Претседателот на Европската комисија, Жозе Мануел Баросо и еврокомесарот за проширување Штефан Фуле денеска во Охрид ќе ја завршат својата тридневна посета на Западниот Балкан.

Претседателот на Европската комисија, Жозе Мануел Баросо и еврокомесарот за проширување Штефан Фуле денеска во Охрид ќе ја завршат својата тридневна посета на Западниот Балкан.Претпладнево во Вила Охрид Баросо ќе оствари тет-а-тет средба со премиерот Никола Груевски, по што ќе следуваат изјави за медиумите.Вчера, непосредно пред доаѓањето на Баросо и Фуле портпаролот на Баросо, Микаел Карничниг  во интервју за Дојче веле изјави дека Баросо во Охрид во предизборниот период ќе побара политички консензус.„Неговата порака ќе биде следнава: со цел да продолжи патот кон Европа, крајно е важно да постои стратегиски консензус внатре во земјата. Еден вид историски договор меѓу различните политички сили, еден вид култура на компромис што води кон европската интеграција, а не на поларизација меѓу различните политички партии. Посебно во еден предизборен период, потребен е дух на компромис и на соработка“ изјави Карничниг во интервјуто за Дојче Веле на македонски јазик.Во врска со прашањето за името тој ја повтори позицијата на Европската комисија. „Ги охрабруваме двете страни да останат ангажирани во него, посебно во оваа предизборна фаза. Мислам дека решение за името ќе биде во полза на двете страни и ќе придонесе за стабилноста на целиот регион. ЕУ сака да види решение и Комисијата останува посебно подготвена да ги поддржи напорите на посредништво кои ги прават ОН“ вели Карничниг.Освен со премиерот, Баросо ќе се сретне со претседателот и водачите на најзначајните политички партии./крај/фф