Министерот за локална самоуправа, Златко Перински, заедно со вицепремиерот и министер за односи меѓу заедниците Иван Стоилковиќ и министерката за образование и наука Весна Јаневска учествуваше на денешната панел-дискусија „Ги градиме темелите на промените. За твоето време кое доаѓа“, организирана по повод една година од работата на Владата.

Министерството за локална самоуправа со години било ставено во сенка, без јасна улога и без вистинска поддршка, истакна Перински, но Владата одлучила да ја врати неговата суштинска мисија, тоа да биде мост помеѓу централната власт и општините и клучен двигател на рамномерниот регионален развој.

Перински посочи дека Министерството за локална самоуправа во изминатава една година посветено и со јасна визија пристапило кон анализа на затекнатите состојби на локално ниво, а притоа биле идентификувани сите пропусти и работеле на препознавање на потребите на граѓаните и општините. Како резултат на тоа, посочи Перински, Министерството реализираше и поддржа конкретни решенија кои директно веќе ги подобруваат условите за живот во локалните заедници од областа на транспортот, животната средина и енергетската ефикасност, до културата, спортот, образованието, туризмот и социјалната политика.

„Овие резултати се реализирани преку програмите за рамномерен регионален развој, за намалување на диспаритетите меѓу и во рамките на планските региони и за зголемување на регионалната конкурентност, како и преку потпрограмата за инфраструктурни проекти во општините. Реалност станува и дигитализацијата на општинските услуги, со поставени јасни патокази за полесен пристап до услуги и зголемена отчетност на локалните власти. Посебно значајно е тоа што, по повеќе од две децении, Министерството иницираше суштински измени на Законот за локална самоуправ со цел унапредување на директната демократија и транспарентноста. Поставуваме темели на промени што ќе обезбедат подобро функционирање на системот на локалната самоуправа. Целта е јасна, пофункционални општини и позадоволни граѓани“, заклучи Перински.

Вицеремиерот и миниситер за транспорт Александар Николоски од утрово ги започна средбите со претставници на Владата на Француската Република на кои се разговара за подобрување на севкупните политички и економски односи.

„Тука во главниот град Париз каде ќе се случат бројни средби на кои што ќе разговараме за зголемување на политичката и економска соработка меѓу Македонија и Франција.

Подобрувањето на односите со Франција се клучни и затоа оваа средба ја сметам за многу значајна. Утрово веќе остваривме средба со првиот човек за Европа во рамките на француската влада каде разговараме за подобрување на билатералните односи и во политичкиот и во економскиот дел, а во текот на попладнето ќе имаме средби со директорката на трезорот на Француската Република како и со директорот на Агенцијата за поддршка на Република Франција. Тука секако е и Министерството за еконсмија и финансии и средбата со 11 -те најголеми француски компании кои што ќе ги поканиме да инвестираат во Македонија, со цел во Македонија да се отвораат нови и добро платени работни места. Сметаме дека Македонија може да е атрактивна дестинацаија за француските компании и инвеститори“, вели тој.

Најави дека ќе се разговара за инфраструктурата и развојот во автопатскиот дел и делот на аеродромите и во делот на железницата.

„Двата македонски аеродроми се оперирани од француска компанија и сме многу задоволни како се одвива соработката особено со нови летови. Би сакал да ја потсетам македонската јавност дека 11 нови летови има во Македонија со доаѓањето на Владата на ВМРО-ДПМНЕ.

Најави дека утре ќе има средба со министерот за транспорт, Филип Табаро, на која ќе се разговара за целокупната соработка меѓу двете држави. Ќе се разговара и за заштитата на Охрид и Охридското езеро и средбата со пратениците во Француското Национално Собрание каде ќе се зборува за подобрување на политичките односи.

„Сметам дека оваа државна посета ќе ги донесе на едно повисоко ниво односите меѓу Македонија и Франција што е од корист за двете држани, што значат многу за нас како земја членка во НАТО и партнер на Франција во НАТО и секако нашите амбиции за членство во ЕУ и најважното а тоа е подршка на македонскиот национален идентитет, засебноста на македонскиот народ и македонскиот јазик”, истакна Николоски.

Повеќе од две децении на власт, ДУИ не презеде никакви вистински мерки за да обезбеди правична и соодветна застапеност и достоинство за граѓаните. Иако ветувањата беа бројни и повторувани, се остана на пропагандно ниво. Наместо решение, ДУИ изгради манипулативен систем со т.н Балансeр, кој го користеше за контрола на администрацијата и залажување на граѓаните со празни бројки. Ветувања за законски реформи беа дадени само за кампањата, но никогаш не беа спроведени, велат од „Вреди“.

„Во мандатот 2020–2024, како дел од кампањата „Време за првиот премиер Албанец“, ДУИ вети конечно решение за правична застапеност, наведувајќи го ова меѓу своите пет клучни проекти, во случај Насер Зибери да стане премиер. На страница 65 од изборната програма, тие се обврзуваа да го изменат Законот за административни службеници, изменат Законот за вработените во јавниот сектор, етничката графа на уверенијата за државјанство, изменат Законот за регистрација на матични книги, со цел да се додаде колона за етничка припадност.

Дури и во подоцнежната програма на „Европскиот фронт – Европа 2030“, ДУИ продолжи со измамничката реторика, изјавувајќи дека „практиката на вработување ќе се унапреди со користење на законскиот механизам на балансерот“, иако беше повеќе од јасно дека Балансерот не успеа како механизам“.

Во меѓувреме, како што додаваат од „Вреди“со Стратегијата за реформи на јавната администрација 2023-2030, која подоцна беше одобрена од Владата од која ДУИ беше дел, Балансерот беше истакнат не само како алатка што донесе бројни злоупотреби, туку и нееднаквост и корупција, и дека наместо да биде инструмент за вработување на граѓани од етничка припадност, им даде приоритет на партиските списоци за вработување, списоците на пријателства или дури и разни други манипулации.

„На оваа стратегија беше нагласено: „таканаречената алатка “балансер“, во пракса, предизвика бројни злоупотреби. Мора да се примени принципот на соодветна и правична застапеност на членовите на заедницата. Со објективни критериуми и процедури на отворен конкурс за избор на најдобар кандидат, спроведен од професионалци од администрацијата кои поседуваат висока експертиза и интегритет, ќе се создаде штит од политичко влијание“.

Дури и во извештајот за скрининг од страна на ЕК, за Кластер 1 (Фундаментални вредности), на остар начин беше нагласено дека механизмот „балансер“, кој го одредува процентот на застапеност на вработените во јавниот сектор од секоја етничка група „веќе не ги исполнува целите и дека формулата не ги одразува податоците од пописот на населението што живее во земјата“.

Четири последователни години (2020–2024), ДУИ, додаваат од „Вреди“ не само што не исполни ниту една од овие обврски, туку продолжи да го злоупотребува озлогласениот Балансер за партиски придобивки, без да преземе никакви законски реформи.

Во меѓувреме, потсетуваат дека денес, на 24 јуни 2025 година, 24 години по Охридскиот договор, „Вреди“ го носи Законот за правична и соодветна застапеност, историски чин што затвора долго поглавје на политичко лицемерие и го отвора патот за правно загарантирана застапеност, со јасни извршни механизми и конкретни рокови за имплементација.

„Овој закон не е само административна реформа, туку е клучна неисполнета алка во Охридскиот договор што веќе се исполнува. За прв пат, правичната застапеност повеќе нема да остане предизборен слоган, туку ќе стане составен дел од уставниот и извршниот поредок на државата.