Според  анкетата која ја направил Институтот за политички истражувања , осумдесет отсто од граѓаните се изјасниле позитивно за промените во законот за високо образование а негативно 14, 8 отсто.

Истражувањето кое го нарачало Министерството за образование , покажува дека 79, 5  отсто од испитаните граѓани сметаат дека со предложените измени во Законот, ќе се добие поквалитетно образование а 14, 8 отсто биле со негативен став.

Концептот за  екстерна евалуација на професорите, кој беше прилично критикуван од страна на универзитетите, го поддржуваат 73, отсто а против се изјасниле 20 отсто од испитаниците.

Деведесет и два отсто од анкетираните сметаат дека јавните универзитети треба да дадат отчет за сработеното додека само пет отсто се против тоа.

Забраната за непотизам на универзитетите , ја поддржале 83, 2 отсто додека 13 отсто се изјасниле негативно по ова прашање.

И студиските програми на англиски јазик кој се дел од измените во Законот,  ги поддржале високи 80, 6 отсто од испитаниците додека 15, 4 не се согласуваат.

„Убеден сум дека законот за високо образование , за десетина години ќе овозможи многу поквалитетно високо образование во Македонија, и многу поквалитетни услови за општествен и економски развој“, рече Министерот за образование и наука, Никола Тодоров кој ги соопшти резултатите од истражувањето.

Истражувањето е спроведено  минатата недела , во телефонската анкета, врз 1110 репрезентативни примероци во целата држава.

Поради измените на Законот за високо образовани кои беа изгласани на 9. февруари , голем дел од академската заедница влезе во отворен конфликт со Министерот Тодоров а дел од професорите измените ги сфатија како упад во автономијата на универзитетите./крај/ми