Македонија
Осман Кадриу: Мораме да обезбедиме целосно независна судска власт
Не смее да има мешање во судската власт и ние како држава мора да обезбедиме целосно независно судство, порачува претседателот на Хелсиншкиот комитет за човекови права, Осман Кадриу во неделното интервју за Радио слободна Европа
„Најмногу забелешки има во однос на ажурноста, пристрасноста на судството, како и одредени девијантни појави што мора да признаеме дека ги имаме, како корупцијата, судење надвор од разумните рокови, а има индикации дека во одредени постапки има и судење врз основа на политички диктат, со што се нарушува интегритетот на судската власт, се нарушува оној важен принцип што е подвлечен и во нашето право и уставно уредување, дека судската власт е рамноправна со другите две власти, извршната и законодавната, без право другите власти да се мешаат во судската. Ако ние имаме мешање во судската власт, тогаш судството не е независно, а оваа борба треба да се добие на тој начин што ние како држава мораме да обезбедиме да имаме една целосно независна судска власт“ вели Кадриу.Според него проблем во Македониjа е тоа што имаме донесено пакет закони од областа на судството, но тие се уште не се спроведуваат во целина и тоа според него ги кочи реформските процеси во судството и судската власт.Тој детектира повреда на уставниот принцип, презумпција на невиност.„Спектакуларните апсења се непотребни и притворот претставува рестриктивна меркa и мора да се води сметка за дословно да се почитува законската одредба, кога притворот е нужен, неминовен, потребен. Кога овие права се повредуваат, тогаш се разбира настапува сериозна штета за тие лица и нивните семејства“ вели Кадриу.Во врска со законот за лустрација, Кадриу вели дека првото прашање што се поставува и на кое треба да дадеме одговор како држава е тоа дали навистина сакаме да ја спроведеме лустрацијата како што треба или преку законот за лустрација сакаме да постигнеме одредени политички цели.„Во ред е ако станува збор за лустрација спрема тие лица кои ги злоупотребиле човековите права, но другиот одговор може да биде исто така фатален, ако лустрацијата не се спроведе или се спроведе еднострано, или може да има и друга заднина, дали во овој процес ќе бидат опфатени лица кои немаат врска со лустрацијата па сега и нив да ги жигосаме, што исто така би претставувало сериозна повреда на човековите права“ додава Кадриу.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Кавадарци му предаде 220 безбедносни камери на МВР и се вклучи во проектот „Безбеден град“
Со повеќе од 220 камери на територијата на градот кои денеска му беа предадени на Министерството за внатрешни работи, Кавадарци денеска се приклучи на проектот „Безбеден град“ заедно со Куманово, Тетово и Скопје.
Министерот за внатрешни работи Панче Тошковски денеска беше во работна посета на Општина Кавадарци каде оствари средба со градоначалникот Митко Јанчев по повод добивањето директен пристап на МВР – ОВР Кавадарци во современиот мониторинг центар, кој е во состав на општината.
„Овој директен пристап во сопствените простории до системот ќе биде во насока на координирано, брзо и ефикасно работење на полицијата заедно со локалната власт во интерес на јавната безбедност на граѓаните на Кавадарци.Со овој систем од над 200 камери кој ќе го имаме во рамки на системот на министерството значително ќе го подигнеме квалитетот на работењето на полицијата. Факт е дека криминалитетот во Кавадарци е значително намален во изминатиот период и очекуваме со пристапот на МВР до овој систем и посветеното работење уште повеќе да се подобри безбедносната состојба во општината. Ние како министерство сме фокусирани максимално на проектот којшто е поврзан генерално со зголемување на безбедноста на граѓаните на целата држава, проектите од ‘Безбеден град’ како во Кавадарци, така и Скопје, Куманово и Тетово. Ќе сториме сѐ во најбрз можен рок да ги ставиме во употреба сите тие технолошки системи во овие четири града, а понатаму на целокупната територија се со цел да добиеме едно побезбедно општество“, потенцираше министерот Тошковски.
