Македонија
Трибина: Потребен е државен консензус за спорот со името
Постигнувањето државен консензус за спорот со името е еден од најважните елементи што треба да се постигнат за да дојде до негово решавање, заклучија учесниците на дебатата „Како до компромис со Грција“ во организација на Демократскиот сојуз.
Постигнувањето државен консензус за спорот со името е еден од најважните елементи што треба да се постигнат за да дојде до негово решавање, заклучија учесниците на дебатата „Како до компромис со Грција“ во организација на Демократскиот сојуз.Дел од учесниците посочија дека спорот со името не треба да биде тема на дискусија на следните парламентарни избори, додека следната влада треба да се нафати со негово решавање. „Името не би требало да биде дел од кампањата. Дали е така, дали ќе биде така, тоа е веројатно многу тешко да се одговори. Второ, по изборите, клучните актери би требало да понудат платформа за решавање на спорот, да демонстрираат некој вид основно единство и тоа мислам дека не е невозможно. Апсолутно е возможно, и тоа е третиот елемент. Возможно е ако спорот почне да се третира како државно, а не како партиско прашање“, рече Ермира Мехмети од ДУИ. „Имам апел до сите политички партии да ги искажат своите ставови како мислат да продолжат овие процеси за влез во Европската Унија и НАТО, дали има други решенија, други предлози, а во текот на изборната кампања многу помалку или воопшто да не расправаме за ова прашање, бидејќи ќе продолжат поделбите и меѓусебните обвинувања а решение нема да се најде“, рече Павле Трајанов, претседател на ДС. Токму немањето консензус, според екс-шефот на македонската дипломатија, Александар Димитров, е причината за отсуство на решение за спорот со името. „Ја знае ли некој македонската црвена позиција? Мислам дека ние немаме ’црвена линија’ затоа што немаме ниеден консензус. Немаме консензус меѓу партиите во власта, ниту меѓу партиите во опозицијата, ниту меѓу граѓаните, ниту меѓу медиумите. Се’ додека не изградиме државен, национален консензус, до тогаш нема да имаме ’црвена линија’ и нема да знаеме што да правиме, а сакаме да влезе во НАТО и сакаме ова прашање што поскоро да се расчисти“, рече Димитров. За дел од учесниците, неопходно е одржување референдум пред донесување на евентуално решение, додека според дел од нив политичарите на изборите добиваат легитимитет да решаваат и вакви крупни прашања. Универзитетскиот професор, Гордана Силјановска – Давкова смета дека доколку решението се бара во географска одредница, таа задолжително да биде по името Република Македонија. „Јас сум противник на географска одредница, затоа што мислам дека географската одредница ќе ја комплицира состојбата, затоа што покрај западна, централна и источна Македонија, сега ќе добиеме ’Северна Македонија’. Второ, мислам дека ако сакаме да направиме разлика меѓу држава и провинција, најдобро решение е да има некаква придавка која е придавка за држава, бидејќи самостојна, суверена, демократска не може да биде никаква провинција или регион. Трето, ако веќе компромисот е неможен без географија, тогаш географска додавка може да стои само зад целината ’Република Македонија’. Одговорно тврдам дека поинаку ние ќе имаме идентитески проблем, а не само именски проблем“, рече Силјановска-Давкова.„Нема потреба од референдум. Тоа е големата манипулација на лидерства кои немаат храброст откако ќе добијат легитимитет на регуларни, фер избори, да ја носат одговорноста за решавањето на клучни прашања“, рече новинарот Александар Чомовски.Според новинарот Драган Антоновски, пак, отворена е дилемата дали постои и реална волја за интеграција во евроатланските структури.„Ние велиме дека сакаме, дека граѓаните сакаат, но не сум убеден дека политичарите сакаат во Европа. Не сум убеден дали бизнис елитата сака во Европа, затоа што се сомневам дека во вакви услови ќе можат да функционираат бизнисмените, дека ќе имаат толкави камати за банкарските кредити, дека ќе може да не се плаќаат придонеси, дека ќе може да те пријави на минимум, дека нема да се плаќаат даноци. Значи многу е интересно, тој правец дали ние вистински сакаме во Европа, освен декларативната заложба што ја имаме“, рече Антоновски.Одржувањето на трибината се совпадна со 18-годишнината од влезот на Македонија во Обединетите Нации. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сергеј Попов ги матираше СДММ, извади документ од кој се гледа како лажат, велат од ВМРО-ДПМНЕ
„Се е пријавено дечки, затоа вчера ви рековме два пати да размислите пред да излезете на прес. Ама толку слушате, затоа сте младина сведена на статистичка грешка“, напиша Сергеј Попов, претседател на УМС и пратеник на ВМРО-ДПМНЕ, на социјалните мрежи.
„Штета, паметам времиња кога СДММ беше подмладок за почит“, додаде тој.
