Мирните протести закажани за денеска на скопското Кале се претворија во инцидент, во кој според непотврдени информации има неколку повредени лица, а едно е прободено со нож

Двете спротивставени групи кои сакаа да го искажат своето незадоволство од изградбата и од рушењето на црквата – музеј бесот го истурија со канонада од камења кои ги фрлаат едни врз други.Голем број униформирани полицајци се обидуваа да ги смират граѓаните кои дојдоа на скопската тврдина да го искажат својот револт.Како што неофицијално дознаваме повредени се неколку лица од двете групи. Има потврда за седум лица, од кои еден е полицаец. Едно лице е задржано во болница но не се соопштува тежината на неговата повреда, додека другите се пуштени на домашно лекување.За денеска во 12 часот најпрво беше закажан мирен протест на навивачката група „Комити“. Тие одбија да дадат изјава за медиумите и да кажат зошто се тука. На конструкцијата од музејската црква поставија знаме со сонцето од Вергина, но за кусо време го тргнаа.За еден час подоцна беше најавен и мирен протест на група Албанци, претставници на невладини организации.Двете групи истовремено се најдоа на скопското Кале, по што избувна тешкиот инцидент. Интервенцијата на полицијата спречи поголем инцидент.Во моментов ситуацијата  на Калето е мирна, а местото на инцидентот го обезбедуваат полииски единици. Министерството за внатрешни работи најави дека наскоро ќе излезе со повеќе информации за инцидентот.Засега нема информации кој прв нападнал и што е причината за ваквата пресмета.Во моментов затворени се сите приоди до тврдината за посетители, а затворена е и улицата што минува покрај Кале.