Македонија
Стартува саемот за градежништво

Свечено отворање на Саемот за градежништво, градежни материјали и градежна механизација, на кој се најавени и бројни други манифестации, ќе се одржи денеска на Скопски саем .Учество на саемот Градежништво 2011, кој ќе биде отворен до 5 март, најавија на 300 изложувачи, кои ќе се претстават во четири изложбени хали, на вкупна површина од 10.000m2, (9.000m2 внатрешен и 1.000m2 надворешен изложувачки дел), Мотото на Градежништво 2011 „Градиме иднина” зборува за духот на актуелниот тренд во градежништвото – екологијата, односно користење на еко материјали, и обновливи извори на енергија. Во рамките на Саемот за градежништво 2011, за прв пат ќе се одржи и Саемот за недвижности и инвестиции RealEX кој е во организација на Леорон Груп од центарот на архитектонските и градежните збиднувања – Дубаи. Предвидено е на оваа конференцијата учество да земат бројни експерти од Европа, САД, Обединети Арапски Емирати како и владини претставници. За време на саемската манифестација оваа година за прв пат ќе се одржи Саемот на извозни производи од Турција, во организација на Меридјен – организатор на меѓународни саеми и Стопанска комора на Македонија и Турција – МАТТО. На овој саем покрај турските компании кои веќе функционираат на македонскиот пазар, ќе земат учество 50 турски фирми кои се потенцијални инвеститори во Р.Македонија, а предвидени се и бројни средби со македонски фирми. На површина од 2.000m2 со полн изложувачки капацитет ќе бидат претставени производи од најразлична индустрија: градежни материјали, козметика, храна, сточарство, амбалажа, пластика, порцелан, стакло, чевли, логистика, училиштен прибор, лекови, играчки, образование, туризам, прибор за домаќинство и хотелиерство, мода и текстил. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Градоначалникот на Центар позитивен на Ковид-19

Градоначалникот на скопски Центар, Саша Богдановиќ, е позитивен на Ковид-19, а веста ја соопшти на социјалните мрежи.
Почитувани сограѓани,
И покрај заштита за целото време на пандемијата на КОВИД-19, резултатот од тестот кој го…
Posted by Саша Богдановиќ on Среда, 24 февруари 2021
„И покрај заштита за целото време на пандемијата, резултатот од тестот што го направив утринава откога почувствував покачена телесна температура е позитивен. Останувам во домашна изолација и ги следам инструкциите на лекарите.
Вирусот е опасен и непредвидлив. Одржувајте дистанца, носете заштитни маски и почитувајте ги препораките на надлежните институции затоа што само така, сите заедно, можеме да излеземе од борбата против пандемијата“, напиша Богдановиќ на „Фејсбук“.
Македонија
Захариева: Се прават напори да ги испорачаме ветените вакцини за Северна Македонија

Министерот за надворешни работи, Бујар Османи, на враќање од посетата на Париз, денеска, во Софија, оствари средба со својата бугарска колешка Екатерина Захариева.
Како што информираат од Министерството, на средбата биле разгледани актуелностите поврзани со корона-кризата и начините на кои двете земји остваруваат соработка во справувањето со овие предизивици.
„Во оваа пригода Захариева потврди дека се прават напори за изнаоѓање начин за испорака на ветените вакцини за Република Северна Македонија“, се наведува во соопштението за средбата.
Во него се додава и дека на состанокот станало збор за акцискиот план за меѓусебна соработка, можноста за неговата финализација, а во функција на евентуално договарање втора меѓувладина конференција меѓу двете влади, чии копретседавачи се токму министрите Османи и Захариева.
Македонија
Османи: Северна Македонија ги чувствува последиците од неуспехот на механизмите за снабдување со вакцини

Министерот за надворешни работи, Бујар Османи, учествуваше на онлајн-министерскиот состанок на алијансата за мултилатерализам, што на иницијатива на министрите за надворешни работи на Франција и на Германија, Жан Ив Ле Дриjан и Хаjко Мас, се одржува на маргините на високиот сегмент на 46. сесија на Советот за човекови права на ООН.
„Република Северна Македонија, со целосно потпирање врз мултилатералните механизми во обезбедувањето вакцини, ги чувствува последиците од севкупниот неуспех да се спроведе на дело она за што силно се залагаме на зборови“, истакна Османи.
Потенцирајќи дека мултилатерализмот останува единствениот можен начин за справување со глобалните предизвици, во своето излагање Османи особено се осврна на влијанието на пандемијата на Ковид-19 врз продлабочувањето на постојната нееднаквост меѓу развиените и земјите во развој, како и врз нарушувањето на човековите права во глобален контекст.
Во делот на дискусијата на тема „Новите предизвици за човековите права, подготвеноста и одговорот за справување со пандемијата“ тој ја нагласи неможноста за еднаков пристап до вакцините како дополнителен фактор што ги влошува состојбите.
Алијансата за мултилатерализам претставува важен форум за промовирање заеднички солуции за глобални предизвици преку зајакнување на мултилатералната соработка. Формирана на иницијатива на францускиот и германскиот министер за надворешни работи во 2019 година, оваа неформална алијанса е отворена за земји што веруваат дека мултилатерализамот е единствена гаранција за меѓународна стабилност и мир, со решавање на предизвиците преку соработка.
- Книги2 месеци
Македонски лекар ја објави последната исповед на Јосип Броз Тито
- Македонија3 месеци
МЖСПП: Мечкиното грозје важен ресурс, кој треба грижливо да го собираме
- Црна хроника3 месеци
Млада девојка од Штип пронајдена мртва во нејзиниот дом
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Свет4 недели
Поради примање мито во Кина погубен поранешен државен функционер