Македонија
Тарчуловски би можел да излезе од затвор во 2013-та
Здружението на граѓани за поддршка на Јохан Тарчуловски денеска во Соборниот храм одбележуваат шест години од како Јохан беше приведен и одведен во Хаг. За таа цел запалија свеќа и се помолија за здравјето на Јохан
„Секој од нас се цени според делата, а не според зборовите. Јохан докажа дека е вистински патриот, човек кој е бескомпромисен, човек кој не го интересираат богатства, ниту политички кариери, туку човек кој безусловно ја сака својата држава“, изјави Александар Колев од Здружението.Тие веруваат дека до 2013 г. Јохан би излегол од Хаг, односно по две третини од одлежувањето на казната може да се поднесе жалба за негово помилување. Најоптимистички период е 2013-та.Неговата сопруга Соња Тарчуловска им се заблагодари на граѓаните за поддршката што ја изразија. Според нејзини информации, Германија се понудила Јохан Тарчуловски таму да ја издржува остатокот од казната, но сепак вели дека тоа не е конечна одлука, бидејќи, како што рече, некогаш Хашкиот трибунал ја соопштува одлуката еден ден откако ќе ја донесе поради безбедносни причини
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Поради сообраќајка се пренасочува сообраќајот на магистралниот пат Куманово-Крива Паланка
Сообраќајот на магистралниот пат Куманово-Крива Паланка од 9:15 часот се одвива со наизменично пропуштање на возилата, информира АМСМ.
Петходно од АМСМ соопштија дека поради случена сообраќајна незгода од 8:30 часот во целосен прекин е сообраќајот на магистралниот пат Куманово-Крива Паланка.
Македонија
Студено утро, во Маврово снег и температури под нулата
Најмногу дожд 40 литри на квадратен метар во изминатите 24 часа наврна во Демир Капија, по што следат Радовиш и Пожар со 37, Гевгелија со 35 и Штип со 28. Деветнаесет литри на квадратен метар наврнаа во Струмица, 16 во Виница, 15 во Куманово, 13 во Кавадарци и Крива Паланка, 12 во Попова Шапка, 11 во Претор, 10 во Маврови Анови и Скопје-Петровец, 8 во Берово, 7 во Лазарополе, 6 во Велес, 5 во Пожаране, 4 во Битола, Тетово, Крушево и Прилеп и по еден во Скопје – Зајчев Рид и Тополчани.
Утринава најстудено беше во Маврови Анови, Лазарополе и Пожар каде е измерена температура од -1 степен Целзиусов, во Пожаране и Крушево, 1 во Крива Паланка, 2 во Претор, Охрид, Тополчани, Куманово и Виница, 3 во Тетово, Штип, Прилеп, Берово и Скопје – Зајчев Рид, 4 во Битола, Велес, Кавадарци, Струмица, Демир Капија и Скопје-Петровец, а најтопло беше во Гевгелија каде се измерени 5 степени Целзиусови.
Времето денеска ќе биде променливо облачно со сончеви периоди. На планините и на повисоките места ќе провејува слаб снег. Ќе дува слаб до умерен ветер од северозападен правец. Максималната температура ќе биде во интервал од 5 до 11 степени Целзиусови.
И во Скопје ќе биде променливо облачно со сончеви периоди. Ќе дува умерен северен ветер. Максималната температура ќе достигне до 8 степени Цезлиусови.
Македонија
Дождливо со максимална температура до 12 стапени
Метеоролозите за денеска прогнозираат облачно време, со врнежи кои ќе бидат сконцентриани во крајниот западен регион во сабота и тоа повеќе во втората половина од денот.
Од УХМР велат, дека врнежи ќе бидат слаби и дека во најголем дел од котлините ќе имаат појава на магла и ниска облачност наутро, но со тенденција тие да се задржат во поголем дел од претпладнето.
Позачестени врнежи се очекуваат во недела, и тоа повторно повеќе во западниот крај, но без голем потенцијал за значајна количина на воден талог. Приквечер врнежи може да се очекуваат и во североисточниот крај.
Заради влијанието на јужното струење, снег ќе врне само на височина над 1.700 метри. Во сабота навечер и во првата половина од недела очекуваме умерен југозападен ветер во западните делови од земјава.
Наутро ќе имаме претежно негативни вредности на температурата, но не пониски од -5°С.Во сабота температурата низ поголем дел од котлините и повисоките неселени места ќе има вредности во границите помеѓу 6°С и 8°С. Потопло ќе биде на југоисток каде максималната температура ќе достигне до околу 12°С.
Недела ќе биде за околу 2°С потопла во однос на сабота.

