Министерската Гордана Јанкулоска вели дека нема информација дали на средбата на премиерот Никола Груевски со амбасадорот Филип Рикер присуствувал директорот на Управата за безбедност и контраразузнавање, Сашо Мијалков

За одговор на ова прашање, министерката Гордана Јанкулоска, упати во Владата, каде што се одржувала средбата.„По однос на состаноците што се одржуваат во Владата, односно кои ги одржува Премиерот, јас мислам дека најдобро е прашањата да ги поставите во Владата. Зависно од проблематиката, темата на одредена средба, се организираат состаноци од страна на протоколот и јас немам информација кој присуствува на тие средби, немам информација дали лицата кои ги наведувате присуствувале на тие средби. Затоа не би сакала да шпекулирам, мислам дека е најупатно да се јавите во Владата за ова прашање“ изјави Јанкулоска.Премиерот Никола Груевски во петокот имаше средба со американскиот амбасадор Филип Рикер. По средбата тој изјави дека  медиумите, судството и парламентот се областите во земјава што се соочуваат со проблеми во момент.