РЕКОМ може да го забрза процесот на помирување на просторот на поранешна Југославија и да ги поттикне властите во сите држави да се забрзаат судските процеси за воени злосторства направени во војните од 1991 до 2001-та на просторот на екс- Југославија.

Oва е заклучокот на околу 50 претставници на здруженија на немнозински заедници како и претставници на Национални совети на немнозинските заедници од сите земји на поранешна Југославија кои денеска учествуваа на Регионалните консултации за основање на Регионална комисија за утврдување на фактите за воените злосторства и тешките кршења на човековите права на просторот на поранешна Југославија од 1991 до 2001 година (РЕКОМ) во Скопје.Според Ратко Гајица, пратеник и претставник на српската заедница во Хрватскиот парламент, моделот за утврдување на фактите од воените злосторства и тешките кршења на човековите права од војните во поранешна Југославија е добар и упатува кон помирување.„Мислам дека оваа иницијатива мора да се случи и охрабрен сум поради тоа што таа се случи порано од тоа што очекував. Мора да се случи најмногу поради вистината и правдата меѓу државите како и мирот пред се меѓу нормалните луѓе и обичните граѓани“, изјави Ратко Гајица, пратеник и претставник на српската заедница во Хрватскиот парламент.Шаип Камбери од Косово, градоначалник на општината Бујановац, Србија, смета дека најлоша варијанта е да се применува селективна правда во процесот на помирување, но дека семејствата на жртвите и исчезнатите имаат доверба во РЕКОМ и се надеваат дека вистината ќе се однесува на сите.Претставникот на Советот на ромите во БиХ, Дерво Сејдиќ, смета дека припадниците на немнозинските заедници најмногу настрадаа за време на војните.„Мојата сопруга загина за време на војната од граната и ми остави две мали деца. Затоа сметам дека извршителите на воени злосторства мора да се казнат. Кога станува збор за жртвите, бројките се најмалку важни, но важно е на семејствата на жртвите со процесуирање на судските процеси и казнување на извршителите да им олесни барем малку. Оваа Иницијатива заслужува многу поголема поддршка од меѓународната заедница.“, изјави Сејдиќ .Учесниците дадоа и конкретни забелешки за Нацрт-Статутот на РЕКОМ којшто сè уште е во изработка а треба да се усвои на Осмиот меѓународен форум за транзициска правда кој во март годинава ќе се одржи во Сараево.Иницијативата за РЕКОМ досега е поддржана од над 1000 невладини организиации и поединци од регионот