Адвокатот што го застапува грчкиот тим во спорот меѓу Република Македонија и Грција во Хаг, Џејмс Крафорд, на својата официјална итнернет странаица ословува земјата токму со уставното име – Македонија

Токму тоа ја отвора дилемата дали овој професор по меѓународно право верува или не верува во тврдењата на Грција во однос на употребата на уставното име на Македонија, откако на својата веб страна напишал дека ја застапува Грција во спорот против Македонија.Подоцна во средата откако ова беше објавено во македонските медиуми, Џејмс Крафорд ја вметна привремената референца за именувањето на земјава во својата официјална биографија.До денеска, во биографијата на Крафорд, кој застана зад грчкото противење на употребата на уставното име од земјава, стоеше дека е застапник во случајот на “Македонија против Грција“, додека попладнево во биографијата беше вметнато дека тој е дел од случајот на “Поранешната Југословенска Република Македонија (ПЈРМ) против Грција“.Токму со настапот на грчкиот тим пред Меѓународниот суд на правдата, денеска во Хаг финишира вториот и последен круг од усната расправа по тужбата на Македонија против Грција, а во врска со ветото што Атина го стави на зачленувањето на земјата во НАТО.Атина се противи на употребата на уставното име на Македонија во сите меѓународни институции, а бара при изнаоѓањето на решение за името, да се најде име со географска одредница за севкупна употреба, без оглед на фактот што над 120 земји во светот го признаваат уставното име на земјата.

Со настапот на грчкиот тим пред Меѓународниот суд на правдата, денеска во Хаг финишира вториот и последен круг од усната расправа по тужбата на Македонија против Грција, а во врска со ветото што Атина го стави на зачленувањето на земјата во НАТО.Целта на тужбеното барање е судот да утврди дека Грција на самитот на НАТО во Букурешт во 2008-ма година го прекршила членот 11 од привремената спогодба од 1995 година, односно дека приговорила на членството на земјата во Алијансата под привремената референца „Поранешна Југословенска Република Македонија“. Од судот, исто така, се бара на Грција да и наложи понатаму да не ја прекршува спогодбата.