Македонија
Одземени пари и документација од управител на фирма регистрирана на улицата Перо Наков б.б.

Како што соопшти на прес-конференција во Министерството за внатрешни работи, министерката Гордана Јанкулоска во петокот наутро бил претресен стан на управител на една од фирмите регистрирани со седиште на улицата „Перо Наков“ б.б.
Точната адреса и идентитет на личноста не се соопштува, а Гордана Јанкулоска потврди дека од станот биле одземени неколку компјутери, документација и поголемо количество пари кои се уште се пребројуваат, но, како што рече министерката за внатрешни работи, се претпоставува дека станува збор за стотина илјади евра во различни валути и апоени.„Се претпоставува дека предметите, документацијата и паричните средства биле изнесувани од просториите на улицата „Перо Наков“ б.б. во текот на денот додека инспекторите беа изолирани во одредени просториии во објектот. Истите биле изнесувани од возачи, но се уште се работи на прибирање дополнителни докази“, рече министерката за внатрешни работи Гордана Јанкулоска на прес-конференција во МВР организарана по повод синоќешните случувања пред обајектот на спомеантата улица каде се наоша и скопската телевизиај А1. Јанкулоска нагласи дека сонзанијата се документираат и дека во тек се консултации со Основното јавно обвинителство, по што ќе следува соодветна пријава.Министереството за внатрешни работи во моментот нема информација каде се наоѓа сопственикот на А1 телевизија.Јанкулоска пред новинарите нагласи дека полицијата во петокот навечер на улицата „Перо Наков“ б.б. била присутна на барање за асистенција упатена од страна на Финансиската полиција и Управата за јавни приходи, кои со судски налог вршеле контрола на фирмите регистрирани на истата адреса, и тоа за дејности кои немаат никаква поврзаност со радиодифузна дејност односно со медиумите. Целта на контролата била да се обезбедат докази за евентуален финансиски криминал и проневери во фирмите, рече Јанкулоска.„Не можам да потврдам или да демантирам во овој момент дали тие на некаков начин се поврзани со А1 Телевизија. Но категорично може да се потврди дека А1 Телевизија не беше предмет на интерес на инспекциите“, рече министрката Јанкулоска.Таа додаде дека траба да бидат дадени и одговорите на прашањата дали новинарите знаеле дека на истата адреса се регистрирани повеќе фирми, за евентуалните малверзации во нив и зошто откако биле информирани дека се работи за финансиска контрола, не отстапиле и не им овозможиле на службените лица без притисоци да ги извршат службените задачи.„Најверојатно стануваше обид за несмасна манипулација со јавноста потврдува и фактот што вчера вечер токму во студиото на А1 Телевизија продефилираа членовите на СДСМ и на СОРОС, со безброј бесмислени и непринципиелни фабрикувани обвиненија“, рече Јанкулоска.Министерката потенцираше дека и покрај турканиците, навредите и провокациите кон полицајците, кои биле попречувани во извршување на службените задачи, тие успеале да ја задржат присебноста и да не дозволат да се случат инциденти.Јанкулоска дополни дека за случајот со целокупната документација ќе бидат информирани и дипломатските претставници и меѓународната заедница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Муцунски на настан на Атлантскиот совет: Потребна е забрзана интеграција

