Македонија
Антикорупциската бара кривично гонење на Спасеноски

Антикорупциската комисија донесе заклучок за поведување на кривична иницијатива за кривично гонење на поранешниот министер за земјоделство, Ацо Спасеновски, соопшти првиот антикорупционер за аферата со хидросистемот „Злетовица“, Илми Селами.
„Тој издал потврда на конзорциумот Гранит и Бетон за која што претходно јапонската фирма на консултанти кажала дека Силекс неметали не е способна да ги изврши потребните работи на ископ и бушење за потребите за изградба на хидросистемот „Злетовица“.
И покрај таквото мислење на консултантската фирма од Јапонија, министерот неосновано издал потврда дека сепак фирмата Силекс неметали е способна да ги изврши предвидените работи во форма на ангажирање на подизведувач.
Интересен момент е тоа што во времето кога јапонската фирма кажала дека не е способна и една поважните прични е тоа што фирмата „Силекс неметали“ била регистрирана како градежна фирма за нискоградба. Соодветно на она што го поседувале како екипираност, како опременост од аспект на работа за потребите на хидросистемот „Злетовица“ не била способна да ги извршува таквите работи и ние побаравме од минситерството за земјоделие да ни кажат врз основа на што е издадена таквата потврда.
„Не успеавме да добиеме содржаен одговор од нивна страна и затоа имаме основано сомение дека со потпишувањето на таквата потврда всушност е овозможено „Силекс неметали“ неосновано да се ангажира како подизведувач и во тоа својство да прибави имотна корист“ рече претседателот на ДКСК, Илми Селами.
Наспроти комисијата од Министерството излегоа со тврдење дека на комисијата навреме и ги доставиле документите.
Иницијативата ќе биде доставена до јавносто обвинителство.
Спасеноски беше поставен за министер за земјоделие од Социјалситичката партија на Љубисав Иванов – Ѕинго. Во меѓувреме, Спасеновски замина на амбасадорско место во Украина, а јапонците се откажаа од иневстрањето во втората фаза на проектот „Злетовица“.
ДКСК минатата недела го отвори и прашањето за случајот со министерката, Елизабета Канческа – Милевска, која по аферата на опозицијата „Патриотска метла“ изјави дека ги вратила парите за кои ја обвинува опозицијата.
ДКСК отвори предмет од овој случај и побара да достави документи дали, кога и, колку и како ги примила парите. До денеска нема одговр.
Селами соопшти дек ДКСК собира и документи за случајот со министерот за животна средина, Неџати Јакупи и з аовој случај им требаат дополнителни информации и документи./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Битиќи: Ја добивме битката, концесијата дадена од ВМРО-ДПМНЕ, падна на арбитража

Концесијата дадена од ВМРО-ДПМНЕ, симбол на криминал и коруптивни зделки, падна на арбитража. Државата ја доби битката, нема да плати штета од 115 милиони евра, реагира пратеникот на СДСМ, Фатмир Битиќи и поранешен вицепремиер.
„Да се потсетиме: Случајот односно судските рочишта се затворени во 2023 година. Арбитражниот суд носи конечна пресуда во рок од две (2) години по завршните зборови. Тимот што ги застапуваше правата на нашата држава во целиот тој процес се водеше со јасни определби и насоки од страна на мојот кабинет во претходната Влада“, наведува Битиќи.
И затоа, додаде тој, искрена благодарност до White & Case, нашите главни застапници во арбитражата, државните службеници и експерти кои вложија знаење и енергија, како и до локалните адвокатски друштва за нивната посветеност и професионалност.
„Благодарност до сите што ги застапуваa интересите на државата. Вака се почитува татковината, со искрен настап и без калкулации – а за оние кои имаа други интереси, иднината ќе покаже“, стои во објавата на Битиќи.
Македонија
Поради пожарот кај Јасен, затворен за сообраќај патот Македонски Брод – Скопје

Поради пожар во националниот Парк Јасен, регионалниот пат Р1106 Македонски Брод – Скопје затворен е за секаков вид на возила, информира АМСМ.
Сообраќајот на државните патишта се одвива непречено, по претежно суви коловози.
Интензитетот на сообраќајот на патиштата надвор од градските средини е зголемен. Поради летните одмори, се бележи зголемена фреквенција на возила, на ГП Табановце времето на чекање за излез е околу 30 минути, додека на останатите гранични премини од македонска страна нема подолги задржувања при влез или излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Меџити: 65 милиони евра за Универзитетскиот кампус и подземниот паркинг на Плоштад Скендербег во Скопје

Изградбата на Универзитетскиот кампус „Мајка Тереза“ и подземниот паркинг на Плоштад Скендербег стануваат реалност. За овие крупни проекти се обезбедени 65 милиони евра од државниот буџет, соопшти првиот вицепремиер Изет Меџити.
Според него, реализацијата на овие проекти ќе започне многу скоро.
„Сè е подготвено за нивниот почеток. Овие инвестиции ќе донесат долгорочни придобивки за студентите, граѓаните и економскиот развој на Скопје. Во таа насока, денес остварив значаен состанок со министерот за транспорт, Александар Николовски, директорот на Инспекторатот за градежништво и претставници на Општина Чаир, каде што се договоривме за конкретните чекори што ќе го обезбедат итното започнување на овие проекти. Овие инвестиции поставуваат нови темели за урбаното и образовното модернизирање на нашиот град, означувајќи клучен момент за стратешкиот развој на Скопје. Со оваа посветеност, отвораме нова фаза, каде визијата за функционален, иновативен и развоен град се претвора во реалност. Благодарение на меѓуинституционалната координација и заедничката посветеност, многу брзо ќе започне теренската реализација на овие проекти од национално и стратешко значење. Ние ги исполнуваме ветувањата и ја претвораме визијата во реалност!“, напиша Меџити.