Пристапна рампа за учениците со посебни потреби имаат само 18,9 отсто од училиштата, покажува извештајот на „Отворете ги прозорците“, поддржан од УСАИД.

Пристапна рампа за учениците со посебни потреби имаат само 18,9 отсто од училиштата, покажува извештајот на „Отворете ги прозорците“, поддржан од УСАИД.Прилагодувања на внатрешните простории во училиштата како училниците, тоалетите и сл., со цел да излезат во пресрет на потребите на учениците со посебни образовни потреби направиле само 10,9 отсто од училиштата, се вели во извештајот за проценка на потребите од користење асистивна технологија во редовните основни училишта.Министерот за образование и наука, Никола Тодоров призна дека на ова поле се потребни промени во училиштата низ земјата.„Пристапот до училиштата или пристапните рампи е наша стратешка определба и сите нови објекти кои ги планираме, ги планираме со вакви пристапни рампи. Нормално не треба тука да се ограничиме само на новите објекти, треба да размислуваме и за таков проект кој ќе овозможи изградба на  пристапни рампи во сите основни и средни училишта во Македонија и во наредниот период ќе се фокусираме на тоа поле“, рече тој.Родителите на децата со посебни потреби одамна порачуваат дека голем проблем за овие деца е и немањето дефектолози во училиштата, со кои децата и наставниците би работеле во текот на наставата.„Мојот син учи во редовно основно училиште, во Димо Хаџи-Димов, и ова училиште е вклучено во програмата за инклузија. Со посетата на програмата „Отворете ги прозорците“ тој има голем напредок во употребата на компјутерите и дома и на училиште. Сепак, во повеќето училишта нема дефектолози и тоа е најголемиот проблем, услови има, компјутерите се тука, децата можат да работат на компјутер, ама за децата со посебни потреби сепак треба дефектолог“, изјави за медиумите Лидија, мајка на ученик со посебни потреби. Во моментов во Македонија вработени се само 12 дефектолози, а од Министерството за образование и наука најавуваат дека наредната година ќе бидат вработени уште 25 дефектолози.Во рамките на програмата „Еднаков пристап за еднакви можности“, дваесет основни училишта низ Македонија ќе добијат асистивна информатичка технологија и обуки за примена во работата со учениците со посебни образовни потреби. Примена на новата технологија во основните училишта ја поздрави и американскиот амбасадор, Филип Рикер. Програмата за е-пристапни училишта „Еднаков пристап за еднакви можности“, ја организира УСАИД./крај/ко