Македонија
Собраниските комисии работат без застој
![](https://makfax.com.mk/wp-content/uploads/2016/11/af6049a7-afbf-48dd-a23d-8b00b0bd6e0f.jpeg)
Предвидените предлог закони на собраниската комисија за финансирање и буџет и законодавната комисија експресно беа изгласани бидејќи немаше амандмански расправи
Предлог- законот за приватизација и закуп на градежно земјиште во државна сопственост беше изгласан по скратена постапка, по што директно оди на Собрание, а откако ќе биде изгласан ќе биде објавен во Службен весник и ќе стапи во сила.„Предлог- законот беше ставен на пленарна седница и побарано од страна на Владата да оди по скратена постапка бидејќи не се работи за обемни измени, а со цел да се донесе побрзо законот затоа што рокот кој што беше до 27 јануари за поднесување на барања за приватизација на корисничкото право во сопственичко право кое што го имаа граѓаните истече“, рече Недим Рамизи, заменик министер за финансии.Од министерството за финансии велат дека основата цел на измените на законот се заради поедноставување на постапката за приватизација на градежно земјиште, намалување на трошоците и пролонгирање на рокот за откуп.Вчера министерот за финансии, Зоран Ставрески изјави дека граѓаните кои живеат во станбени објекти ќе можат да го откупат својот дел без елаборат.Вкупната површина на земјиштето на кое има станбени згради ќе се дели во бројот на посебните делови од зградата и ќе се множи со висината на надоместокот по метар квадратен утврден со уредба за висина на недомест за приватизација на градежно земјиште на овој начин ќе се утврдува надоместокот за приватизација кај станбените згради.Рокот за поднесување барање за откуп на дворно земјиште беше пролонгиран до крајот на 2012 година со цел граѓаните да можат да го приватизираат својот дел.На седницата на законодавно-правната комисија беа изгласани четири предлог закони, законот за трговски друштва, индустриска сопственост, безбедност на производите и заштита на потрошувачите.На претходните собраниските комисии фалеа членови, па претседателите на комисиите се обидуваа да обезбедат кворум.Меѓутоа денес тоа не беше случај сите членови од власта беа присутни на комисиите и без претходна дебата се изгласаа сите предлог закони.Обичај на собраниските комисии кога е присутна опозицијата е да има долги и жестоки дебати.Пред една седмица пратениците од СДСМ го напуштија Собранието незадоволни од политиката која ја води власта.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
ВМРО-ДПМНЕ: Филипче привремено го скрати зимскиот сон, па застана на страна на трговците кои делуваат како воени профитери
![](https://makfax.com.mk/wp-content/uploads/2024/09/mickoski-filipche-VMRO-SDSM.jpg)
Добро е што Венко Филипче излезе од егзил и зимскиот сон го скрати привремено. Лошо е што се стави на страна на трговците кои делуваат како воени профитери, реагира ВМРО-ДПМНЕ по обвинувањата на лидерот на СДСМ дека премиерот Мицкоски е виновен за покачувањето на цените во маркетите.
Од ВМРО-ДПМНЕ велат дека Филипче не треба да зборува за кошнички и стандарди бидејќи е запаметен и како министер кој тргуваше со човечки животи и набавуваше респиратори и вакцини по сомнителни договори. Според владејачката партија тоа е исто како лисицата да зборува за безбедноста на кокошарникот!
„Седум години владеење на СДС беа години на распродажба на државните интереси, зголемување на долговите, инфлација и систематска кражба. Тие се главната причина зошто граѓаните денес се соочуваат со вакви економски предизвици кои макотрпно како Влада ги надминуваме. ВМРО-ДПМНЕ не само што реагираше веднаш за да ги заштити граѓаните од алчноста на трговците, туку и воведе механизми за контрола и казнување. За разлика од СДС, кој ги охрабруваше картелите и мафијата да печалат на маката на народот, ние преземаме акција. Неврохирургот на Заеви треба да ја наведне главата од срам за милионите евра украдени од тендери, а не да држи лекции за морал и економија“, се вели во реакцијата.
ВМРО-ДПМНЕ додава дека граѓаните нема да дозволат оние кои ги уништија да им држат лекции за морал.
Македонија
СДСМ веќе е крената на нозе, рече Венко Филипче
![](https://makfax.com.mk/wp-content/uploads/2024/12/venko-filipche.jpg)
Задоволен сум што преку еден инклузивен и отворен процес заедно со членството успеавме да ја издигнеме партијата, СДСМ е веќе крената на нозе, ги брани интересите на граѓаните и силно се противи на погрешните политики на власта, рече претседателот на СДСМ, Венко Филипче, вечерва во Битола, каде заедно со заменик претседтелката Фани Каранфилова Пановска и потпретседателот Методија Илиевски присуствуваа на изборна конференција на општинската организација на СДСМ од овој град.
СДСМ не е веќе истата партија од пред изборите, интензивно сме на терен, помеѓу членовите, да го слушнеме нивниот глас и заедно да ги дефинираме следните чекори, додаде Филипче.
-Преку отворени дискусии и размена на идеи, продолжуваме да ја зајакнуваме партијата и да ги дефинираме следните активности. Како што ветив, членовите имаат активна улога во креирањето на политиките кои ќе ја обликуваат иднината на партијата. Отворена врата за секого и заедничко делување. Комуникацијата со членството, со базата е веќе на многу повисоко ниво, достапноста и присутноста на раководството е значително зголемена. Тоа ќе биде дел од новиот начин на функционирање на СДСМ и во иднина, рече Филипче.
Филипче му честиташе на новоизбраниот претседател на ОО СДСМ Битола, другарот Методија Куновски и му посака успешна работа, потенцирајќи дека процесот за избор на претседатели на општинските оганизации на СДСМ привршува успешно.
-Во завршна фаза е целиот процес за избор на претседатели на општинските организации на СДСМ, овој месец привршуваат изборните конференции и во останатите општини. Изборот на луѓето е со широк консензус во рамки на самата партија и во рамки на општинските организации и тоа наша вредност, рече претседателот на СДСМ, Венко Филипче вечерва во Битола.
Македонија
Според Филипче, Мицкоски глуми загрижен политичар – „Срамота е што им дозволивте на трговците да профитираат додека расте сиромаштијата“
![](https://makfax.com.mk/wp-content/uploads/2024/12/filipche.jpg)
Христијан Мицкоски е виновен за измамата со кошничките, расте сиромаштијата додека трговците профитираат, рече вечерва во Битола претседателот на СДСМ, Венко Филипче на конференција на општинската организација.
-Го слушам Мицкоски денеска вели срамота било тоа што го правеле трговците. Не господине Мицкоски, срамота е што вие дозволивте тоа да го прават и што тајно со нив се договарате а во јавноста глумите загрижен политичар. Касно е да ја префрлате вината за овој дебакл и грабеж на трговците, одговорноста е само ваша, рече Филипче.
Првиот човек на СДСМ рече дека по шест месеци Влада на ВМРО-ДПМНЕ се чуствува голема економска несигурност и слабеење на стандардот на граѓаните. Сметките растат, цените растат, а Владата со измами се обидува да ги излаже луѓето дека со нешто им помага, додаде тој.
-Реалноста е сосема друга од онаа која ни ја презентира Мицкоски. Граѓаните тоа најдобро го приметуваат кога ќе влезат во маркетите. Лажните кошнички за поевтини цени се трик на Мицкоски и трговците со што тие печалат на маката на луѓето, рече претседателот на СДСМ, Венко Филипче, кој вечерва во Битола разговараше со членовите на партијата за повеќе актуелни теми.