Македонија
??????????:???? ?? ?? ??????????, ?? ?? ????????? ? ??????? ?????? ?? „????????“
Полицијата постапува по судската наредба, досега беа реализирани услови за привремено одземање на пет патнички возила, кога ќе се создадат услови, односно кога ќе бидат пронајдени другите возила, веднаш ќе бидат одземени.
Ова е одговорот на министерката за внатрешни работи, Гордана Јанкулоска, на прашањето околу заплената на возилата за случајот „Пајажина“, односно што е со останатите 11 возила и зошто два месеца од кога е издаден налогот токму вчера се барале возилата.„Полицијата постапува по судска наредба во моментот кога ќе се создадат услови за реализација на наредбата, таа се реализира веднаш. Досега беа создадени услови за реализација на судската наредба во смисла на привремено одземање на пет патнички возила. Во моментот кога ќе се создадат услови односно кога ќе бидат пронајдени другите, веднаш ќе бидат одземени“ рече Јанкулоска.Полицијата вчера заплени пет возила, од кои четири комбиња на фирмата „Плус продукција“, дел од судскиот случај „Пајажина“.Полицијата постапува по наредба на Обвинителството и налог даден пред 20 дена. Налогот е за 16 возила, но полицијата не успеала да ги пронајде. Возилата се запленети како мерка за обезбедување имот додека се работи предметот „Пајажина“.Јанкулоска не одговори дали има и други решенија од Основниот суд 1 за запленување на средства и имот од фирмите од случајот „Пајажина“.На отворањето на изложбата на плакати од кампањите против трговијата со луѓе реализирани во изминативе 10 години, освен министерката за внатрешни работи присуствуваше и нејзиниот заменик – министер, Џевад Бучи. За инцидентот во којшто беше вклучен Бучи, кога дел од министрите од ДУИ го уриваа објектот кој се гради на Кале, се уште нема ниту една кривична пријава.За овој случај министерката рече, „од сите настани постапуваме во моментот кога ќе имаме податоци за евентуално поднесување на пријавата, таа ќе биде поднесена како и секогаш досега како што тоа било случај за сите настани“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Посебен сообраќаен режим викендов во Скопје поради предизборни митинзи
Поради предизборни митинзи за претседателските избори викендов во централното градско подрачје ќе биде воведен посебен сообраќаен режим.
Како што информира Министерството за внатрешни работи од денеска од 19 часот до утре до 21 часот на улицата „Св. Кирил и Методиј“ ќе биде воведен посебен сообраќаен режим поради одржување на митинг што ќе се одржи утре во 13 часот пред седиштето на Европската унија. За сообраќај ќе биде затворена ул.„Св.Кирил и Методиј“ на потегот од крстосницата со бул.„Кочо Рацин“ до крстосницата со бул.„Св. Климент Охридски“.
Утре во 20 часот на плоштадот „Македонија“, пак, ќе се одржи митинг од изборната кампања за претседателските избори поради што Единицата за безбедност на патниот сообраќај при СВР Скопје ќе преземе мерки за посебен режим на сообраќај во централното градско подрачје, а сообраќајот времено ќе се запира на сообраќајниците по кои ќе се движат учесниците на настанот.
Од МВР апелираат до граѓаните да ги почитуваат наредбите на полициските службеници.
Македонија
Во вторник предизборен молк, до тогаш продолжува презентацијата на изборните програми
Во рамки на кампањата за парламентарните избори, која почна во четвртокот, и денеска кандидатите за пратеници во шесте изборни единици ќе ги претстават своите платформи пред граѓаните во повеќе делови од државата. Во исто време продолжува и кампањата за претседателските избори, чиј прв круг ќе се одржи в среда, на 24 април, додека вториот круг треба да се одржи заедно со парламентарните избори на 8 мај.
Кандидатот за претседател поддржан од коалицијата на СДСМ Стево Пендаровски во рамки на изборниот караван денеска ќе ги посети жителите на Ново Село, Босилово, Василево, а митинзи ќе одржи во Радовиш и во Струмица.
Кандидатката за претседател на државата поддржана од ВМРО-ДПМНЕ, Гордана Силјановска-Давкова ќе ја презентира програмата пред граѓаните во Македонска Каменица, Пехчево, Берово и Делчево.
Претседателскиот кандидат Стевчо Јакимовски и коалицијата „Храбро за Македонија“ ќе одржат митинг во скопската населба Карпош, а кандидатот за претседател на Движењето ЗНАМ – За наша Македонија Максим Димитриевски ќе ја презентира програмата пред граѓаните во Ресен, Претор, Новаци и во Битола.
Во рамки на третиот ден од кампањата за парламентарни избори, претседателот на СДСМ Димитар Ковачевски ќе биде меѓу граѓаните на Брвеница и на Тетово.
Македонија
Пендаровски: Понудата на Мицкоски за коалицирање е знак на слабост
Кандидатот за претседател Стево Пендаровски синоќа од Бутел рече дека е легитимно и дека е демократски избор секој да коалицира со кого сака. Но, понудата на претседателот на ВМРО-ДПМНЕ, Христијан Мицкоски за коалицирање со неговата партија, уште на првиот ден од кампањата за парламентарни избори, покажува дека тој бара помош.
„Ние среде кампања не бараме помош од пријател. Мене ми се чини дека тоа е јасен знак на слабост, затоа што господинот Мицкоски знае што го очекува на 24 април и на 8 мај. Инаку зошто би барал помош од страна?“, рече Пендаровски.