Македонија
Контролите на „Перо Наков“ се очекува да завршат до крајот на годинава

Компјутерите кои беа запленети од просториите и останатите пет што беа запленети заедно со уште еден сервер на адреса на приватен стан во Чаир на управителот на фирмата „Плус продукција“, Ѓултен Џемаил, од вчера веќе почнаа да се проверуваат, брифираат од УЈП
Компјутерите се отворени, се работи на листање на податоците штo се внатре и на класифицирање на различни даночни обврзници за шестте фирми кои се предмет на проверка на даночната инспекција.„И тука има нејаснотии. Зошто во еден компјутер каде што е доминантно производството на една компанија се наоѓаат и книговодствата на други компании, а не станува збор за фирма што дава сметководствени услуги“ велат од УЈП. Даночната инспекција очекува заради обемноста на документацијата, контролата да финиширана до крајот на оваа календарска година. За оние фирми кои имале помал финансиски обем ќе излезеле побрзо со информации, а потоа следеле даночните жалби на обврзникот. „Акс-тра“, „Акстра трејд“, „Синим“, „Плус продукција“, „Време еч“ и „Печатница Мисирков“ се шестте фирми сместени на улицата „Перо Наков“ ББ , кои беа предмет на даночна инспекција во четвртокот, кога националната телевизија А1 обвини за полициски упад во телевизијата. Од УЈП се сомневаат дека една од фирмите затаила данок од 1,2 милиони евра и дека од неа во странство се одлеале 7,5 милиони евра.Сомневањата започнале од фирмата „МИА Бевериџис“ производител на соковите МИА која имала намера да исчезне од пазарот. Оттаму трагата на парите стигнала до шестте фирми сместени во оваа зграда. „Она што не’ донесе до фирмите на „Перо Наков“ ББ беше тоа што добар дел од возниот парк , во еден ден седум возила се продадени. Тие не смееле да ги оттуѓуваат тие возила, ние веќе сме ставицме рака на нив“ велат од УЈП.Во понедедлник во 10 часот во просториите на финансиска полиција, во присуство на истражниот судија кој ги издал судските наредби, ќе се пристапи кон отворање на запленетата книговодствена евиденција во хартиена форма.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Имало три нови обиди за палење на „Дрисла“, Ангелов најави засилено обезбедување, полицијата разговара со вработените

Криминалистичката полиција разговара со вработените за можни потпалувачи, чадењето сè уште активно.
Криминалистичката полиција денеска разговара со вработени во ЈП „Дрисла“ за да ги утврди причините за пожарот, изјави директорот на Дирекцијата за заштита и спасување Стојанче Ангелов.
„Припадниците на криминалистичката полиција ќе позборуваат со вработените дали постои можност некој од внатре да учествува во подметнувањето на пожарите или можеби некој од надвор доаѓа, веројатно малку физички спремен со канта бензин или шише бензин, зашто се работи за запаливи гасови, да го подметне пожарот“,рече Ангелов.
Тој посочи дека чадењето е намалено, но сè уште активно, појаснувајќи дека станува збор за чадење, а не за горење.
Видлив оган на депонијата нема, рече Ангелов, туку се работи за чад што излегува од внатрешноста како последица на силните хемиски и биолошки процеси што се одвиваат на депонијата, каде што се слева исцедокот од депонијата.
Ангелов откри и дека имало најмалку три обиди за ново палење. Побара засилено полициско присуство и дополнителни методи на набљудување, бидејќи дел од депонијата е необезбеден и лесно достапен.
Од „Дрисла“ апелираа до МВР да ги пронајде и санкционира потпалувачите.
Македонија
Toшковски: Во тек се подготовки за мирни локални избори

Министерот за внатрешни работи Панче Тошковски денес оствари работни посети на Одделението за внатрешни работи Струга и Полициската станица за гранични проверки Ќафасан. Од страна на раководствата на СВР Охрид и ОВР Струга министерот беше информиран за безбедносната состојба во регионот, со забележителни резултати во справувањето со насилниот криминал и видлив напредок во подобрувањето на сообраќајната безбедност – област во која и понатаму ќе се вложуваат дополнителни напори.
„Во пресрет на претстојните локални избори, веќе се преземаат соодветни оперативни активности насочени кон обезбедување мирен и безбеден изборен процес. Што се однесува до граничниот премин Ќафасан, во текот на оваа летна сезона е евидентирано зголемување на бројот на патници кои ја поминале границата во споредба со истиот период минатата година. Во таа насока, заедно со албанските колеги работиме на имплементација на системот „One Stop“, кој во комбинација со одредени инфраструктурни прилагодувања ќе овозможи да имаме трајно решение за намалување на гужвите и забрзување на протокот на патници и возила за време на туристичката сезона.“, подвлече министерот Тошковски.
Македонија
Собранието ја усвои Декларацијата за фер, слободни и демократски избори

Собранието на денешната пленарна седница ја усвои Декларацијата за одржување фер, слободни и демократски избори за членови на советите на општините и за градоначалници на општините и на Градот Скопје. Оваа декларација е прва од ваков вид што се усвојува во Собранието.
Со овој историски чин, Собранието ја реафирмира својота непартиска сплотеност и посветеноста за гарантирање на демократските и европските стандарди во изборниот процес, нудејќи целосна поддршка на одговорните институции, независното набљудување и мирната и рамноправна изборна кампања.
Декларацијата ја нагласува важноста на почитувањето на законот, основните права и слободи, како и осудата на говорот на омраза, насилството, корупцијата и злоупотребата на државните ресурси. Исто така, се потенцира значењето на политичката толеранција и меѓусебното почитување меѓу различните политички опции, како и улогата на медиумите во обезбедувањето позитивна атмосфера на изборниот процес преку еднакво промовирање на кандидатите, нивните идеи и платформи.
Собранието, како претставник на граѓаните и чувар на сплотеноста, испраќа порака дека изборите на 19 октомври треба да бидат доказ за политичката зрелост и за демократското функционирање на нашето општество и институции.