Македонија
ИК на ВМРО-ДПМНЕ ќе одлучува по барањето за предвремени избори
Извршниот комитет на ВМРО-ДПМНЕ, во среда детално ќе го разгледа барањето на опозицискиот СДСМ за предвремени избори, откако во вторникот навечер претседателот на владејачката партија Никола Груевски имаше состанок со коалиционите партнери
Премиерот и лидер на ВМРО-ДПМНЕ Никола Груевски, вечерва во скопскиот хотел „Бест вестерн унион“ одржа консултативна средба со претседателите на политичките партии од коалиција „За подобра Македонија“ на која се разгледува барањата на СДСМ и опозицискиот фронт за одржување предвремени парламентарни избори. По средбата, директорот на Центарот за комуникации на ВМРО-ДПМНЕ, Илија Димовски за новинарите рече дека меѓу коалициските партнери нема различни позиции и дека сите прашања биле анализирани од повеќе апсекти„На состанокот на претседателите и претставниците на партиите во коалицијата „За подобра Македонија“ беа разгледани актуелните барања на СДСМ, беа направени анализи од повеќе аспекти и беа разгледани позициите на сите. Во текот на утрешниот ден Извршниот Комитет на ВМРО-ДПМНЕ ќе одржи седница, ќе ги разгледа сите овие аспекти и ќе информираме за натамошните чекори“, изјави Димовски по консултативната средба на лидерите од владејачката коалиција.Повод за средбата се актуелните барања на СДСМ за предвремени избори.Во неделата СДСМ и други опозициски партии одржаа протестен марш, на кој според нив присуствуваа 50 илајди граѓани. По завршувањето на протестот пратениците на СДСМ и на опозициониот фронт поднесоа до Собранието три документа одлука за распуштање на составот на Собранието и распишување предвремени парламентарни избори, документ за измени на изборниот закон со кој ќе се овозможат елементарни услови за фер и демократски избори и одлука за формирање собраниска комисија за контрола и надзор врз избирачкиот список.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
СДСМ: Намалувавме цени на 500 производи, Мицкоски замрзна маржа на 73, дебакл на Владата
„Мерките на владата на Мицкоски освен што се задоцнети, тие нема да имаат ефект врз цените и стандардот на граѓаните. За жал, по најавената мерка на Владата дека се замрзнуваат маржите на само 73 производи, граѓаните не треба да очекуваат некаков ефект“, велат од СДСМ.
„Оваа мерка е калкулантска политика на Владата колку да замачкаат очи дека нешто направиле под притисок на јавноста. Сега е повеќе од јасно зошто со недели Мицкоски чекаше со намалување на цените на производите. Целта била да се најде решение колку да го има и тоа е во интерес на трговците, а не во интерес на граѓаните ниту нешто посебно ќе им помогне“, посочуваат од партијата и потсетуваат дека Владата на СДСМ минатиот септември 2023 година донесе мерки за намалување на над 500 производи во 25 различни категории и реализираше антикризен пакет за помош на граѓаните вреден 662 милиони евра.
„Во соседна Србија поевтинија 700 производи, слично е во Црна Гора. Ова што го донесе како мерка Владата на Мицкоски граѓаните нема ни да го осетат и тоа е доказ дека тој нема никаков интерес да се грижи за стандардот на граѓаните. За прв пат денес стигна и информацијата дека просечната плата за јули бележи пад од речиси 1000 денари по пет години постојан раст. Се намалуваат платите, цените остануваат високи. Граѓаните заслужуваат фер третман и вистинска грижа“, завршуваат од СДСМ.
Македонија
Укината забраната за движење во шуми
По извршената процена за намален ризик за појава на шумски пожари на површините под шума и шумско земјиште од страна на ЈП „Национални шуми“ – Скопје и на нивно барање, Министерство за земјоделство, шумарство и водостопанство донесе согласност за отповикување на целосната забрана за движење во шума и на шумско земјиште.
Македонија
Мицкоски: Работиме штипската болница да биде изградена во најбрз рок
„Јас мандатот го почнав пред неполни три месеци токму од пред штипската Клиничка болница и тогаш реков во овој мандат таа ќе биде завршена. Работиме на модел. Медицинско-техничко-економски модел којшто е во фаза на, би рекол, развој и очекувам дека до крајот на оваа година сето тоа ќе биде завршено и веќе од почетокот на следната ќе почнеме со градење на Болницата“, одговори претседателот на Владата, Христијан Мицкоски на денешното новинарско прашање при посетата на Штип, во однос на изградбата на Клиничката болница и додаде:
„Проблемот е што пари нема. Парите ги украле или ги потрошиле за нешто што не требало. Требало за Болницата, но парите ги украле. За жал наследивме состојба таква каква што е, но тоа е што е, тука е, нѐ гласале граѓаните, да немаме оправдување, туку да работиме, да ја направиме работата подобра. Што е нашиот пристап? Нашиот пристап е да обезбедиме и финансирање, и допроектирање и опремување и изградба и пренос на објектот. Тоа во моментов Законот за јавни набавки не го дозволува. Ако е потребно ќе влеземе и чекор напред, ако треба мали нивелирања на Законот, само за да можеме да ги одглавиме многу проекти за коишто се почнати, парите се украдени и тие се сега споменици на едно време. Тоа правиме, иновираме, се трудиме да најдеме начин за сето ова го задвижиме и ќе успееме. Ќе успееме, јас сум оптимиста дека ќе успеаме“, дополни тој.