Судскиот процес против Тони Денковски кој уби тројца во ресторан во Скопје денес продолжи со распит на сведоци. Се сослушуваше вработен во ресторанот Биг фиш каде што се случи убиството и девојката која седела на масата со убиените. Двајцата имаа контрадикторни сведочења. Вработениот тврдеше дека имало кавга и навреди меѓу Денковски и убиените, а девојката кажа дека се било мирно и никој со никого не се скарал. Тврдеше дека Денковски бил смирен кога влегол во кафеаната со пушката и никој не претпоставувал дека ќе убива.Потоа беа сослушани и сопругата и ќерката на Денковски кои потврдија дека не знаеле дека Тони имал закани од убиените. Тие претпоставувале дека нешто се случува затоа што по неколку телефонски разговори се однесувал чудно и настојувал децата секогаш да бидат дома или во дрштво со некој.Беше сослушана и психијатарот која направила вешачење и утврдила дека во моментот на пукањето Денковски бил свесен и пресметлив. По барање на одбраната судот нареди да се направи уште едно вештачење.Денковски лани на почетокот на септември со автоматско оружје ги уби  Јордан Јорданов кој бил член на „Франкфуртската мафија“, Влатко Андревски и Владо Милошев вработен во Шестта управа во МВР. Влегол во рибниот ресторан каде тројцата седеле на иста маса и ги изрешетал, по што побегнал од местото на убиството. По неколку дена сам се пријавил во полиција. Од тогаш мотивот за убиството никој не го соопшти, а Денковски во истрага молчел.Според првичните сознанија на истрагата се работело за голем долг кој Денковски не можел да го подмири заради што имал големи притисоци од убиените.Во текот на судкиот процес Денковски трвди дека бил под притисок и закани за животот на неговите деца и токму поради тоа пукал. крај/к.м