Македонија
Јанкуловска, Адеми и Тодоров повикаа на ненасилство и толеранција

Министерката за внатрешни работи, Гордана Јанкуловска, министерот за образование и наука, Никола Тодоров, и вицепремиерот Абдулаким Адеми кои во четврток разговараа за ситуацијата во училиштата во Македонија, повикаа на ненасилство и толеранција меѓу учениците и граѓаните
Министерката за внатрешни работи Гордана Јанкулоска рече дека загрижува фактот што во текот на цела 2010 г. биле регистрирани 48 случаи на насилно однесување од страна на ученици, додека оваа година само во првиот месец имало 13 случаи на насилничко однесување и пресметки меѓу учениците, кои се случиле во училиштата или во нивна непосредна близина. Дури 11 од инцидентите се случиле во Скопје.„Со оглед на овие бројки сметам дека е важно во еден ваков состав да поразговараме за мерките кои треба да ги превземат институциите за смирување на страстите“, рече Јанкулоска и им порача на сите млади луѓе проблемите да ги решаваат низ дијалог и да се воздржат од насилно однесување, конфликти и тензии. Најави засилени активности на полицијата и нејзино поголемо присуство на локации кои се оценети како ризични и зачестени проверки на „поединци кои условно речено изгледаат сомнително“.Министерот за образование и наука Никола Тодоров апелираше до сите наставници да влијаат на учениците како кон свои деца и да не дозволат да се запали фитилот на деструктивниот национализам кој може да ја уништи македонската мултикултурна демократија.„Сакам да апелирам и до сите родители, да поразговараат со своите деца и да им ги предочат опасностите од радикализмот“, рече тој.Вицепремиерот за спроведување на Рамковниот договор Абдулаким Адеми рече дека во едно мултиетничко општество односите меѓу различните заедници се едно од најчувствителното прашања и во зависност од нивната поставеност се мост на раздвојување или на спојување.„Преголем е влогот овие односи во нашата држава да бидат мост на спојување и не смееме да дозволиме во ниеден случај тие да станат мост на раздвојување. Институциите ќе ги искористат сите демократски механизми за меѓуетничките и меѓурелигиските односи да бидат мостови на спојување“, рече тој и порача дека еден од главните приоритети на оваа и секоја влада треба да биде Охридскиот договор.Министерката Јанкулоска за последните случувања кои се случија минатиот викенд на Калето, им порача на сите оние кои можеби се уште размислуваат за евентуално учество во настани каде би можело да дојде до инциденти и каде би можело да има насилство, да се воздржат од ваквото однесување.„Институциите безмилосно ќе реагираат, нема да толерираме нарушување на јавниот ред и мир и нема да толерираме никакво загрозување на правата на поединците и правата на заедниците во Македонија“, рече Јанкулоска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На Табановце за излез од државата се чека по 20 минути

Сообраќајот на државните патишта се одвива непречено, по суви коловози, информира АМСМ.
Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, на ГП Табановце времето на чекање за излез од државата е околу 20 минути, додека на останатите граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Притвор за уште едно лице од групата која е под истрага за злосторничко здружување, даночно затајување и перење пари

Управата за финансиска полиција информира дека во текот на вчерашниот ден, 28.08.2025 година, на граничниот премин „Долно Блаце“, при обид за влез во РСМ, е лишен од слобода С.А., државјанин на Р.Косово, за кој постои основано сомнение дека сторил кривично дело „Злосторничко здружување“ (чл.394 ст.2) и кривично дело „Даночно затајување“ (чл.279 ст.3).
Од страна на овластени службени лица од Управата за финансиска полиција, лицето веднаш било превземено и изведено пред судија на претходна постапка од каде му била определена мерка притвор во времетраење од 30 дена, по што истиот е спроведен во КПУ Куманово.
Притворањето, појаснуваат надлежните, е продолжение на акцијата од 25 август, кога беа притворени седум лица, како резултат на сложена предистражна постапка спроведена од страна на Управата за финансиска полиција, под раководство и во координација со надлежен јавен обвинител од ОЈО ГОКК, во рамки на која беа превземени низа мерки и активности и беше обезбеден обемен доказен материјал, што резултираше со поднесување на кривична пријава против 13 физички лица и 10 правни лица, за сторени кривични дела: злосторничко здружување, даночно затајување, даночна измама и перење пари и други приноси од казниво дело, со што е предизвикана огромна штета на државниот буџет во висина од над 430 милиони денари.
Македонија
Обвинение за насилство за таткото кој повреди 15-годишни деца на фудбалскиот натпревар во Штип

Основното јавно обвинителство Штип поднесе Обвинителен предлог против едно лице за кривично дело – Насилство од член 386 став 4 во врска со став 3 и став 1 од Кривичниот законик.
На 24 август, на фудбалскиот стадион “Бело Брдо“ во Штип, за време на фудбалскиот натпревар помеѓу пионерските екипи на фудбалските клубови “Брегалница“ од Штип и “Шкупи“ од Скопје, обвинетиот со грубо насилство ја загрозил сигурноста на оштетените две 15-годишни деца, кои биле играчи во тимот на ФК “Брегалница“.
На децата им нанел телесни повреди, а кај оштетените, останатата присутна публика и во јавноста предизвикал чувство на несигурност, загрозување и страв.
Настанот се случил во 89-тата минута од натпреварот, која судијата поради прекршок (фаул) доделил втор жолт картон со што го исклучил од игра синот на обвинетиот, кој играл за „Шкупи“. Незадоволен од одлуката, најпрво синот се однесувал неспортски и со тупаници и со удар со нога се обидел да се пресмета со еден од фудбалерите на „Брегалница“. Тогаш на теренот влегол таткото и со тупаници и клоци започнал да ги удира двете деца, нанесувајќи им телесни повреди. На игралиштето влегле и други лица од публиката, кои спречиле натамошна ескалација на настанот.
Јавниот обвинител до Основниот суд во Штип достави и предлог за продолжување на претходно определената мерка притвор за обвинетиот.