Македонија
Дополнителен квалитет во безбедноста на сообраќајот
Пренасочувањето на парите од Републичкиот совет за безбедност на сообраќајот (РБСП) нема да го наруши работењето, уверува Гордана Јанкулоска, министерката за внатрешни работи, на денешната стредба со новинарите
Со измените на Законот за безбедност на сообраќајот со кои досегашните два процента од регистрација на возилото одеа во Републичкиот совет за безбедност на сообраќајот се наменуваат за Министерството за здравство, министерката за внатрешни работи уверува дека нема да има никакви нарушувања во работењето, туку ќе има дополнителен квалитет„РСБСП работи многу на превентивата и на едукацијата, посебно на најмладата категорија граѓани, бидејќи навиките се стекнуваат на најмала возраст. Меѓутоа, не помалку важно е да постојат ресурси за итно пружање медицинска помош на лицата настрадани во сообраќајни несреќи. Токму затоа се прави оваа интервенција, а средствата ќе се користат исклучиво наменски што значи дека нема да има никакви нарушувања во работењето, туку напротив ќе има дополнителен квалитет“ изјави Јанкулоска.Од РСБСП не сакаа да ја објаснат нивната ситуација со пренамената на средствата.Со новите измени овие средства се пренасочуваат во Министерството за здравство за лекување на жртвите од несреќите.Министерката за внатрешни работи денеска учествуваше на панел дискусија на тема „Првата помош спасува живот“. Дискусијата ја организираше Црвениот Крст, со поддршка на Републичкиот совет за безбедност на сообраќајот на патиштата и Медицинскиот факултет при Универзитетот „Св. Кирил и Методиј“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Сиљановска-Давкова по повод 23 Септември упати честитка на знаковен јазик
Претседателката Гордана Сиљановска Давкова упати честитка до лицата со оштетен слух и говор по повод одбележувањето на 23 септември, Меѓународниот ден на знаковниот јазик.
Претседателката Сиљановска Давкова честитката ја упати преку видео порака на знаковен јазик.
Македонија
Таравари во официјална посета на САД
Претседателот на Алијансата за Албанците и министер за здравство, Арбен Таравари, е во официјална посета на Соединетите Американски Држави.
Претседателот Арбен Таравари ќе присуствува на идниот самит на Генералното собрание на ОН, „Мултилатерални решенија за подобро утре“ во Њујорк, на кој ќе присуствуваат лидери од целиот свет.
Се очекува Таравари да има и многубројни средби во Њујорк и Вашингтон со високи претставници на американската држава.
Македонија
ЦУК: Изминатото деноноќие неколку пожари на отворено во Скопско
Центарот за управување со кризи (ЦУК) информира дека во последното деноноќие имало неколку пожари на отворено на територијата на државата.
– Територијална противпожарна бригада на Град Скопје (БППЗ) од 13:10 часот до 16:00 часот со пет пожарникари и две противпожарни возила интервенирале на запалена ниска вегетација и грмушки на површина од 1,000 метари квадратени кај местото „Три Круши“ во општина Кисела Вода, од 14:30 до 15:00 часот со три пожарникари и едно противпожарно возило интервенирале на запалено ѓубре на мала површина покрај ул. „Скупи“ во општина Карпош, од 15:55 до 16:40 часот со четири пожарникари и едно противпожарно возило возило интервенирале на запалено стрниште и бандера на површина од 30 метари квадратени кај село Стајковци во општина Гази Баба и од 17:05 до 17:30 часот, со три пожарникари и едно противпожарно возило интервенирале на запалена ниска вегетација на површина од 300 метари квадратени во населбата „Шуто Оризари“ во општина Шуто Оризари – соопшти утрово ЦУК.
Изминатото деноноќие имало вкупно 1.582 повици на Единствениот повикувачки број за итни случаи 112 во ЦУК.
Од нив „реални“ повици биле 55,82 отсто, а 44,18 отсто биле за други потреби на граѓаните што не биле итни, соопшти Центарот за управување со кризи.
Кон Полицијата биле упатени 62,35 отсто, кон Итната медицинска помош 29,15 отсто, a кон пожарникарите 6,88 отсто од реалните повици кон 112 во ЦУК.
Центарот за управување со кризи апелира за редовно чистење на локалните одводни канали и да не се фрлаат отпадоци во нив, како и во речните корита.