Македонија
Маневски одлуката за Вранишковски ќе ја коментира кога ќе ја добие официјално

Министерот за правда Михајло Маневески не ја коментира одлуката на Апелацискиот суд во Софија, расчинетиот владика да не биде екстрадиран во Македонија, се додека не добие официјално известување за одлуката
Министерот за правда Мијахло Маневски вели дека Македонија направила се што било потребно од правен аспект Вранишковски да биде вратен во Македонија. Постапката била поведена согласно Кривичниот законик и Конвенцијата за екстрадиција на осудени лица.Маневски во изјава за Макфакс вели дека со ова се покажува дека Оновниот суд во Софија, кој донесе одлука расчинетиот владика Јован да биде екстрадиран во Македонија и Апелацискиот суд од Софија немаат усогласени мислења за ова прашање.Но сепак Маневски вели дека останува пресудата и меѓународната потерница за Вранишковски. Според него, оваа одлука на бугарскиот суд важи само за Бугарија и дека со укинувањето на забраната Вранишковски да излегува од Бугарија, тој може да биде уапсен во било која друга земја.Манвески вели дека сега останува да се види зошто Апелацискиот суд во Софија одлучил да го одбие барањето на македонските власти за екстрадиција на Вранишковски.Апелацискиот суд во Софија денеска го одби барањето за екстрадиција на Вранишковски и ја потврди жалбата поднесена на одлуката на Основниот суд во Софија, според која Вранишковски требаше да се ектрадира во Македонија.Зоран Вранишковски беше уапсен на 15 ноември на граничниот премин Калотина, на бугарско – српската граница. Вранишковски се бара заради издржување затворска казна од 2,5 години за проневера на околу 250 илјади евра црковни пари
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Вицепремиерот Николоски во Будимпешта на прослава на Националниот ден на Унгарија

Вицепремиерот Александар Николоски на покана на премиерот на Унгарија, Виктор Орбан, присуствува на Националниот ден кој се слави во чест на Свети Стефан основачот на унгарската држава и христијанството во Унгарија.
Покрај учеството на прославата на националниот ден, предвидени се повеќе средби со високи претставници на владата на Унгарија, неколку министри и потенцијални инвестиции. На средбите е предвидено да се разговара за динамиката на проектите во Македонија како и за идната засилена економска соработка помеѓу двете држави.
Посетата на вицепремиерот е уште една потврда за одличното пријателство и соработката помеѓу Македонија и Унгарија, се додава во соопштението на Министерството за транспорт.
Македонија
СДСМ: Кај Мицкоски се гледа паника од растечкото незадоволство кај граѓаните

„Изјавите на Мицкоски за „успешна влада“ и „реформи“ не се ништо друго освен обид да се прикрие растечкиот страв од падот на рејтингот и гневот кој се акумулира кај граѓаните поради неспособноста и хаосот што оваа власт го создаде. Смета ли Мицкоски навистина дека граѓаните не гледаат што се случува“, прашуваат од СДСМ.
„Дека ќе поверуваат дека нема корупција, додека институциите се претвораат во партиски испостави? Дека ќе поверуваат во реформи, додека најважните ветувања од програмата останаа на хартија?
Владата нема со што да се пофали, па сега преку лажна помпа се обидуваат да го деморализираат нардот да ги казни на изборите.
Попусто се обидува Мицкоски да создаде илузија на поддршка која одамна ја нема. Вистината е болна за ВМРО-ДПМНЕ, по само една година владеење, народот е разочаран, ветените промени не постојат, а секојдневието на граѓаните е сè потешко.
Гледаме институционален хаос, партизација без срам, нула реформи во правдата, афери без разрешница и молк за сите скандали кои ги тресат институциите.
Во ваква состојба, Мицкоски може да повторува колку сака дека нема корупција и дека владата функционира стабилно, но народот не живее во наративот на премиерот, туку во реалноста што ја создаде неговата неспособна влада. И таа реалност е сурова.
Изјавите на Мицкоски не се израз на сила, туку одраз на паника. Паника поради изгубената доверба, растечкото незадоволство и се појасната порака од граѓаните, ова не е промената што ја очекуваа“, соопштуваат од СДСМ.
Македонија
(Видео) Специјалци од единиците „Волци“ и „Тигри“ направија пресека за да не се пренесе пожарот од Јасен

Пресеката, поточно правење бришан простор за да не се пренесе пожарот преку срт, целосно ја завршија припадниците на Специјалната антитерористичка единица „Тигар“ заедно со припадниците на Батаљонот за специјални сили „Волци“, согласно условите на теренот, известија од ДЗС.
Стојанче Ангелов, раководителот на Главниот штаб за управување со кризи ги предводеше активностите и на терен, на негов начин, рамо до рамо со специјалците. Акцијата којашто е стратешки превентивна мерка, за што беше потребно многу работа, практично многу расчистување за да се направи пресеката – бришан простор широк дваесетина и повеќе метри на големиот срт долг неколку километри дури до езерото Козјак.
Инаку, после завршувањето Ангелов изврши извидување и се врати заедно со последните специјалци. Денеска е извојувана битка, но борбата продолжува за да се зачува што повеќе од прекрасната шумата во Јасен, велат од ДЗС.