„Википедија“ онлајн енциклопедијата, чија содржина секој може не само слободно да ја користи туку и да ја уреди, денеска обележува десет години од постоењето. Слободна, денеска и повеќе јазичната енциклопедија, на 15 јануари 2001 година ја основа американецот Џими Велс, со желба да го забрза веб-сајтот од својот претходник, Нупедиј, чии рамки биле престроги, бидејќи од соработниците барал да имаат докторат од областите на кои пишуват, а членовите морале да поминат низ неколку фази на проверка и одобрување.На промоцијата на лансирањето на сајтот никој не знаел дали луѓето ќе се согласат да пишуваат за „Википедија“ и во која мерка информациите кои ќе се постават ќе бидат веродостојни.„Википедија“ во меѓувреме, стана важен извор на информација за повеќе милиони различни поими и иако е неретко критикуван заради неточности и заблуди, останува еден од најпосетените сајтови, а неговата содржина е често цитирана во медиумите и академските кругови.„Википедија“ исто така работи и на подобрување на квалитетот на својата содржина преку партнерството со 16 универзитети и соработки со музеи и експерти од различни области. Планира и да олесни и да го забрза процесот на поставување на нови статии и фотографии, но, како што вели Велс, сајтот никогаш нема да биде брз како „Фејсбук“ или „Јутјуб“.Су Гарднер, извршниот директор на фондацијата „Викимедиа“, непрофитна организација која ја надгледува „Википедија“ вели: „Википедија е скромна. Тоа не е убав сајт. Делува малку непријатно, а неговите статии понекогаш се чудно напишани, но луѓето едноставно го обожуваат“.И во Скопје, главниот град на Македонија, во организација на Викимедија Македонија, поддржана од повеќе организации, групи и поединци, ќе се одржуваат повеќе настани со цел се одбележи овој јубилеј.Според најавите, најголемиот дел од настаните ќе се одржат во Старата чаршија, срцето на градот и многувековен амалгам на различни култури и религии.Главниот настан ќе се одржи во кафе-барот La Kaña, каде по средбата на вики-заедницата на Македонија, ќе се одржат неколку презентации, и секако, роденденска журка со диџеи на Канал 103. /крај/блиц/пк