На покана на Јерн Фленк, директор на Атлантскиот совет, министерот за надворешни работи и надворешна трговија, Тимчо Муцунски, денеска учествуваше на настан организиран од Советот, кој се одржа во просториите на Министерството за надворешни работи и надворешна трговија.
Покрај министерот Муцунски, на настанот се обратија и министерката за европски прашања на Црна Гора, Маида Горчевиќ, како и претставници Делегацијата на Европската Унија, невладиниот сектор и самиот Атлантски совет.
Во своето обраќање, министерот Муцунски ја нагласи потребата од одлучна и доследна поддршка за реформските процеси во регионот. Посебен акцент стави на Планот за раст како практичен инструмент кој го забрзува приближувањето кон единствениот европски пазар и носи реални економски придобивки за граѓаните – уште пред полноправното членство.
Министерот подвлече дека реформите мора да бидат препознаени и вреднувани од страна на Европската Унија преку конкретни и навремени чекори, со цел зачувување на кредибилноста на процесот на проширување и спречување на дополнително разочарување кај граѓаните. Тој истакна дека реформските процеси се потврда за јасната европска ориентација на Владата, и дека нивното спроведување не претставува само исполнување на агенда, туку реално подобрување на квалитетот на животот и на општеството во целина.
Во завршницата на обраќањето, министерот Муцунски, во контекст на денешниот Самит, ја повтори пораката дека Западниот Балкан е составен дел од Европската Унија и дека европската целина ќе биде комплетна само ако земјите од регионот станат нејзин дел. Тој упати повик за забрзана интеграција на регионот, што ќе значи и вистинска европеизација на овој дел од континентот.
Македонија
Сиљановска-Давкова се сретна со шпанскиот премиер Педро Санчез

Претседателката Гордана Сиљановска-Давкова, во рамки на учеството на 4. Меѓународна конференција за финансирање на развојот во Севиља оствари средба со премиерот на Кралството Шпанија, Педро Санчез.
Осврнувајќи се на нашите евроинтеграции, Сиљановска-Давкова посочи на тешките македонски компромиси коишто треба да бидат соодветно вреднувани од Европската Унија и истакна дека влезот во ЕУ ќе биде корисен и за самата Унија, и за земјите кандидати коишто дополнително ќе ја стабилизираат.
Таа оцени дека Шпанија е важен партнер на земјава во рамки на НАТО, ООН, ОБСЕ и изрази благодарност до владата на Санчез и Шпанија за доследната поддршка на македонските аспирации за членство во Европската Унија.
Реафирмирајќи ја посветеноста на државава кон евроинтегративниот пат, Сиљановска-Давкова ја повтори позицијата дека билатералните прашања не треба да бидат пречка во пристапниот процес. Имајќи ги предвид турбулентните геополитички процеси во светот, таа укажа на потребата од одржување на кредибилитетот на политиката на проширување и нагласи дека регионов кој историски, географски и културно припаѓа на ЕУ, треба што поскоро да се интегрира во европското семејство.
Претседателката со задоволство ја прими информацијата од премиерот Санчез дека Шпанија е заинтересирана за зголемена економска соработка во делот на туризмот, инфраструктурата, земјоделието, енергетиката, соларната енергија и управувањето со водните ресурси.
Двајцата соговорници разговараа за соодветно одбележување на учеството на македонски борци во Шпанската граѓанска војна.
Македонија
Муртезани-Старовиќ: изразена подготвеност за заедничко делување кон целосна европска интеграција на двете земји

Министерот за европски прашања, Орхан Муртезани, денеска на маргините на Самитот посветен на Планот за раст на ЕУ што се одржува во Скопје, оствари билатерална средба со министерот за европски интеграции на Република Србија, Немања Старовиќ. Во оваа прилика, Муртезани му честиташе на министерот Старовиќ за неодамнешното именување на функцијата и изрази уверување дека заедничките напори ќе продолжат со нова динамика и проактивност во насока на унапредување на европската агенда на регионот.
Муртезани и Старовиќ разговараа за продлабочување на билатералната соработка, особено во контекст на спроведувањето на Планот за раст, кој претставува заедничка можност за засилување на регионалната економска поврзаност и приближување кон европските политики. Посебен акцент беше ставен на досегашната соработка врз основа на Меморандумот за разбирање меѓу двете министерства, како и на новите можности за иницијативи од заемен интерес, вклучително и прекуграничните програми за развој и инфраструктурно поврзување.
Министрите го нагласија значењето на доследна и координирана примена на европските реформи во регионот, како предуслов за реализација на економските и институционалните придобивки предвидени со новиот пристап на ЕУ. Во таа насока, беше изразена заедничка подготвеност за продолжување на блиската комуникација и заедничко делување кон целосна европска интеграција на двете земји.