За една недела,регистрирани се нови 128 заразени со морбили, а вкупната бројка во државата достигна 650 лица, информираат денеска од Центарот за јавно здравје. Министерот за здравство Бујар Османи, вели дека нема место за паника.

За една недела,регистрирани се  нови 128 заразени со морбили, а вкупната бројка во државата достигна 650 лица, информираат денеска од Центарот за јавно здравје. Министерот за здравство Бујар Османи, вели дека нема место за паника.

Во скопското средно училиште „Здравко Цветковски“  има двајца новозаразени со  морбили, а  при проверка на учениците од прва и втора година, откриени се 67 невакцинирани ученици.

Како што информираше д-р Лилјана Лазаревска од Центарот  за јавно здравје, невакцираните ученици се веќе имунизирани, а денеска продолжува проверка на трета и четврта година.

Лазаревска апелираше до Министерството за образование и наука, покрај документите што се доставуваат при упис во средните училишта да се достави и вакциналниот статус.

Најголема концентрација на заболени има во Скопје , Куманово и Струмица.

Министерот за здравство, Бујар Османи, рече дека здравствениот систем успешно се справува со кризната ситуација и дека не очекува  епидемијата да се разгорува.

„Состојбата не е алармантна, нема простор за паника. Целата оваа епидемија е започната во соседните држави, Бугарија и Грција каде што само во 2010 имаше над 25.000 случаи “, рече Османи.

Тој додаде дека деведесет отсто од заболените кај нас, се невакцинирани бебиња на возраст до една година, и деца од една до четири годишна возраст. Апелираше родителите да си ги вакцинираат децата.

„Во Скопје има одреден отпор кај граѓаните да ги вакцинираат бебињата на шестмесечна  и на седуммесечна возраст што е апсолутно неоправдано.Тоа се прави за да се заштитат децата кои се уште не се вакцинирани“, рече Османи.

Јованка Костовска од Комисијата за заразни болести информираше дека само патронажната служба и вакциналните тимови на терен откриле, вкупно 200 нерегистирани, невакцинирани случаи во целата држава.

Во тек е вонредна акција за вакцинирање, а Министерството за здравство даде наредба да се работи и втора смена со цел да се вакцинираат поголем број граѓани./крај/ми