Долгогодишниот спор за името меѓу Атина и Скопје околу употребата на името Македонија е решено со компромисното име Голема Социјалистичка Народна Македонска Џамахирија, еднаш за секогаш, пишува бугарскиот весник на англиски јазик Софија Ехо (The Sofia Echo) по повод 1-ви април.

Долгогодишниот спор за името меѓу Атина и Скопје околу употребата на името Македонија е решено со компромисното име Голема Социјалистичка Народна Македонска Џамахирија, еднаш за секогаш, на самит на лидерите на Европската Унија, НАТО, Африканската Унија и Арапската Лига, пишува бугарскиот весник на англиски јазик Софија Ехо (The Sofia Echo) по повод 1-ви април.Покровител на решението, според весникот е, ни помалку ни повеќе, либискиот лидер Моамер ел-Гадафи. Ваквиот исход ги вчудоневидел странските дипломати, особено во Обединетите Нации, организацијата која со години се обидувала да се постигне компромис. Решението на спорот со името не била првичната цел на одржувањето на самитот, кој бил свикан за надминување на кризата во северно-африкански земји и Блискиот исток, особено транзицијата во Либија во пост-гадафиевска ера. Други предвидени теми на самитот биле миграциската криза во Европа, ситуацијата на западен Балкан. Како што пишува бугарскиот весник, самитот се одржал на италијанскиот остров Лампредуса, откако, по наредба на премиерот Силвио Берлускони, биле преместени голем број на бегалци, со цел да се направи место за учесниците на самитот. Деталите за самитот биле држени во строга тајност.Кога Гадафи, непоканет пристигнал на самитот со јахтата на неговиот брат, прашал „Што не доведе тука?“. Ова предизвикало засрамувачка тишина меѓу учесниците на самитот, кои го проучувале тајниот документ на НАТО „Водич за либиската кралска генеологија за почетници“.На ова, низ солзи францускиот претседател Николас Саркози одговорил “не е поради тоа“, и бил веднаш прекинат од германската канцеларка Ангела Меркел, која предизвикала молк покажувајќи го последниот кредитен рејтинг на Шпанија и Португалија. По неколку минутно шепотење, учесниците на Самитот се согласиле да му соопштат на Гадафи дека самитот се однесува на проблемот со името на Македонија и дека на состанокот се согласиле да ја предложат формулата „Голема Социјалистичка Народна Македонска Џамахирија“ за негово надминување. Портпаролот на Советот за безбедност на Обединетите Нации предизвикал и емотивни реакции, кога потврдил дека предложената резолуција е донесена со поддршка на сите постојани членки на Советот. Со ова, учесниците на самитот се согласиле дека 1-ви април има потенцијал да биде запаметен како историски. /крај/thesofiaecho/ач