Македонија
Советот на Град Скопје расправаше за безбедноста состојба во средните училишта
Советот на Град Скопје на својата петта вонредна седница расправаше за општата безбедносна состојба во средните училишта во град Скопје и ја разгледуваше Информација за настаните од 31.01.2011 година во СУГС “Марија Кири Склодовска“. Градоначалникот на Град Скопје, Коце Трајановски, го информираше Советот за состанокот којшто тој го одржал со директорите на скопските средни училишта, организиран по последните немили случувања во училиштата „Марија Кири-Склодовска“ и „Браќа Миладиновци“, како и за одржаните средби со Советот на родители во училиштата и со претставниците на месните заедници. На овие состаноци се говорело за тоа како да се спречат ваквите инциденти во иднина и како да се зголеми безбедноста во средните училишта. Меѓу препорачаните мерки од овие состаноци, во насока на зголемување на безбедноста во средните училишта во Скопје, биле посочени наставниците и вработениот персонал да ги зголемат дежурствата во училиштата, училишните ходници и во училишните дворови, да ги зачестат средбите на класните раководители со родителите за полесно да се откријат ризичните групи ученици и со нив да се работи повеќе и слично. Тој информираше дека сите средни училиште (21) што се во ингеренција на Град Скопје имаат видеонадзор, додека 16 од нив имаат и физичко обезбедување и дека Градот Скопје финансиски ќе им помогне на училиштата доколку донесат одлука да ангажираат и дополнително обезбедување. Советот на Град Скопје ги донесе следните заклучоци: 1.Остро да се осудат инцидентните случаи на насилство во училиштата и да се инсистира пред надлежните органи истите да се расветлат2.Да се реализира проектот за психосоцијална програма за справување со насилството во училиштата, допрецизирана како “НУЛТА ТОЛЕРАНЦИЈА ЗА НАСИЛСТВОТО ВО УЧИЛИШТАТА” предвидена во програмата за активности на градот Скопје во средното образование во 2011 година. 3.Да се спроведе студија за утврдување на потребните стандарди за физичко обезбедување на училиштата на Градот Скопје4.Да се препорача на директорите да ги поттикнуваат класните раководители барем еден класен час во месецот да го посветат на проблемите поврзани со училишните конфликти и насилство. крај/со/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуката за притвор за Груби останува во важност: Кривичниот суд ја одби жалбата
Кривичниот совет при Основниот кривичен суд Скопје, ја одби жалбата на одбраната на поранешниот вицепремиер, Артан Груби.
„Кривичниот совет при Основниот кривичен суд Скопје, постапувајќи по жалба изјавена од одбраната на А.Г., недостапен за органите на прогон, против решението на судија на претходна постапка, донесе одлука со која ја одби жалбата на одбраната и го потврди решението на судија на претходна постапка“, се истакнува во соопштението од судот.
Како што е појаснето во информацијата на 17.12.2024 година Судија на претходна постапка, постапувајќи по предлог на Јавниот обвинител за определување мерка притвор против две лица, поврзани со истрагата за „Државна лотарија на РСМ“, а по добиено известие од МВР дека истите се недостапни за органите на прогон донесе решение со кое го прифати предлогот и на двете лица им определи мерка притвор во траење од 30 дена која започнува да се спроведува од нивно пронаоѓање односно лишување од слобода.
Македонија
Тошковски со студентите од Факултетот за безбедност: Вие, вашето знаење и вашите вештини ѝ потребни на Македонија
Министерот за внатрешни работи денес присуствуваше на промоција на дипломирани студенти на Факултетот за безбедност – Скопје, а претходно со преостанатиот дел од студентите го испи традиционалното академско кафе, кое се одржува секоја година со студентите и професорите на Факултетот.
Тошковски им честита на студентите што одлучиле својата животна професија и знаењата да бидат поврзани со безбедноста и ги покани да ги имплементираат во институциите што се грижат за безбедноста на Македонија.
„Би сакал да ви порачам дека сето она знаење што го имате стекнато во рамките на Факултетот за безбедност го имплементиравте токму во Македонија. Вие сте им потребни на македонските институции и на Македонија и би сакал да повикам секого од вас кој има за желба да продолжи да функционира и да ѝ го стави на располагање своето знаење на татковината во институциите што се поврзани и имаат потреба од кадри со ваков вид образование. Ќе има многу огласи во иднина во рамките на МВР и другите институции поврзани со безбедноста и ве повикувам да учествувате во рамките на сите овие огласи со цел да може да ги искористиме вашето знаење и капацитетите во рамките на институциите со цел да создаваме нормална држава со функционални институции. Заедно да се развиваме, да ја развиваме државата во европска со европски вредности какви што сите посакуваме“, им порача министерот Тошковски на студентите.
Тошковски претходно со студентите и професорите на факултетот го испи академското кафе и одговараше на сите прашања од областа на безбедноста, борбата со криминалот и корупцијата, реформите на МВР и безбедносниот систем, а кои ги интересираа студентите и професорите.
Македонија
Јаневска: Нова спортска сала за основците од Црешево
Министерката за образование и наука Весна Јаневска, заедно со премиерот Христијан Мицкоски и градоначалникот на Гази Баба, Бобан Стефковски, денеска го поставија камен-темелникот за изградба на новата спортска сала во основното училиште „Наум Охридски“ во Црешево.
„Учениците ќе добијат модерна и опремена сала, каде ќе можат да ги одржуваат часовите по физичко и здравствено воспитување, кои се многу повеќе од правење вежби и играње кошарка или фудбал за да се добие оценка. Физичката активност е многу важна за нивното здравје, но преку вежбите и спортувањето децата учат и важни животни вештини – како да работат тимски, стекнуваат дисциплина, се учат на издржливост и развиваат чувство за заедница. Некои од нив можат да постигнат и поголеми спортски резултати – впрочем сите славни спортисти почнале од некое основно училиште“, рече Јаневска.
Нагласувајќи дека Министерство за образование и наука во соработка со локалните самоуправи е насочено кон подобрување на инфраструктурните услови за одвивање на воспитно-образовниот процес, Јаневска посочи дека во текот на владиниот мандат, со повеќе буџетски средства за образование, планирана е изградба на нови 30тина училишни спортски сали во различни општини.
Изградбата на салата во Црешево ќе чини 34 милиони денари, а средствата се обезбедени преку јавниот повик на Владата за распределба на средства за општините.
„Нам ни се важни децата, младината и ќе направиме сѐ за да може секое дете да учи и да се развива, затоа што иднината им припаѓа ним“, потенцираше Јаневска, додавајќи дека со заеднички заложби, локалната и централната власт можат да ги подобрат условите во кои се одвива наставата.