Македонија
Рикер: Политичкиот дијалог е секогаш важен
Американскиот амбасадор Филип Рикер, по најавата за одржување на средба меѓу премиерот Никола Груевски и претседателот на СДСМ, Бранко Црвенковски изрази уверување дека политичките лидери ќе бидат во можност да изнајдат решенија за предизвиците со кои се соочува земјата во моментов
Амбасадорот Филип Рикер посочува дека, сепак, се работи за внатрешно-политичко прашање.„Тоа мене ми звучи како домашно, внатрешно прашање. Да дозволиме да се сретнат и со интерес ќе прочитам за тоа во весниците или ќе видам на телевизиските станици. Политичкиот дијалог е секогаш важен, насекаде во светот, во вашата земја, во нашата земја и во другите земји. Уверени сме дека во име на македонските граѓани лидерите и политичките партии ќе бидат во можност да го најдат патот низ различните предизвици кои ги имаат денес“, изјави Рикер.Запрашан за коментар во врска со ставовите на амбасадорот Ристо Никовски за странските претставници во земјава, Рикер одговори дека фокусот треба да биде на теми како што е денешното претставување на грантови од УСАИД за невладините организации кои спроведуваат проекти за поддршка на микро претприемништвото и енергетската ефикасност во Македонија.„Мислам дека е многу поинтересно да се разговара за прашања како денешниот настан, каде носите 5 милиони долари во помош, работејќи со македонските пријатели и колеги, со кои се надевам дека ќе креираме до 400-500 работни места. Ова е тоа за што партнерството и соработката треба да постојат, отколку да се играат бесмислени игри. Ова е тоа на кое продолжуваме да работиме и ни помага да ја достигнеме целта што македонските граѓани ја имаат во својот живот, за што попросперитетна земја и регион. САД ќе продолжи да помага во тој правец“, рече амбасадорот Рикер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Градоначалникот Георгиевски на увид во реконструкцијата на игралиштето за мал фудбал во Текија, општина Илинден
Увид во работните активности за реконструкција на игралиштето за мал фудбал во рамки на подрачното општинското основно училиште во населено место Текија направи градоначалникот на општина Илинден, Александар Георгиевски.
Како што истакна градоначалникот Георгиевски и на ова фудбалско игралиште целосно ќе биде обновен асфалтниот слој, проширување на теренот, ќе биде поставено лед осветлување, обновување на заштитната ограда, а ќе бидат поставени нови голови, клупи, корпи за отпадоци, просторот ќе биде партерно уреден. Со обновувањето на игралиштето ќе се создадат услови за реализација на часовите по физичко образование како и комплетно реконструиран, убаво уреден простор каде младите во спортски дух ќе го поминуваат слободното време, соопшти општина Илинден.
Покрај реконструкцијата на игралиштето за фудбал ќе се обнови и детското игралиште во рамки на училиштето, односно оштетените реквизити ќе бидат заменети со нови.
Со цел уредување на секое населено место како и создавање квалитетни и безбедни услови за жителите, општина Илинден продолжува со реконструкција на постоечките и изградба на нови спортски терени и во останатите населени места, се наведува во соопштението.
Македонија
СДСМ: Ја слушнавме пораката од граѓаните и ја прифаќаме, ќе продолжиме да се бориме
„СДСМ ја слушна пораката од граѓаните и ја прифаќа. Ние ќе продолжиме да се бориме за секој граѓанин, за прогресивна и европска иднина на Македонија. Резултатот на изборите на 8 мај сè уште не е одлучен“, велат од СДСМ.
„Со десничарите може да се соочиме со мрачни сценарија од минатото, кои ќе стават крај на европските перспективи и кои водат во нова долга изолација и нови поделби во општеството.
Веќе се гледа дека ВМРО-ДПМНЕ и ДУИ играат опасна игра со мултиетничкото ткиво на нашето општество. Тензиите што се сега се прават меѓу Македонците и Албанците може да нè вратат назад во грдото минато.
Затоа е исклучително важно граѓаните да излезат и да гласаат на 8 мај, за напредна држава, држава во која ќе имаме подобар животен стандард. Нема откажување од иднината!“, соопшти СДСМ.
Македонија
ВМРО-ДПМНЕ: Над 180.000 гласови предност се обврска за ВМРО-ДПМНЕ Македонија повторно да ја врати на народот
180.000 гласа разлика во корист на Силјановска Давкова и ВМРО-ДПМНЕ пред Пендаровски и СДС е порака дека народот сака промени и крај на понижувањата, соопштија од ВМРО-ДПМНЕ.
„Народот не поддржува политика на понижување на Македонија. Граѓаните јасно кажаа дека се против криминалот на СДС и ДУИ. 7 години Македонија тоне на секое поле. На почеток на секоја учебна година немаше учебници за учениците, за болните немаше лекарства, за земјоделците немаше откуп. Народот не се чувствуваше безбеден, криминалот царуваше по улиците“, велат од ВМРО-ДПМНЕ.
Како што истакнуваат, народот не сака да живее повеќе во несигурност.
„Над 180.000 гласови предност се обврска за ВМРО-ДПМНЕ Македонија повторно да ја врати на народот. Победата во вториот круг ќе биде уште поголема, а СДС и Пендаровски, заедно со нивните газди од ДУИ никогаш повеќе нема да бидат во позиција да го понижуваат народот. Македонија повторно твоја“, завршуваат од ВМРО-ДПМНЕ.