Македонија
Милошоски: Имаме добри и солидни параметри за слободата на медиумите
Министерот за надворешни работи, Антонио Милошоски, коментирајќи ја изјавата на амбасадорот на САД, Филип Рикер, кој изрази загриженост дека Македонија се соочува со сериозни проблеми со слободата на медиумите, рече дека земјата има добри и солидни параметри по однос на принципот слобода на медиуми. „Моја лична оценка е дека во Македонија слободата на медиумите е еден запазен принцип кој зависи не само од расположението на главните чинители туку и самиот интегритет на секој медиум. Зависи многу од секој медиум како ќе успее тој принцип да го искористи во своја полза, и секој медиум или новинар да го покаже својот интегритет“, рече Милошоски.Во однос на другите коментари за судството и евентуалната политичка криза, Милошоски рече дека треба да се направи јасна дистинкција дека слободата на медиумите е неприкосновен принцип но тоа што слободата на медиумите е еден свет принцип на европската демократија не значи дека е дозволено поединец или група, зад параванот на слободниот медиум да се занимаваат со работи кои не се дозволени или може да бидат оквалификувани како затајување на данок, перење на пари и организиран криминал. „Обидот да се сокрие незаконито дејствие зад еден ваков принцип како слободата на медиумите, говори и за еден морален дефицит кај било кој актер, поединец или група кои би сакале да злоупотребат една таква ситуација“, додаде тој.Според него, судските реформи ќе продолжат да бидат главен предизвик на Владата, но сепак, бројот на добро завршените судски предмети, и бројот на квалитетот и ефикасноста во судскиот систем станува од година во година подобар.„Во однос на коментарите за политичка криза, има политички актери како Претседателот на СДСМ, кои имаат желба, намера или скриена цел, во Македонија да се предизвика политичка криза и да се остави впечаток за една држава која се наоѓа во политичка криза, што е неодговорно однесување“, смета Милошоски. Министерот за надворешни работи информираше дека веќе се прават напори од страна на Претседателот на Собранието и координаторите на пратеничките групи, за сите парламентарни групи своите разлики потреби критики и соочувања да ги насочат во собраниска дискусија./крај/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сообраќајот се одвива во зимски услови, по претежно влажни коловози, на некои повисоки места со мали остатоци од кашест снег на коловозот
Сообраќајот на државните патишта се одвива во зимски услови, по претежно влажни коловози, на некои повисоки места во западните и југозападните делови од државата со мали остатоци од кашест снег на коловозот по интервенција на дежурните екипи на ЈП Македонијапат.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Мицкоски е во паника, опозицијата освои двојно повеќе гласови од власта, велат од СДСМ
„Мицкоски мора да е во голема паника штом свика прес конференција да се пофали дека опозицијата освоила повеќе гласови од владејачките партии“, велат од СДСМ.
„Дури и со сите можни злоупотреби на институциите и притисоци, кандидатите за градоначалници од опозициските партии освоија двојно повеќе гласови од кандидатите на владејачките партии.
Опозицијата освои двојно повеќе гласови, 21.394 гласови а власта само 12.534 гласа. Заклучокот е едноставен, власта на ВМРО, ВЛЕН и ЗНАМ загуби вечерва и тоа убедливо“, соопшти СДСМ.
Македонија
Почувствуван земјотрес во Прилеп и околината
Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот факултет во Скопје, ноќеска во 01 часот и 14 минути регистрира земјотрес чиј епицентар потекнува од соседна Република Грција, на околу 116 км југоисточно од Скопје, со Рихтерова локална магнитуда, ML2.9
Според досегашните податоци со кои располага опсерваторијата, земјотресот е почувствуван во Прилеп и околината со интензитет од III степени според Европската макросеизмичка скала.

