Опозициската СДСМ денеска повторно ја обвини власта дека со проектот „Скопје 2014“ врши злоупотреба на народните пари и го нарече портокалова пералница на пари.

Опозициската СДСМ денеска повторно ја обвини власта дека  со проектот  „Скопје 2014“ врши злоупотреба на народните пари и го нарече  портокалова пералница на пари.

Повикувајќи се на цените на странски споменици потпретседателот на  партијата, Гордан Георгиев и забележа на власта за прекумерните цени на спомениците и скулптурите, како и за авторските хонорари.

„Скулптури и споменици од светски познати и реномирани автори можат да се нарачаат во секое време и да се купат за цени коишто се десеткратно пониски од оние кои ги исплаќа Владата на ВМРО-ДПМНЕ“, рече Георгиев, посочувајќи неколку примери од интернет страницата sculptor.org

Како пример ја посочи скулптурата „Св.Игнатус“ авторот Лари Грифис изработена во бронза, висока околу два метри, заедно со авторскиот хонорар чини 100 илјади евра.

„За споредба, само еден од лавовите на мостот “Гоце Делчев“ изработен во бронза, висок три метри, во Македонија чини неверојатни 600 илјади евра“, истакна Георгиев.

Тој ја посочи и скулптурата „Менторс“, прогласена за најдобро дело на јавна уметност во Калифорнија во 2000 година, од американскиот автор Аристидес Деметриос чинела 230 илјади евра, а за споменикот на воин пред црквата Св.Димитрија како што истакна е планирано да се потрошат три милиони евра.

„Зошто скулптури од светски познати автори изработени во ист материјал чинат 10 пати помалку од оние кои ги нарачува Владата на ВМРО-ДПМНЕ?Зошто нашите анонимни автори добиваат хонорари кои од далеку ги надминуваат цените на готовите светски скулптури? Одговорот е повеќе од јасен. Ова што се случува во Македонија нема врска со уметност и култура. Ова е класичен криминал и огромна пералница на пари, преку кои милионски суми народни пари завршуваат во нечии џебови“, рече Георгиев./крај/бд