Контакт

Македонија

Митриновски: Греота е две години пред пензија да останам на улица

Објавено пред

Пет часа расправа, пет часа убедување во Судскиот совет дали судијата Јордан Митриновски постапил законски или незаконски кога одлучил со гаранција на Бајруш Сејдии да му овозможи да биде во куќен притвор.

dobivaj vesti na viber

Пет часа расправа, пет часа убедување во Судскиот совет дали судијата Јордан Митриновски постапил законски или незаконски кога одлучил со гаранција на Бајруш Сејдии да му овозможи да биде во куќен притвор. Неговата одлука ја оспори Врховниот суд кој откако го укина решението поднесе барање за оценување на работата на судијата Митриновски. Седницата започна со тешки и емотивни обвинувања на Митриновски до членовите на Комисијата кои се дел од Судскиот совет. “Имам сознанија дека по ваше барање е наредено да бидам иселен од канцеларијата во судот. Работите не знам каде ми се, а се чувствувам како избркано куче. Таков однос не сум заслужил”, рече Митриновски пред Советот. Потоа во детали со часови ја објаснуваше и оправдуваше неговата постапка и одлука. Тврди упорно дека одлуката била законска и немало можност обвинетиот да побегне. На прашање на член од Советот дали е свесен дека Бајруш веќе еднаш се обидел да побегне, Митриновски рече дека слушнал од емисијата „Код“. Дебата околу постапката имаше во излагањата на Митриновски неговиот адвокат и Јово Вангеловски , претседателот на Врховен суд во делот на исказот на судијата дека судија известител бил стручен соработник иако на записникот го пишувало неговото име. Вангеловски појасни дека тој како претседател на Советот не смеел да биде известител и уште помалку против законски е стручен соработник да реферира за предмет. Митриновски се повика на своето таканаречено судиско убедување кое го употребил при донесувањето на одлуката за притворот. Но Вангеловски кажа дека тоа судиско убедување може да се користи само доколу е во рамките на Законот. Митриновски бараше Советот да земе пресуди од други апелациони судови каде наводно имало вакви и слични пресуди, но барањето му беше одбиено бидејки тоа не е работа на Советот туку токму негова. Потоа побара и Гордан Калајџиев како професор и судијата Маргарита Цаца Николовска да присуствуваат во Советот за да од научен и практичен начин потврдат дека донел исправна одлука во духот на европските пресуди. Но и тоа беше одбиено со образложение дека седницата не смее да се претвори во трибина, туку на неа може само да се дискутира за тоа дали законот бил применет или прекршен. На крајот Митриновски сепак пред судиите замоли добро да размислат пред да донесат одлука оти, како што кажа, “греота е две години пред пензија да останам на улица”. Комисијата откако ќе ги разгледа документите и исказите кои денес беа презентирани ќе донесе одлука дали на Судскиот совет ќе му предложи да гласа за негово разрешување или ќе помине со друга санкција. /крај/км

Македонија

Ќе се бориме за да ги браниме националните интереси, иднината на државата е во рамките на ЕУ, порача Мицкоски од Лондон

Објавено пред

Економијата, безбедноста и процесот на интегрирање на Македонија во рамките на ЕУ, како што соопшти премиерот Христијан Мицкоски биле теми коишто биле опфатени на Самитот на Берлинскиот процес во Лондон.

dobivaj vesti na viber

„Тука беше додадена уште една тема, а тоа беше нелегална миграција. Морам да кажам дека денот беше инспиративен, го започнав со средба со министерот на Франција за Европа, господинот Бенжамин Хадад, којшто е исклучително близок на претседателот Макрон, на којшто ги кажавме нашите позиции, односно позициите коишто цело време ги повторуваме, дека мора да има испорака во дел на гаранции од страна на самата ЕУ, мора да има испорака од нашиот источен сосед во делот на почитување на меѓународното право, почитување на европските институции како што е Судот за човекови права, интегрирање на македонската заедница во рамки на Министерскиот совет за малцинства кај нашиот источен сосед итн.

Тоа не се дополнителни услови, туку тоа значи партнерство, тоа значи добрососедски односи помеѓу двете земји“.

Во делот на безбедноста, како што појасни, бил потенциран фактот за енергетската безбедност, развојот на гасните интерконектори.