Кавадарци во изминатите пет години постави над 220 камери на територијата на градот со цел заштита на урбаната опрема.
„Истите камери со меморандум за соработка ги префрламе на ОВР Кавадарци каде полиција ќе делува првентнтивно во заштита на безбедноста на жителите на Кавадарци. Со поставување на камерите, криминалитетот последните четири години е во драстичен пад, а огромен број од откриените кривични дела се откриени заради присуството на камерите“, нагласи градоначалникот на Кавадарци, Митко Јанчев.
Македонија
Јаболкото „ајдарет“ ќе се продава по минимална цена од 18 денари
Од Министерството за земјоделство, шумарство и водостопанство (МЗШВ), преку соопштение, вечерва информираат дека и денеска се разговарало за пласманот на јаболкото од оваа реколта.
Министерот Цветан Трипуновски во писмена изјава по средбата со откупувачи на јаболка во Ресен, наведува дека денеска имале втора средба во рок од 10 дена.
– Откупувачите ги соопштија цените и тие веќе од понеделник треба да бидат истакнати на секое откупно место. И она што јас можам да го ветам према земјоделците, е, дека процесот ќе го следиме преку Земјоделскиот инспекторат, да помине сѐ согласно законите и процедурите и она што сме го договориле, истакнува министерот.
Трипуновски додава дека ќе се следи состојбата и секоја тенденција за зголемување, согласно потребите на пазарот, ќе има и корекција на самата цена.
– Овојпат за првпат како Министерство покажавме како на заедничка маса помеѓу откупувачите и земјоделците можеме да извлечеме некои цени, што, се надевам, дека ќе бидат прифатливи од двете страни, додава тој.
Тој посочува дека во наредниот период, Министерството останува отворено за да се разговара за сите програми и сите поддршки што треба да ги дава, како и за измена на законите и процедурите што ќе значат „дефинирање на одредени слабости што низ годините се случувале во текот на откупот“.
Според еден од откупувачите, како што се додава во соопштението, на денешната средба се дошло до решение да оваа сезона се започне со минимална цена со што јаболкото од прва класа „ајдарет“ да биде до 18 денари со тенденција на пораст. Сортите да бидат со минимални цени од 20 до 22 денари. Но, сепак, се додава во соопштението, сѐ ќе зависи од сортата на јаболка.
– Доколку имаме добри земјоделци, ќе имаме и добри фирми понатака. Откупната цена на индустриското јаболко ќе започнува со цена од 8 денари со тенденција од побарувачката и таа цена да расте кон повисока цена, се цитира откупувач во соопштението на МЗШВ.
Македонија
СДСМ: Мицкоски лаже, во изминатите години ние ја зголемивме просечната плата до над 41.000 денари
„Христијан Мицкоски денеска повторно излажа. После седум години постојан раст на просечната плата, во јули годинава има пад за речиси 1.000 денари, според официјалните податоци од Државниот завод за статистика“, велат од СДСМ.
„Тоа се фактите. Просечната месечна исплатена нето-плата по вработен, во јули годинава изнесувала 40.961 денар и е за 1.000 денари пониска од јуни кога изнесуваше 41.939 според податоците од Државниот завод за статистика. СДСМ во изминатите години ја зголеми просечната плата до над 41.000 денари. Во времето на ДПМНЕ просечната плата беше на половина, едвај 20.000 денари. Во 2015 година, во времето на ВМРО-ДПМНЕ просечната плата изнесуваше 20.853 денари. Платата постојано растеше со СДСМ со години наназад, во 2020 година просечната плата беше 28.294 денари, во 2022 година беше 34.364 денари а во 2024 година достигна над 41.000 денари. Тоа е таа разлика. Дојде ВМРО-ДПМНЕ и Мицкоски и платите почнаа да паѓаат. Платите се намалуваат а цените остануваат високи и растат. Со вакви погрешни економски политики на Мицкоски стандардот на граѓаните само ќе опаѓа“, се вели во соопштението на СДСМ.