Македонија
Само косовците поголеми оптимисти од Македонците во регионот

Третина од населението во Македонија очекува следната 2011-та да биде подобра од 2010 г. од која останаа да се потрошат и последнтие четири денови покажува анкета спроведена од 22. до 29 октомври врз 1.213 испитаници
Како што покажало истражувањето на Galup international, 33 отсто од македонските граѓани очекуваат 2011 г. за нив лично и за нивните семејства да биде подобра од 2010 г., 34 проценти сметаат дека ќе биде иста, а 30 отсто дека ќе биде полошаПоголеми оптимисти од Македонците за тоа каква ќе биде следната година, се само жителите на Косово – 55 отсто а помали оптимисти се во Босна и Херцеговина каде што 22 проценти очекуваат 2011 г. да им биде подобра од 2010-та, во бугарија процентот оптимисти изнесува 21 додека, пак, во Србија е 11 отсто.На прашањето дали 2011 г. ќе биде година на економскиот просперитет, 21 отсто од анкетираните македонски граѓани одговориле потврдно, 42 дека ќе биде исто а 34 отсто очекуваат полошо.За граѓаните на Република Македонија најголем економски проблем и натаму претставува невработеноста, а 45 сметаат дека таа вгодина ќе се зголеми, 24 отсто семаат дека ќе се намали а 27 проценти сметаат дека ќе остане на годинашното ниво.Истражувањето на институтот Galup e спроведено во 53 држави во кои живее 76 отсто од светската популација, и тоа покажува дека 42 отсто од анкетираните очекуваат 2011 г. на глобално ниво да биде подобра од претходната година, а 19 отсто вкупно се песимисти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Тошковски: Нова седма по ред канцеларија на Управни служби на МВР во Ропотово, ја враќаме довербата на граѓаните

Министерот за внатрешни работи Панче Тошковски заедно со дел од раководството на министерството денеска во Полициското одделение во Ропотово, Општина Долнени прилепско, пушти во употреба нова канцеларија на Управни служби на МВР која ќе ги опслужува жителите во Општина Долнени и околните населени места.
Министерот Тошковски потенцираше дека со овие седми по ред канцеларии за управни служби министерството за внатрешни работи ги доближува се повеќе своите услуги за граѓаните.
„Со оваа канцеларија во Долнени над 15.000 граѓани коишто припаѓаат на Општина Долнени заедно со граѓаните од дијаспората, ќе имаат право и можност сите услуги коишто се поврзани со управните служби како што е вадење на патна исправа, лична карта или возачка дозвола ќе можат да ги остварат во рамки на својата општина, многу поблиску до местото на живеење. Со што имаме двоен ефект, многу поблиска услуга до граѓаните од овој регион а и растеретување на канцеларијата во Прилеп која досега ги опслужуваше овие граѓани. Овие се седми по ред отворени канцеларии на управни служби и доколку има потреба од нови секако ќе реализираме. Ветивме дека ќе овозможиме подостоинствени, побрзи и подостапни услуги за граѓаните и тоа го остваруваме.“, потенцираше министерот Тошковски.
Министерот Тошковски истакна дека досегашните искуства од веќе отворените канцеларии се одлични, граѓаните се исклучително задоволни да можат да ја остварат својата услуга близу до својот дом, без да патуваат подолго и фактот што гужвите со тоа се намалени и услугите ги добиваат достоинствено и ефикасно.
Министерот Тошковски исто така го посети и ОВР Прилеп каде се запозна со фактичката состојба поврзана со безбедноста, условите и предизвиците на прилепската полиција.
„Има подобрување во делот на сообраќајот и вкупниот криминалитет, но и понатаму треба да се работи особено во делот на враќање на довербата на граѓаните во полицијата, којашто во изминатите години била целосно изгубена како резултат на спрегата со определени криминални структури“, истакна на крај, министерот Тошковски.
Македонија
(Фото) Македонски контингент од околу 280 војници со формациска опрема, вооружување и возила испратен на воената вежба „Saber Junction 25“ во Германија

Македонски контингент од околу 280 војници со формациска опрема, вооружување и возила, меѓу кои и новите лесни оклопни возила JLTV денеска во штипската касарна „Јане Сандански“ беше свечено испратен на воената вежба „Saber Junction 25“ која се реализира во Хохенфелс, Германија.
Министерот за одбрана Владо Мисајловски, кој присуствуваше на настанот, на војниците им порача да бидат горди што ја носат армиската униформа и што ја преставуваат државата пред сојузниците. “Ви посакувам многу здравје, покажете дека се носиме со сите земји и дека можеме да покажеме квалитет”, рече министерот. Додаде дека за секој предизвик Министерството и Армијата се подготвени да ја дадат сета потребна поддршка.
Началникот на Генералштабот на Армијата, генерал-мајор Сашко Лафчиски порача дека за прв пат од постоењето на Армијата формација од ваков состав, зајакната чета со сите елементи на маневар, на борбена поддршка и на самоодржливост ќе биде распоредена на вежба.
Целокупните финансиски средства за учество во планирачкиот процес, подготовките, транспортот на персоналот и опремата, како и учеството на вежбата се обезбедени од буџетот на одбраната, што е доказ за посветеноста на Министерството на континуираното усовршување и увежбување на армиските припадници.
Македонскиот контингент, кој е најголем досега кој учествувал на оваа серија вежби, е дел од Лесната пешадиска баталјонска група, што претставува можност за дополнителна подготовка пред претстојното оценување на борбената готовност следната, 2026 година. Освен развојот на интероперабилноста со сојузниците, едни од главните цели на вежбата се и извежбувањето на начинот на распоредување на поголема единица надвор од територијата на државата преку реализација на стратегиски транспорт до местото каде што ќе се одржи вежбата како и самоодржливост и логистичка поддршка за време на реализацијата на вежбата.
На вежбата „Saber Junction 25“ која е во организација на Командата на американската армија за Европа и Африка, учество ќе земат голем број на сојузници од НАТО и партнери.
Македонија
Нормализиран сообраќајот на патниот правец Македонска Каменица – Делчево

Од 14:25 часот сообраќајот на патниот правец Македонска Каменица – Делчево е нормализиран, извести АМСМ.
Сообраќајот на тој патен правец, од 11:25 часот, беше во целосен прекин поради сообраќајна несреќа.