„Овој што во моментот го градиме со нашиот јужен сосед со Грција и тој којшто планираме многу скоро да го отпочнеме да го градиме со нашиот северен сосед, а тоа е Србија. Потоа континуирано ги споменуваме коридорите 10 и 8, коишто се за нас како држава многу важни, но и за Европа се многу важни, посебно за јужното крило на НАТО, бидејќи ги поврзуваат Јонското и Јадранското море со Црното море, тоа е коридорот 8, и коридорот 10 коишто ги поврзува практично Медитеранот, овој дел на Медитеранот со Егејското море, со Централна Европа“.

Во делот на нелегалната миграција, нашиот став, како што подвлекува Мицкоски е апсолутно јасен.

„Ние практично ја браниме Европа од Европа, бидејќи кај нас мигрантите реално од земји членки на ЕУ нелегално влегуваат. Ја изнесов оваа идеја и пред премиерот Стармер, за време на билатералната средба, дека би биле добредојдени британски експерти, британска експертиза, па дури и полициски офицери, припадници на Армијата на Британија, да заедно со нашите припадници ја штитиме нашата јужно-источна граница од нелегалната миграција и на тој начин да ја штитиме и Европа, ја презентирав нашата отворена покана“.

Потсети и на процедурата на потпишување на меморандумот на разбирање со американско-британскиот конзорциум којшто, како што рече, ќе инвестира во фабрика за производство, а е дел од наменската индустрија.

„Околу 150 милиони долари и каде што неколку стотици би рекол, до илјада луѓе ќе се вработат, но тоа е само почеток, планот е да стигнеме до бројка од една милијарда.

Јас многупати кажувам дека мора да победуваме дома и тука немам никаква дилема, дека домашната задача е најважна, но мора да победуваме и во Лондон и во Брисел и во Париз и во Берлин и во Рим и во Вашингтон и во другите главни градови на земји-членки и на ЕУ, но и на влијателни држави во светот.

Ќе се бориме за да ги браниме националните интереси и интересите на Македонија, генерално и на граѓаните. Иднината на државата е во рамките на ЕУ, тоа е една од нашите последни стратешки цели.

Ние ќе сториме се што е во наша моќ да ја исполниме оваа стратешка цел, но истовремено да ги заштитиме македонските интереси.

Нормално дека пораката од нивна страна е дека местото на нашата земја е во рамките на ЕУ, како и генерално на целиот регион на Западен Балкан. Прилично инспиративна и конкретна дискусија имаше германскиот канцелар господинот Мерц, којшто јасно кажа како го гледа регионот, нормално тоа е затворен состанок и сега не би сакал јас да ги зборувам деталите, но многу јасна насока даде, како го гледа регионот и кои се плановите за иднината на регионот поврзани со интеграцијата во рамките на ЕУ“.

Мицкоски вели дека останува оптимист, но важно е според него да се испорача домашната задача.

„Тоа се реформите и тоа ќе го правиме во периодот којшто следува, очекувам прогрес и во делот на откочување на проблемот којшто го имаме во овој момент, но ајде да видиме, рековме наша цел е да го заштитиме нашето национално достоинство, нашиот идентитет и нашите национални интереси“.

Прикажи повеќе...

Македонија

12 лица под истрага по полициските претреси во Скопје: осомничени се за лихварство и перење пари

Објавено пред

Под раководство на јавен обвинител од ОЈО ГОКК, единиците на МВР денеска, по обезбедени Наредби од Основниот кривичен суд – Скопје, извршија претреси на повеќе локации низ Градот Скопје, поради основано сомневање за сторени кривични дела Лихварство и Перење пари и други приноси од казниво дело, соопшти обвинителството.

dobivaj vesti na viber

Обвинителот, постапувајќи по кривичната пријава поднесена од МВР, донесе Наредба за спроведување на истражна постапка против 12 осомничени лица за кои постои основано сомневање дека деветмина од нив како соизвршители или помагачи ги сториле двете кривични дела, додека тројца се осомничени за кривично дело Перење пари и други приноси од казниво дело.

