Македонија
Македонија во Хаг со доста помлад тим
Македонските аргументи пред Меѓународниот суд на правдата во Хаг ќе ги презентира тим составен од 15 лица, брифираат дипломатски извори.
Македонските аргументи пред Меѓународниот суд на правдата во Хаг ќе ги презентира тим составен од 15 лица, брифираат дипломатски извори.
Освен МНР во македонскиот тим се и шестмина дипломати, осум професори, асистенти, од кои двајца се од Македонија, Во македонскиот тим како правен застапник е вклучен и професорот Филип Сенс, кој исто така беше застапник во судскиот спор што го води Грузија против Русија пред истиот суд.
Грчкиот тим е составен 20 лица, 11 активни дипломати, еден поранешен дипломат, осум професори асистенти, од кои тројца се од Атина.
Според истите извори, македонскиот тим е доста помлад од грчкиот тим, но не и помалку искусен.
Денеска попладне околу 15 часот се очекува да започне усната расправа по тужбата на Македонија против Грција во Хаг.
Предвидено е во првиот круг од усната расправа Македонија своите аргументи да ги образложи денеска и утре, додека Грција тоа ќе го стори на 24-ти и 25-ти март. Во вториот круг од усната расправа Македонија ќе ги образложи своите аргументи на 28-ми март, додека Грција тоа ќе го направи на 30-ти март.
Дипломатски извори брифираат дека судскиот процес не треба да се поврзува со политичките разговори за спорот со името што се водат под покровителство на Обединетите Нации и дека тоа не би требало да влијае врз нивниот тек. Истите извори нагласуваат дека НАТО не е странка во спорот и дека со тужбата не се бара наложување на било каква одлука на Алијансата, туку се бара преиспитување на однесувањето на Грција пред и за време на самитот.
Македонија во ноември 2008-ма година ја поднесе тужбата пред Меѓународниот суд на правдата во Хаг. Во досегашната писмена фаза Македонија поднесе два писмени поднесоци на 20-ти јули 2009-та и 9-ти јуни 2010-та. Грција тоа го стори на 18-ти јануари 2010-та, односно 27-ми октомври 2010-та година.
Судот го сочинуваат 15 судии. Двете страни имаат право да изберат по еден ад-хок судија. Од македонска страна изборот е хрватскиот професорот Будислав Вукас. Неговиот избор се правда со неговата репутација и познавање на меѓународното право.
Застапник од македонска страна е шефот на дипломатијата, Антонио Милошоски, додека ко-застапник е амбасадорот во Холандија, Никола Димитров.
Македонија, според дипломатски извори, ќе ја почитува одлуката на судот каква и таа да биде. /крај/фф/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Таравари: Ќе се погрижам од Уставот да се елиминира навредливата дефиниција на албанскиот јазик
Кандидатот за претседател од редовите на ВЛЕН, Арбен Таравари, во едно од своите ветувања на политичката платформа, јасно наведува дека ќе се погрижи навредливата дефиниција на албанскиот јазик како „друг јазик што го зборуваат најмалку 20 %од граѓани“ да се елиминира од Уставот.
„Ќе се погрижам од Уставот да се елиминира навредливата дефиниција на албанскиот јазик како „друг јазик што го зборуваат најмалку 20% од граѓаните„ и албанскиот јазик, во неговото писмо, да биде службен јазик на целата територија на државата на еднакво ниво со македонскиот јазик“.
Македонија
Ковачки: Во рамките на проектот „Злетовица“, изградба на шест мали и две хидроцентрали со цевководи за водоснабдување на општините Пробиштип и на Кратово
Изминатите години се години кои се црно минато за нашата држава. Години кои ќе сакаме да ги заборавиме и никогаш повеќе да не ни се повторат. Години на тешки национални предавства, криминал и корупција од енормни размери, опасна економска катастрофа, јавен долг од 8,8 милијарди евра, најниски плати и пензии во Европа, а највисока инфлација во регионот и пошироко. СДС-ДУИ забегаа во секоја смисла на зборот, без никакви чувства, без никакви сопирачки, рече Драган Ковачки, носител на листата на пратеници во третата изборна единица од митингот во Кратово во рамките на предизборната кампања за парламентарни и претседателски избори.