Македонија
Пратеничката Мимоза Муса на 73. КОСАК конференција во Варшава
Пратеничката Мимоза Муса, членка на Комисијата за европски прашања, учествува на 73. Конференција на комисиите за европски прашања на Парламентите на земјите членки на Европската Унија (КОСАК), која се одржува од 8 до 10 јуни 2025 година во Варшава, Република Полска.
Конференцијата се одржува во Сејмот на Република Полска, а учество земаат претставници на Парламентите од земјите членки и кандидатите за членство во Европската Унија, како и претставници на Европската комисија и Европскиот парламент.
Темите опфатени на Конференцијата се: приоритетите на Полското претседателство со Советот на ЕУ, работните програми на Европската комисија и Европскиот парламент во новиот институционален циклус, идната повеќегодишна финансиска рамка на ЕУ, политиката за проширување и јакнењето на сајбер отпорноста и борбата против дезинформации.
Настанот беше свечено отворен од страна на маршалот на Сејмот на Република Полска, Шимон Холовниа, а Конференцијата се одвива под копретседателство на Агњешка Помаска, претседателка на Комисијата за европски прашања на Сејмот на Република Полска и Томаш Гродsки, претседател на Комисијата за европски прашања на Сенатот на Република Полска.
Во своите воведни обраќања ја нагласија важноста на парламентарната соработка и единството на европските институции во справување со заедничките предизвици. Тие упатија повик за продлабочена вклученост на националните парламенти во процесот на донесување политики на ниво на ЕУ и подвлекоа дека проширувањето останува клучен инструмент за стабилност и просперитет на целиот континент.
Пратеничката Мимоза Муса имаше свое обраќања на втората сесија од Конференцијата.
На втората сесија, каде се дебатираше за работните програми на европските институции и Стратешката агенда на ЕУ, Муса истакна дека приоритетите на Комисијата и Парламентот се од исклучително значење за земјите кандидати. Таа подвлече дека Северна Македонија активно работи на зелена транзиција, дигитализација, економски развој и борба против корупцијата, и ја потенцираше важноста на продолжување на политиката на проширување врз основа на заслуги.
Во рамки на своето учество, пратеничката оствари средба со голем број колеги и со амбасадорот на Република Северна Македонија во Република Полска, Јасмин Ќахил.
КОСАК претставува форум за соработка меѓу комисиите за европски прашања од националните парламенти и Европскиот парламент, кој овозможува редовна размена на информации, ставови и добри практики во однос на европското законодавство и политики. Форумот постои од 1989 година и има важна улога во вклучувањето на националните парламенти во процесите на донесување одлуки на ниво на ЕУ.
Македонија
Арсенал илегално оружје и муниција пронајдени кај скопјанец, поведена истрага
Јавен обвинител од Основното јавно обвинителство Скопје донесе Наредба за спроведување истражна постапка против едно лице за кривични дела – Неовластено изработување, држење, посредување и тргување со оружје и експлозивни материи од член 396 од Кривичниот законик.
При претрес во домот во кој престојувал осомничениот 29-годишник на улицата “Благоја Паровиќ” во Скопје, било пронајдено поголемо количество огнено оружје, муниција и експлозивни материи кои на граѓаните им се забранети и тоа: автоматска пушка со калибар 7,62×39 мм, четири рамки со 120 куршуми и уште дополнителни 779 куршуми боева муниција од истиот калибар наменета за испалување од автоматски, полуавтоматски пушки, митралези, пушкомитралези и репетирачки пушки. Биле пронајдени и 3 рамки со вкупно 51 куршум со калибар 9 мм Para и уште 136 куршуми од тој калибар наменети за испалување од автоматски огнени оружја и полуавтоматски пиштоли. Потоа биле откриени и 31 куршум боева муниција со калибар 7,65 мм, која исто така се користи за автоматски и полуавтоматски оружја, како и рачна граната од моделот РГД 5, која е од офанзивен тип со ефективно убиствено дејство од 15-20 метри и ранувачко дејство до 30 метри.
Покрај ова оружје, муниција и експлозивни направи кои се целосно забранети за граѓаните, тој во домот без дозвола држел и огнено оружје кое било преправено – пиштол ZORAKI М 906-B со кој било овозможено истрелување на проектили од куршуми од боева муниција со кал.7,65 мм, пневматски пиштол марка SIG SAUER M17 наменет за истрелување на топчести проектили со калибар 4,5 мм, полуавтоматски пиштол RANGER RA9, како и 51 куршум со калибар 9 мм P.A.K. наменета за предизвикување звучен-сигнален ефект при испалување од оружје за светлосно-звучна сигнализација. Целото пронајдено илегално оружје и муниција се одземени од осомничениот.
Поради опасност од бегство и можност да го повтори делото, јавниот обвинител до Судот достави предлог за определување мерка притвор за осомничениот.
ЕУ подготвува нов удар врз Путин, објавени се деталите
Европската комисија (ЕК) денес предложи 18-ти пакет санкции против Русија, главно насочени кон руските приходи од енергија и банкарскиот сектор....