Деветмината осомничени од почетокот на 2022 година до денес се организирале во криминална група што се занимавала со давање на пари со договор, притоа договарајќи несразмерна имотна корист во пари, средства или недвижен имот. Тие искористувајќи ја финансиската состојба на оштетените лица им позајмувале пари со пресметување на камата од 5% или 15% месечно зголемена за секое задоцнување. Од оштетените барале да им ги вратат позајмените парични средства со пресметана камата или месечно да го исплаќаат износот по основ на камата. Кога оштетените не биле во можност да ја вратат позајмицата, осомничените барале да го предадат или оптоварат имотот со кој располагале, пренесувајќи го на име на некој од осомничените. Наплатата на паричните средства се вршела директно преку некој од осомничените или преку трансакционите сметки во банка, од сметка на оштетен на сметка на некој од осомничените лица.

Паричните средства што во несразмерен износ ги враќале оштетените, се внесувале на сметките на осомничените во банка или во сеф, по што ваквата несразмерна имотна корист на различни начини ја внесувале во легалните финансиски текови. Така, постои основано сомневање дека во истиот период, дванаесетмината осомничени и едно осомничено правно лице, како организирана криминална група за перење на пари, се стекнале со противправна имотна корист од 125 033 527 денари прибавена со кривичното дело Лихварство. Дел од прибавените пари кои осомничените во повеќе наврати од повеќе физички лица ги примиле на своите сметки или им биле дадени на рака, со цел да се добие привид дека средствата се легално стекнати ги пуштале и користеле за реализирање на трансакции кон сметки на правни и физички лица, дел ги презеле на сопствени сметки и со нив вршеле плаќање на своите животни потреби, со дел купувале недвижен и движен имот и воделе луксузен живот, а голем дел биле извадени во готовина.

Јавниот обвинител до судијата на претходна постапка при Основниот кривичен суд – Скопје во текот на утрешниот ден ќе достави соодветни предлози за обезбедување присуство на осомничените, информираат од обвинителството.

Прикажи повеќе...

Македонија

Ароганцијата на некои во „Вреди“ станува одвратна, Чаир беше лекција, а секоја лекција се прифаќа со достоинство, вели Османи

Објавено пред

Чаир беше лекција, а секоја лекција се прифаќа со достоинство, напиша на социјалните мрежи Бујар Османи.

dobivaj vesti na viber

„Ја презедов мојата одговорност и му честитав на победникот, бидејќи дури и во овие околности сакам да оставам зад себе наследство на политичка култура, како што правев во текот на целата кампања.
Но, ароганцијата на некои во „Вреди“ станува одвратна.
Не прифаќам дека поради оваа причина резултатот на ДУИ и коалицијата треба да биде погазен.
Со 114 илјади гласови, НАИ останува најголемата сила и легитимен претставник на Албанците.
Али Ахмети е и останува неоспорен идеолог и лидер на Албанците“.

Навредите кон него, како што додава Османи, не се знак на политичка сила, туку знак на морална слабост.

„Овие ниски напади имаат една цел, да донесат деморализација пред вториот круг,
но ќе се случи спротивното: единство и решеност.
Албанците дадоа масовна поддршка во првиот круг, а во вториот круг мора да потврдиме кој навистина ја држи нивната политичка волја.
НАИ останува гласот на Албанците, додека Али Ахмети, нивниот морален и идеолошки столб.
Ги поканувам сите Албанци во вториот круг да го потврдат ова достоинствено и масовно“.

Прикажи повеќе...

Најново

Македонија7 часа

Ќе се бориме за да ги браниме националните интереси, иднината на државата е во рамките на ЕУ, порача Мицкоски од Лондон

Економијата, безбедноста и процесот на интегрирање на Македонија во рамките на ЕУ, како што соопшти премиерот Христијан Мицкоски биле теми...

Македонија9 часа

12 лица под истрага по полициските претреси во Скопје: осомничени се за лихварство и перење пари

Под раководство на јавен обвинител од ОЈО ГОКК, единиците на МВР денеска, по обезбедени Наредби од Основниот кривичен суд –...

Македонија12 часа

(Видео) Мециновиќ: Владиниот кандидат се сретна со „Вреди“ и ја доби нивната поддршка, јас се среќавам со Скопје

Кандидатот на Левица за градоначалник на Скопје, Амар Мециновиќ кој влезе во вториот круг на локалните избори се огласи откако...

Македонија13 часа

Кандидатите за градоначалници на Скопје се договорија: ТВ дебата во вторник

Кандидатот на партијата Левица за градоначалник на Скопје, Амар Мециновиќ денеска преку социјалните мрежи извести дека прифаќа дебата со противкандидатот...

