечер рече Илија Димовски, пратеник и директорот на Центарот за комуникации на ВМРО-ДПМНЕ, не се работи за активност на МВР, туку за контрола на Управата за јавни приходи на шест од вкупно 40 фирми регистрирани на истата адреса и во истиот објект каде што се наоѓа А1 телевизија.„Инспекторите на УЈП што се внатре имаат обврска да обезбедат дел од неопходната документација за Управата да ги спрoведе со закон предвидените постапки. УЈП мора да функционира за секого, без  разлика дали се газди на телевизија, претседатели и потпретседатели на политички партии и слично“, рече Димовски.Димовски нагласи дека е лошо кога во една држава се наметнува тенденција медиум да биде заштита за покривање на други сомнителни активности. Тој додаде дека СДСМ се обидуваат да стопираат легитимна активност на Управата за јавни приходи. подвлече дека од она што можело да се види на камерите на собирот пред телевизијата присуствувале членови на Централниот одбор и претставници од општинските организации на СДСМ, кои, како што рече, се организирани да предизвикаат тензија и безредија.„Сакаме да искажеме разбирање за новинарите и сите вработени во А1 телевизија што се вовлечени во ваква работа. Доколку има прекршување на Законот институциите ќе поведат попстапка. Медиумите и политичките партии не треба да бидат покритие за никаков сомнеж“, рече Димовски./крај/вмро-дпмне/