NULL

За потребите на Меморијалниот центар на Холокаустот на Евреите од Македонија, Државниот архив денеска отстапи околу 40 артефакти.Директорот на Државниот архив Зоран Тодоровски на денешното свечено примопредавање во еврејската заедница рече дека предметите се подаруваат врз основа  на универзално правило што постои не само со Законот за културно наследство, туку и во смисла дека местото на предметите им е во музеите, а на документите во архивите. „Подаруваме околу 40 предмети, меѓу кои 26 се пликоа кои содржат предмети кои што при апсењето на Евреите во 1943 им биле одземани. Меѓу овие пликоа има и една детска белегзија, една златна турска паричка и една обетка и осум златни навлаки за заби. Тоа е се што било останато од тој огромен број предмети кои им биле одземени на Евреите“ – рече Тодоровски.Меѓу пишаните документи кои биле сочувани во Државниот Архив се наоѓаат три еврејски дипломи од 1929 година, како и правни документи кои биле донесени меѓу двете светски војни. Во Меморијалниот центар ќе се најдат и документи за правила и организација на работата на  клубот на скопските Евреи, основан во 1920 година, Закон за еднократен данок на имот на лица од еврејско потекло од 1941 година, книга со сметкопотврди за извршени наплати, значки за одбележување на Евреите и список на издадените значки во 1941 година, картони за одбележување на еврејските домови во 1941 година и купони за снабдување на еврејското население со леб од 1943 година.„Овие пликоа имаат голема вредност за нас затоа што тоа се пликоа кои се пополнувани со лични предмети во самиот Монопол, пред товарење во вагоните и ракописот на нив е последното нешто што го направиле тие луѓе пред да бидат убиени. Овие автентични ракописи за нас се навистина многу вредна колекција“ – истакна Лилјана Мизрахи од Управата на Фондот на ХолокаустотМеморијалниот центар на Холокаустот ќе биде отворен на 10 март. крај/к.с