Ковачки истакна дека иселувањето има земено загрижувачки размери, огромен дел од младите размислуваат за селење во странство и скоро да нема фамилија што нема свои блиски раселени по белиот свет, при што запраша каде се сега СДС да оставаат чевли пред Влада, како симбол за сите наши што се иселија.
„Устата им е полна со Европската Унија“, рече Ковачки и додаде, „ама во Европската Унија заминаа само тие што се иселија, сите останати сме тука во татковината, грчевито се бориме на парчето земја кое го населувале нашите татковци, дедовци и прадедовци и сакаме тука да останеме, да живееме нормално и да бидеме во друштво со европските народи“.
Ковачки посочи дека за тоа да се реализира треба работа, многу работа, многу напредок и љубов за сопствената земја за што ВМРО-ДПМНЕ како во минатото, така и во иднина ќе работи за интересите на сите граѓани и на граѓаните од Кратово.
Пред присутните на народниот собир во Кратово, Ковачки наброја дел од проектите предвидени во предизборната програма „Платформа 1198“ кои ќе бидат реализирани во градот во наредниот четири годишен мандат.
„Во рамките на третата фаза од проектот „Злетовица“ – Предвидуваме изградба на шест мали хидроцентрали меѓу кои и две хидроцентрали со цевководи за водоснабдување на општините Пробиштип и на Кратово;
Предвидуваме заживување на проектот „Плавица“ и отворање на Рудникот за бакар, злато и сребро;
Изградба на дом за стари лица во Кратово;
Реконструкција на детска градинка Царка Андреевска;
Реконструкција на градска сала;
Регулација на речно корито и изградба на колекторски систем за уредување на дел од Манцева река и дел од Кратовска река;
Реконструкција на патиштата до селата Близанци, Куново, Мушково и Нежилово до Каврак;
Изградба на мала пречистителна станица во село Приковци;
Реконструкција на зградата на поранешна Кристалограверница и многу други проекти кои што планираме да ги реализираме во Кратово“, рече Ковачки.
Македонија
Османи: Го институционализиравме достоинството на нашиот народ, но мисијата сè уште не е завршена
Форумот на жени и Форумот на млади на ДУИ, огранок Сарај, организираа отворена дебата со кандидатот за претседател Бујар Османи и кандидатите за пратеници од Европскиот фронт во ИЕ1 Блерим Беџети и Наим Бајрами.
Кандидатот за претседател Бујар Османи им вети на младите од Сарај дека како следен претседател ќе создаде држава во која без разлика на етничката припадност секој ќе има можност да ги оствари своите соништа.
Османи го опиша Европскиот фронт како идеја чие време е дојдено.
„Од исклучен народ сега сме народ кој го постигна првиот премиер Албанец. Го институционализиравме достоинството на нашиот народ. Почнавме да ги уриваме моноетничките тврдини: претседателот на Собранието, првиот премиер, но сè уште не сме завршиле, бидејќи сè уште имаме тврдина која за нас е забранета зона. Оваа мисија е света и не случајна. Затоа ве повикувам да ја одобрите“, рече Османи.
Кандидатите за пратеници Блерим Беџети и Наим Бајрами побараа од младите масовна поддршка за Бујар Османи и Европскиот фронт. Поканија на 24 април и на 8 мај да биде запечатена големата победа на Фронтот, со која ќе се заокружи последната мисија за етничка еднаквост и ќе се заокружи европскиот сон на младите во Северна Македонија.
Во текот на денешниот ден, караванот на Бујар Османи пристигна во Сарај и неговата околина, односно во селата Кондово, Бојане и Копаница.