Судскиот процес против поранешниот премиер Владо Бучковски денеска повторно беше одложено. Стартот на повтореното судење беше повторно презакажан поради болест на еден од обвинетите Ацо Ѓурчевски. Неговиот адвокат на судиката и кажа дека вчера вечер му се слошило и бил однесен во болница. Вечерта околу еден тој си заминал самоволно од болницата за да може денес да се појави на судење. Но, сабајлето повторно му се слошило и бил однесен во болница.Судиката откако прво прокоментира дека секогаш вечерта пред судењето некому му се слошува, го задолжи адвокатот до 13 часот денеска да достави медицинска документација за болниот, а судењето е со нови термини за декември и јануари. Адвокатот појасни дека на обвинетите им се лоши оти се под стрес и се возрасни луѓе.Бучковски е обвинет за малверзации со набавка на тенковски делови во Министерството за одбрана. Беше осуден на три и пол годишна затворска казна која Апелациониот суд ја укина. Предметот е на повторно судење, но не во организиран криминал туку во обичен.Претходниот пат судењето се одложи оти не дојде директорот на МЗТ ФОП Митре Петковски. Неговиот адвокат го оправда без медицинска документација. На судиката и кажа дека по телефон бил информиран дека Петковски има проблеми со чирот. На секој судски процес се присутни претставници на Коалицијата за правично судење и претставници од американската амбасада.И поранешниот началник Методиј Стамболиски е обвинет во предметот кој доби иста казна како Бучковски.Двајцата логистичари во одбраната Ацо Ѓурчевски и Нелко Менкиновски, но и директорот на МЗТ ФОП Митре Петковски, беа осудени на тригодишни казни затвор. Осудените без задолжени и солидарно во буџетот да вратат 2,4 милиони евра. /крај/км