Македонија
Советот на јавни обвинителиго осуди нападот на обвинителката

Советот на јавните обвинители најстрого го осудува вчерашниот физички напад на јавниот обвинител додека го застапувал обвинението на главниот претрес во Основниот Суд Скопје 1
Во соопштението испратено до медиумите се нагласува дека Јавното обвинителство како државен орган единствено е надлежно да ги гони сторителите на кривичните дела.„Во конкретниот случај, физичкиот напад ,над јавниот обвинител во судница, додека ја извршувал својата функција, како на орган надлежен да се грижи за извршувањето на јавнообвинителска функција, ни дава право најостро да реагираме, не само за овој напад над јавниот обвинител , туку и на непреземањето на соодветни мерки за осигурување на безбедноста при одржувањето на главниот претрес од страна на Судот.“, се вели во соопштението.Во средата во Апелациониот суд во Скопје каде се работат предмети од Основниот суд 1, се случи тежок инцидент кога во судница странки претепаа обвинителка. Обвинителката Џулијана М. била нападната, кубена за коса и клоцана од мајка на осуден малолетник за убиство. Инцидентот првично беше потврден само од страна на полицијата.Во судницата биле присутни судијата за малолетници Јулијана Ј. , малолетникот, неговите родители и адвокат. Кога судијката ја кажала одлуката дека на малолетникот му се продолжува престојот во установа за малолетници, мајката се налутила и скокнала кон обвинителката. Ја фатила за коса, ја легнала на подот и почнала да ја клоца со нозете.Во судницата немало присуство на судска полиција и обезбедување.Родителите излегле од судницата каде ги пречекале полицајци кои биле дојдени за друг судски процес. Обвинителката искубана и со модрици по телото станала од подот и во прв момент не сакала случајот да го пријави во полиција. Но судијката веднаш ги алармирала надлежните во матичниот суд и во Апелациониот.Полицијата до доцна попладнето вршеше увид во судницата, каде на подот се уште беа видливи траги од тепачката односно искубана коса на обвинителката и испревртени столици. Обвинителката била однесена на лекарски преглед и пуштена на домашно лекување.Во текот на денот ниту судијката, ниту надлежните од двата суда не сакаа да појаснат што се случило во судницата и кој е одговорен за инцидентот. Судската полиција од Апелација тврди дека тоа е надлежност на нивните колеги од Основен 1, од каде пак велат дека судијката била должна да побара заштита доколу смета дека постои ризик од инцидент во судницата.Основниот суд 1 во Скопје го обезбедуваат 8 полицајци кои работат на смени, и обезбедуваат над 80 судии.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ЦУК: Пожарот во Самоков веднаш изгаснат, објектите на фабриката не беа во опасност

Пожарот во Самоков е локализиран и веднаш изгаснат. Во ниту еден момент немаше опасност од негово ширење кон објектите на фабриката Самоков, соопшти Центарот за управување со кризи.
Од РЦУК Македонски Брод претходно стигна информација дека е настанат пожар во населбата Самоков, во фабриката „Сувенир“, а опожарен е магацин со хемикалии. Во информацијата беше наведено дека електричната енергија во фабриката е исклучена.
Македонија
„Седи Боби, кец!“, му рече Арсовска на Стефковски за проблемот со водата, па доби одговор

Градоначалничката на Град Скопје, Данела Арсовска, преку објава на својот официјален профил на Фејсбук, му возврати на градоначалникот на општина Гази Баба, Бобан Стефковски, кој претходно ги прозва Градот и ЈП „Водовод и канализација“ – Скопје, за прекините во водоснабдувањето во неколку скопски населби. Тој побара итна интервенција од Градот, предупредувајќи на можни протести ако состојбата не се реши веднаш.
Арсовска му одговори на Стефковски дека и по три години на функција сè уште не прави разлика што е во надлежност на Градот, а што на Општина Гази Баба. Таа појасни дека жителите на Црешево и Смилковци не се корисници на ЈП „Водовод и канализација“, туку на ЈКП „Гази Баба“ – претпријатие под општинска надлежност.
„Ова по три години ќе го знаеше ако паузираше еден ден од сликање по фолклорни манифестации за да сработиш нешто“, напиша Арсовска, посочувајќи дека со средствата добиени од владите на Ковачевски и Мицкоски, Стефковски можел да изгради нова водоводна мрежа за тие населби.
Во продолжение, Арсовска рече дека Град Скопје во изминатите три години не добил ниту еден денар од централната власт, а дека Владата ѝ должи на ЈСП Скопје осум милиони евра.
Градоначалничката ја заврши објавата со саркастичен тон: „Седи Боби, кец!“
Ситуацијата дополнително ја заостри реториката меѓу градоначалниците на Скопје и Гази Баба, отворајќи нова рунда меѓусебни обвинувања. По објавата на Арсовска, повторно се огласи Стефковски кој и’ одговори дека надлежноста за Смилковци и Црешево ја знае многу добро, па ја повика да каже зошто жителите од Автокоманда, Железара, Триангла, Маџари и Ченто немаат вода? За крај по однос на делењето оценки, Стефковски на социјалните мрежи напиша дека граѓаните и’ дале оценка на парламентарните избори на Арсовска. Тогаш таа освои вкупно 3.438 гласови.
Македонија
Гори кај Прилеп, Македонски Брод, Чашка и Велес – пресек на состојбата со пожарите

На територијата на државата се евидентирани вкупно осум пожари на отворен простор, од кои активни се четири, соопшти Центарот за управување со кризи.
Во Општина Прилеп, гори кај селото Бешиште. Се работи за приземен пожар во квалитетна мешана шума. Активен е пожарот и кај Општина Македонски Брод, с. Црешнево, м.в. Церо Поле – пожар во деградирана дабова шума и грмушки. Во Општина Чашка беснее шумски пожар под Солунска Глава, помеѓу местата викани Изворите на Бабуна и Бабина Дупка (моментално нема активен пламен, само чад на карпест дел). Во Општина Велес пожарот избувна во ниска вегетација.
Изгаснати се 4 пожари: Општина Врапчиште, с. Врањовци – ниска вегетација, ѓубриште; Општина Липково, с. Лојане – ниска вегетација и стрниште; Општина Карбинци, с. Радање – блок (површина) посеана со жито и ниска вегетација и ОпштинаАрачиново, с. Орланци – ниска вегетација и отпаден материјал.