Македонија
ЕУ ќе се наврати на датумот за преговори за време на унгарското претседателство
Советот на Европската Унија ќе се наврати на прашањето за отворање на пристапни преговори со Македонија за време на следното, унгарско претседателство со Унијата, стои во заклучоците усвоени попладнево на состанокот на Министрите за надворешни работи на земјите членки на ЕУ.Се поздравува воспоставениот дијалог на највисоко ниво меѓу Атина и Скопје и се изразува очекување тоа да донесе резултати во блиска иднина.„Советот ја споделува оценката на Комисијата за задоволително исполнување на политичките критериуми и забележува дека Комисија ја повтори својата препорака дека пристапни преговори треба да бидат отворени со Поранешната Југословенска Република Македонија. Советот е подготвен да се врати на ова прашање за време на следното претседателство. Одржувањето на добрососедски односи, вклучувајќи и разговори за изнаоѓање взаемно прифатливо решение за името, под покровителство на ОН, останува важно. Советот го поздравува воспоставениот дијалог на високо ниво и очекува тоа да донесе скорешни резултати“, се вели во усвоените заклучоци.Во документот се поздравува направениот напредок во реформскиот процес во изминатата година, иако се констатира дека е со нееднакво темпо. Се бараат понатамошни напори во однос на политичкиот дијалог, судството, реформата на јавната администрација, борбата против корупцијата, слободата на изразување, како и подобрувањето на средината за водење бизнис.„Советот го поздравува напредокот што Поранешната Југословенска Република Македонија го има направено во клучните области, како што е полициската реформа, иако е со нерамномерно темпо. Земјата продолжува да ги исполнува своите обврски од Договорот за стабилизација и асоцијација. Советот очекува земјата да го задржи моментумот на реформската агенда. Земјата треба да направи понатамошен прогрес во однос на дијалогот меѓу политичките чинители, судството и реформата на јавната администрација, борбата против корупцијата, слободата на изразување и подобрувањето на средината за водење бизнис. Имплементацијата на Охридскиот Рамковен Договор останува важен елемент за демократијата и владеењето на правото во земјата“, се вели во заклучоците.Денешниот состанок на министерско ниво се одржа како подготовка за претстојниот состанок на Европскиот Совет. /крај/ec/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Не е законски да не е осигурана Клиниката, за тоа треба да преземе одговорност менаџментот“, кажа Демири
Министерот за здравство Илир Демири кажа дека штетата на Токсикологија е покриена, откако вчера имаше хаварија со цевката за парно.
„Клиничкиот центар има заеднички служби кои се наменети за тоа, тоа им е примамрна обврска да се грижат за Клинички центар и за сите хаварии што можат да се случат. Хаваријата со цевката за парно е санирана уште вчера од страна на заеднички служби“, рече Демири.
Дали е потпишан договор или не, тоа се интерни договори на Клиниките кои морам да ги проверам, додаде министерот.
Во однос на болничарот кој требаше да биде суспендиран, Демири кажа дека има една голема неправда направена на Токсикологија, а тоа е необезбедување на согласност од страна на менаџментот на таа институција за обезбедување договори за 18 вработени кои се дел од медицинските процедури, кои веќе 4 месеци служат на таа институција, а не добиваат никаква економска надокнада.
„Во тек е изборна кампања, не сакам да се прекрши ниту една законска процедура, чекам да дојде извештајот на Инспекцискиот надзор кој ги има обврзано во тек на 5 дена менаџментот да најде решание за 18 луѓе кои работат, а не добиваат надокнада. Не е законски да не е осигурана Клиниката, за тоа треба да преземе одговорност менаџментот“, кажа Демири.
На новинарско прашање, министерот одговори дека економската директорка оди на работа и не се паркира на влезот на Клиниката.
„Не се точни наводите дека доаѓала на работа по четири саати, според моите сознанија“, додаде Демири
Македонија
„Не е точно дека со ДУИ подготвуваме сценарио за бојкот на вториот круг на претседателските избори“, кажа Ковачевски
Претседателот на СДСМ, Димитар Ковачевски кажа дека не е точно дека подготвуваат со ДУИ сценарио за бојкот на вториот круг на претседателските избори на 8 мај.
„Тоа не е точно, јас вчера имав многу јасна порака на митинзите во Сарај и Чучер Сандево. Ги повикувам сите гласачи масовно да излезат на 8 мај и да ги поддржат претседателскиот кандидат Стево Пендаровски и коалицијата За европска иднина на парламентарните избори. Да избереме и претседател и парламентарен состав, Македонија да продолжи на својот пат на европските инетеграции“, рече Ковачесвки.
Тој кажа дека никој не ги има гласачите под своја контрола за да ги наведува како да гласаат.
„Ја примивме пораката во првиот круг за сите грешки кои ги направивме минатите седум години. Очекуваме да ја добиеме поддршката во вториот круг. Нормално е дека нашето членство го повикавме на изборите. Свесни сме дека граѓаните испратија јасна порака до СДСМ, дека граѓаните укажаа на грешките. Работевме во услови на голема пандемија, енергетска и економска криза предизвикани од војната во Украина. Свесен сум за нивото на инфлација и цените. Се обидовме да ги зголемиме и платите и пензиите секој да се справи на најдобар начин со оваа криза. Знам дека тоа не беше доволно, знам дека треба повеќе. Во новата програма имаме и зголемување на платите и на пензиите и секако многу јасни мерки во однос на владеење на правото и борбата против корупцијата“, кажа Ковачевски.
Тој очекува во вториот круг поддршка од сите граѓани во Македонија.
Ковачевски кажа дека Пендаровски е граѓански кандидат и ја бара поддршката од граѓаните, а не од претседателските кандидат коишто не се пласирале во вториот круг.
„Имаме разговори со политичките партии на различни нивоа и ги повикувам сите да имаме масовна излезност на 8 мај. Да избереме претседател на државата со којшто ќе имаме сигурна европска иднина и да избереме парламент што ќе носи храбри одлуки за државата, за да го дадеме на граѓаните она што го заслужуваат и очекуваат“, рече лидерот на СДСМ.
Тој додаде дека со крената глава продолжуваат во вториот круг и знае од што се незадоволни граѓните.
Македонија
(Видео) Стојаноска: Време е да се обединиме сите околу тоа повеќе да не функционираме како до сега
„Во текот на вчерашниот ден направивме анализа од резултатите од првиот изборен ден на претседателските избори и истото покажува дека голем број на нашите сограѓани Албанци, Турци, Роми и Бошњаци го имаат дадено својот глас за нашиот претседателски кандидат Гордана Силјановска Давкова“, рече Дафина Стојаноска, носител на изборна единица 6.
„Во име на тоа, од срце им се заблагодарувам на сите мои сограѓани и ги повикувам истото да го направат да го направат и во вториот круг имено ВМРО-ДПМНЕ подава рака кон сите, време е, момент е да се обединиме сите околу тоа повеќе да не функционираме како до сега, туку да вложиме да инвестираме во вистинска слобода, вистинска благосостојба и вистински соживот особено за нас особено во шестата изборна единица. Време е заедно да се спротивставиме на криминалот и Македонија да ја направиме своја и горда“, изјави Дафина Стојаноска, носител на изборна единица 6.