Проект на пет основни училишта во Mакедонија наречен „Бабини игри“ ја понесе наградата гран – при „Educators Choice“ на Европскиот Mајкрософт Иновативен Форум, кој се одржа во Москва од 21 до 25 март.

Проект на пет основни училишта во Mакедонија наречен „Бабини игри“ ја понесе наградата гран – при „Educators Choise“ на Европскиот Mајкрософт Иновативен Форум, кој се одржа во Москва од 21 до 25 март.На овој форум, наставниците од пет основни училишта победија во конкуренција со повеќе од 80 проекти од повеќе од 44 европски земји, во кои беа вклучени над 300 наставници.„Бабини игри“ е проект кој претставува електронско портфолио за културно патување низ традиционалните обележја преку кои се разви интеркултурален дијалог од различни региони на земјата и го поттикна креативното размислување, тимската работа, решавањето на проблеми, како и олеснување на наставниот процес за училиштата.„Бабините игри“ е проект кој има за цел да го поврзе минатото со сегашноста, да изградиме мост помеѓу традицијата и современите достигнувања на технологијата во 21 век. Децата ги прашуваа своите баби и истражуваа кои игри ги играле кога биле деца. Тоа истражување се одвиваше во пет училишта со видео конференциски часови“ – рече Марина Василева, една од наставниците кои учествуваа во проектот, на која денеска во ОУ „Кирил и Методиј “ и беше доделено признание од министерот за образование Никола Тодоров и министерот за информатичко општество Иво Ивановски.Добри Јовевски, кој исто така учествуваше во овој проект, рече дека наставниците на натпреварот во Москва успеале да докажат дека работат и ја користат технологијата за да ги оспособат учениците во 21 век.„Ова е уште еден доказ дека информатичките технологии кои што ги имплементираме во образованието имаат ефект. Не се согласувам со оние кои што велат дека ефектот од компјутеризацијата во Македонија го нема и дека ќе дојде во некој нареден период. Ефектот од компјутеризацијата во Македонија е на прво место во Европа и претендираме да бидеме на прво место во свет“ – рече министерот Тодоров.Со овој успех Македонија за првпат се квалификуваше за учество на Светскиот форум на иновативни наставници кој ќе се одржи во ноември 2011 година во Вашингтон и ќе се натпреварува во конкуренција со најдобрите и најиновативните наставници од целиот свет  Проектот „Бабини игри“ е заеднички проект на скопските основни училишта „Св. „Кирил и Методиј“, „Живко Брајковски“, Дитурија“, „Илинден“ од село Конопица и „Браќа Рибар“ од Куманово. Проектот е во рамките на глобална програма на Мајкрософт наречена партнери во учењето, која во Македонија се спроведува од 2009 година, како резултат на меморандумот за разбирање меѓу Мајкрософт и Министерството за образование, кој ќе трае до 2013 година. /крај/к.с