На денешната координациска средба кај собранискиот спикер Трајко Вељаноски, координаторите и потпретседателот на Собранието, од опозицијата повторно не се појавија, иако се разговарало за конкретни прашања покренати од самата опозиција

Главни теми на координацијата биле Изборниот законик, промената во Законот за судски совет и за формирање Комисија за избирачкиот список.За избирачкиот список и промените во Законот за судски совет, вицепремиерот Васко Наумовски како претставник од Владата доставил работен текст во кој се вклучени препораките на ОБСЕ и другите меѓународни и домашни организации.За в петок, собранискиот спикер Трајко Вељаноски закажа уште една средба на која координаторите на пратеничките групи треба да го кажат своето мислење во врска со нацрт текстот.„Закажав уште една координативна средба, а од пратениците од опозицијата побарав да се изјаснат за одлуката за основање на парламентарна Комисија за утврдување на состојбата на избирачкиот список, текстот на измените за изборниот законик согласно препораките на ОБСЕ и ОДИХИР и за текстот за измените на Законот за судски совет,  согласно препораките на ЕУ од извештаите за нашиот напредок“, изјави Вељаноски.Тој повтори дека негова законска обврска е да продолжи да ја повикува опозицијата и посочи оти нема намера да отстапи од повиците за остварување на дијалог и разрешување на спорните прашања.Во врска со седницата за пратенички прашања, Вељаноски соопшти дека утре ќе се одржат бидејќи за прашање биле пријавени веќе четири пратеници од опозициската ЛДП и независниот пратеник Даут Реџепи, а и како што рече согласно Деловникот таа може да се одржи.Потпретседателот на Собранието, Јани Макрадули, од СДСМ, во средата пред собраниската зграда изјави дека средбите кај Вељаноски се само алиби и оти клучот за откочување на како што рече политичката криза е единствено кај Никола Груевски.Вчерашната прес – конференција само потврди дека Груевски нема намера ниту да ги прифати условите за воспоставување нормален политички дијалог, ниту да ги прифати предусловите за оддржување слободни, фер и демократски избори“, рече Макрадули.Тој уште еднаш го повтори ставот на партијата додека не бидат исполнети условите, тие остануваат надвор од Собранието.