Општина Аеродром распиша тендер за изградба на нов зелен парк наречен „Аеродром“ на кејот на реката Вардар во населбата Ново Лисиче во близина на мостот Близнак.Со школката од авион што ќе биде поставена во централниот дел на паркот на импровизирана осветлена писта во должина од стотина метри, паркот ќе претставува симбол и препознатливи место на општината.„Сите знаат дека некогаш во овој реон постоел аеродром, а и општината денес го носи тоа име, од каде потекнува идејата за изградба на ваков симболичен парк“ – рече градоначалникот Ивица Коневски на денешната прес конференција.Според проектот паркот ќе се простира на површина од 35 илјади метри квадратни со две детски игралишта со детски реквизити, плато и бина за одржување на разни манифестации, маси и клупи во зеленилото, пет чешми, пешачки патеки и осветлување со канделабри.До паркот се предвидени пристапи преку шест влеза, два од булеварот АСНОМ и четири од велосипедската патека на кејот, а предвидена е и изградба на паркиралиште.Според Коневски, паркот ќе донесе трикратен бенефит. „Граѓаните ќе добијат ново зелено катче за одмор и рекреација, а Аеродром уште еднаш ќе го потврди атрибутот на најзелена општина, бидејќи во неа има 28 метри квадратни блоковско зеленило по глава на жител, во споредба со европскиот проектантски стандард од 8, 5 квадратни метри по глава на жител. Со паркот ќе се облагороди овој, со години наназад запуштен простор и ќе им се оневозможи на несовесните граѓани да го користат како дива депонија и ќе се спречат пожарите што повремено се случуваа поради сувата трева“ – рече Коневски. крај/ к.с.