Сергеј Попов ги матираше СДММ, извади документ од кој се гледа како лажат, велат од ВМРО-ДПМНЕ
„Се е пријавено дечки, затоа вчера ви рековме два пати да размислите пред да излезете на прес. Ама толку слушате,...
Зеленски за масакрот во Австрија: Длабоко сме потресени
Украинскиот претседател Володимир Зеленски го коментираше денешното пукање во училиште во Грац, во кое беа убиени 10 лица, од кои...
(Видео) „УМС фатени во лага – законот за пиротехника е прекрешен, а Тошковски молчи“, велат од СДММ
„Откако ја предизвикаа згрозеноста кај младите со срамната журка со пиротехника додека Македонија тагува за изгубените млади животи во Кочани,...
(Фото) Кривична против 29-годишен скопјанец: нелегално поседувал автоматска пушка и друго оружје и муниција, а ја истепал и сопругата
СВР Скопје – Единицата за насилен криминал поднесе кривична пријава по брза постапка против А.Р.(29) од Скопје поради постоење основи...
Пониква станува рехабилитациски центар за повредените од пожарот во Кочани
Повредените од пожарот во Кочани ќе бидат испратени на рехабилитација во Пониква. На денешната седница на Владата и официјално се...
(Видео) Кузеска: Власта ги покачи платите на функционерите за 200 евра
Срамно и дрско – народoт едвај преживува, а власта ги покачува само платите на функционерите, обвини Богданка Кузеска, портпаролка на...
(Видео) Објавени снимки од училиштето во Грац: се слушаат истрели, седум ученици убиени
Најмалку девет жртви во пукањето во училиштето во австрискиот град Грац. Потврдени се девет смртни случаи – вклучувајќи го и сторителот....
Студентите ќе добијат по 250 евра за набавка на електронски уреди од септември, најави Мицкоски
Премиерот, Христијан Мицкоски денес изјави дека Владата планира ученички стипендии за наредната година, а во однос на новинарското прашање за...
Тошковски најави поголема набавка на униформи за полицијата од онаа за специјалците: Спорната набавка е законска, но немаше доволно критериуми во тендерот
На нов тендер Министерството за внатрешни работи ќе бара униформи за 6.000 полицајци, најави денес министерот за внатрешни работи Панче...
Стојанче Ангелов ќе зема повисока плата: Владата одобрила покачување
По измената на коефициентот за пресметка на плата, одлука објавена во Службен весник, се зголемува и платата на директорот на...
Во „Пониква“ не можеш ниту на одмор да одиш, а не пак да третираш сериозни медицински состојби: Филипче од Кочани со критики до власта
Претседателот на СДСМ Венко Филипче од Кочани, со критики до актуелната власт за како што рече, неспособноста да се справи...
Изготвил лажни одобренија за градење, трошел повеќе од дозволеното за репрезентација и ненаменски трошел пари предвидени за гориво, кривична за градоначалникот на Росоман
Управата за финансиска полиција до Основното јавно обвинителство Кавадарци поднесе кривична пријава против С.Н во својство на Градоначалник на Општина...
Оваа учебна година направивме многу, обезбедивме учебници, ги зголемивме платите на наставниците и тие ќе продoлжат да растат: Јаневска за крајот на учебната година
На основците и средношколците што денес ја завршуваат учебната година им честитам на напорната работа и заслужениот успех. Пред вас...
Власта системски го отстранува албанскиот јазик од јавната сфера, велат од ДУИ
Уставниот суд е во завршна фаза на подготовки за укинување на Законот за употреба на јазиците, истакнуваат од ДУИ. Од...
Ниту повредените, ниту семејствата на починатите не се сами, Кочани е наш приоритет, велат од Владата
Трагедијата во Кочани во која животот во загубија 62 млади лица е од невидени размери, велат од Владата и додаваат...
Цените повторно растат, а Владата реши да ги покачи платите само на функционерите, велат од СДСМ
Македонија повторно се соочува со огромен раст на цените и инфлацијата, а Владата реши да ги покачи платите на функционерите....
Орбан: Дипломатите мора да ја преземат контролата од генералите, оваа војна не може да се добие
Унгарскиот премиер Виктор Орбан изјави дека на Украина ѝ е потребно примирје, преговори и мир, како и дека „дипломатите треба...
(Видео) „Останете во засолништата“ погодена породилна болница во Одеса, Киев со часови под силен руски напад
Русија изврши силен напад со беспилотни летала врз украинскиот главен град, изјави градоначалникот на Киев, Виталиј Кличко. Во Одеса, погодена...
Трамп: Непочитувањето нема да се толерира, ќе удриме посилно од кога било
Американскиот претседател Доналд Трамп изјави дека учесниците на протестот во Лос Анџелес „имаат тенденција да плукаат во лице“ на членовите...
