Прв меморандум за соработка меѓу СОС Детско село и Министерството труд и социјална политика беше потпишан денес со цел зајакнување на меѓусебната соработка во однос на поддршката на родители и деца

Покрај двете постоечки советувалишта за поддршка на родители и деца, едното во општината Шуто Оризари, а другото во општина Гази Баба, што официјално ќе биде отворено кон крајот на месецов, во план е отворање на нови центри.„На тој начин ќе се обидеме да се надмине недостигот на капацитет, и ќе се намали бројот на децата на улица, како и децата кои што се изложени на ризик во рамките на своите биолошки семејства“, рече директорката на СОС Детско село, Јулијана Накова – Гапо.Во моментов овие два центра даваат поддршка на  околу 110 семејства во рамките на кои има 190 родители и старатели и околу 330 деца се вклучени во рамките на овие советодавни центри.Поддршката во овие центри се одвива во повеќе области, едукативна, здравствена, материјална и помош при вадење на лични документи.„Заклучно со 2012 се надеваме дека нашите советодавни центри ќе пружаат поддршка на околу 500 деца и дека заедно со нашата програма со која во моментов имаме згрижено 88 деца, во нашата организација ќе имаме околу 600 деца за кои ќе се грижиме.“, рече Гапо.Министерот за труд и социјална политика Џељаљ Бајрами рече дека согласно меморандумот програмите за работа во овие советувалишта ќе бидат изготвени заеднички помеѓу СОС Детското село и МТСП.