Македонија
И трудова инспекција во контрола на шесте фирми на „Перо Наков“ бб
Во шесте компании регистрирани на „Перо Наков“ бб, каде вчера имаше инспекциска контрола на нивното финансиско работење, на барање на финансиската полиција проверки извршил и Државниот инспекторат за труд, но не му била достапна целокупната документација
„Финансиката полиција, со која соработуваме и постапуваме во заеднички надзори кај повеќе субјекти, вчера побара од нас да извршиме надзор во споменатите компании. Ние ја извршивме контролата, но со оглед на тоа што не ни беше доставена целосна документација согласно процедурите на правните субјекти им е даден рок да ја достават до понеделник“, изјави директорот на Државниот трудов инспекторат Горан Јовановски.Министерот за труд и социјална политика Џељаљ Бајрами нагласува дека од тоа како правните субјекти ќе постапат, ќе зависат и мерките кои ќе бидат преземени. Тој додаде дека за дел од лицата кои се затекнати нема пронајдено или немало кој да ја приложи документацијата потребна за вршење на контролата на Инспекторатот на труд. На компаниите им е даден рок најдоцна до понеделник да ги достават документациите. Потоа од понеделник ќе може да се изготви записник и врз основа на тоа дали ќе има документи или ќе нема ќе се постапува натаму. Приватната телевизија А1 телевизија во четвртокот навечер објави дека полицијата извршила упад во телевизијата, што е демантирано од МВР од каде соопштија дека станува збор за полициска асистенција побарана од страна на инспекторите на Управата за јавни приходи и на финансиската полиција кои вршеле увид во финансиското работење на шест фирми на иста адреса „Перо Наков“ б.б. во Скопје.Министерството за внатрепшни работи соопшти дека А1 телевизија не е меѓу фирмите за кои финансиската полиција има обезбедено судска наредба за обезбедување документација, за контрола за финансиското работење. Напротив се работи за фирми чија примарна дејност, според налогот за којшто се регистрирани, е трговијата со прехранбени и други продукти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Без струја утре делови од Аеродром, Кисела Вода и Сарај
Без електрична енергија утре ќе бидат дел од корисниците од општините Аеродром, Кисела Вода и Сарај, а задутре корисниците од општина Карпош.
Како што информираат од Регионалниот центар за управување со кризи на Град Скопје, поради планирани зафати во електро дистрибутивната мрежа, без напојување со електрична енергија, утре од 7:00 до 16:00 часот ќе бидат корисниците од улиците „Божин Николов“, „Хаџи Трајко“ и „Горно Лисиче“, во делот кон селото Долно Лисиче.
Од 8:30 до 16:00 часот, корисниците од објектите во околината на Езеро – Треска во Сарај, а од 11:00 до 15:00 часот без струја ќе бидат корисниците од дел од улицата „Милан Мијалковиќ“.
Во вторник, 24 декември, од 19:00 до 12:00 часот без струја ќе бидат корисниците од дел од улицата Струшка во Општина Карпош.
Македонија
Дел од Сопиште без вода, цистерна ќе кружи низ улиците
Јавното претпријатие „Водовод и канализација“ информираше дека поради дефект на водоводна цевка во близина на Црквата Св. Мина во населба Сопиште, водоснабдувањето е прекинато за дел од корисниците.
Почнувајќи од 18:00 часот без вода се: улица 1, непарните улици 3, 5, 7 и 9, како и парните улици 8, 10, 12, 14 и 16.
Водоснабдувањето ќе биде прекинато до завршување со работните активности.
Од Јавното претпријатие информираат дека е обезбедена цистерна со питка вода која вечерва и утре ќе кружи низ овие улици во населбата.
Македонија
Три метларки од БРАКО за почисто Кавадарци
,,За почисто Кавадарци” и ,,Произведено во Македонија” се натписите на новите возила метларки кои почнаа да го чистат Кавадарци. Општина Кавадарци набави три метларки-свипери од домашно производство, односно од марката Грин Машинс на БРАКО и со оваа набавка, машинскиот парк на комуналното претпријатие сега е зголемен со три нови возила, кои се ефикасни и економични, а предност е што одржувањето и сервисирањето го обезбедува самиот производител кој се наоѓа во Велес.
Директорот на Грин Машинс, Ангел Анѓушев, при предавањето на возилата на комуналното претпријатие во Кавадарци, се заблагодари на довербата на градот, и потенцираше дека иако Грин Машинс продава во 50 држави низ целиот свет и дека годинава само во еден голем светски град се продадени 40 возила, сепак овие три возила во Кавадарци и значат многу на компанијата и на нејзините вработени затоа што ќе работат и ќе чистат дома, во Македонија.
Градоначалникот на Кавадарци, Митко Јанчев нагласи дека општината секогаш вложува во модерни решенија за подобри услуги за граѓаните и дека е прва општина по главниот град која во 2018г започна со машинско метење на градските улици.
(ПР текст)