Македонија14 часа

„Додека Данела сака да биде инфлуенсерка и троши време на театар, претпријатијата и штрајкуваат, а вработените немаат плати“, велат од ВМРО-ДПМНЕ

„Со длабоко разбирање за состојбата во која се наоѓа и за предизвиците од лична природа на кои е изложена, нема...

Топ14 часа

Жени се истепаа во автобус на ЈСП, во друг инцидент, скопјанец нападнат од четири лица

Вчера во 14:20 часот во СВР Скопје е пријавено дека во автобус на ЈСП на подрачјето на Центар, бил нарушен...

Македонија15 часа

Сметам дека и во првиот круг Левицата имаше поддршка од ДУИ, а коалицијата со СДСМ e веќе jавна, вели Ѓорѓиевски

Кандидаттот за градоначалник од ВМРО-ДПМНЕ и коалицијата, Орце Ѓорѓиевски, смета дека неговиот противкандидат во вториот круг, Амар Мециновиќ од партијата...

Македонија15 часа

Истрага против 32 физички и правни лица за злоупотреби при јавни набавки во прилепската болница

По поднесена кривична пријава од Управата за финансиска полиција, Основното јавно обвинителство Прилеп денеска донесе наредба за спроведување истражна постапка...

Македонија16 часа

Mицкоски се сретна со кралот Чарлс: „Беше искрено и содржајно“

Премиерот Христијан Мицкоски на социјалните мрежи објави дека во рамките на престојот во Лондон остварил средба со Неговото Кралско Величество,...

Македонија17 часа

Полицијата претресува на повеќе локации во Скопје поради лихварство и перење пари

Под раководство на предметен обвинител од Основното јавно обвинителство за гонење организиран криминал и корупција (ОЈО ГОКК), полициски единици на...

Македонија18 часа

И СДСМ излезе со процени: со ваков резултат ВМРО-ДПМНЕ би имала 52 пратеници, а СДСМ 21

СДСМ реагираше на тврдењата на ВМРО-ДПМНЕ дека се апсолутни победници на локалните избори, посочувајќи дека бројките, според нивната анализа, покажуваат...

Македонија19 часа

ВМРО-ДПМНЕ: Ако утре би биле парламентарните избори, ние би освоиле над 60 пратеници, а СДС во некои изборни единици би бил трета партија

ВМРО-ДПМНЕ со 550 советници низ Македонија и градот Скопје, како и со над 300.000 гласови, е апсолутен победник на локалните...

Свет20 часа

Трамп: Не сакав бесмислен состанок со Путин

Американскиот претседател Доналд Трамп изјави дека не сакал да одржи бескорисен состанок со рускиот лидер Владимир Путин, откако планот за...

Свет21 час

(Видео) Украина со ракети „сторм шедоу“ нападна хемиска фабрика во Русија

Украинските сили на 21 октомври изведоа масовен напад со британски ракети „сторм шедоу“ врз хемиската фабрика во руската област Брјанск,...

Свет21 час

Кремљ реагира по изјавата на полскиот министер: „Ова е закана за тероризам“

Москва ја обвини Полска дека се заканува со „терористички акт против авионот на Владимир Путин“, откако полскиот министер за надворешни...

Македонија1 ден

Во тек голема акција: Финансиската полиција ја тресе прилепската болница, има приведени

Во тек е голема акција на финансиската полиција во Прилеп, поврзана со сомнежи за криминал во работењето на прилепската болница....

Македонија1 ден

Еден осуденик месечно ја чини државата околу 1.000 евра, Пандов рече дека пробацијата не се користи доволно

Директорот на Управата за извршување на санкции, Александар Пандов, изјави дека државата месечно троши околу 1.000 евра за еден осуденик,...

Свет1 ден

Пропадна најавениот самит меѓу Трамп и Путин

Планираниот самит меѓу американскиот претседател Доналд Трамп и рускиот претседател Владимир Путин, кој требаше да се одржи во Будимпешта до...

Македонија1 ден

Ѓорѓиевски и Мециновиќ ќе се соочат на дебата

Кандидатот на ВМРО-ДПМНЕ за градоначалник на Град Скопје, Орце Ѓорѓиевски, ја прифати поканата за телевизиска дебата со својот противкандидат Амар...

Македонија2 дена

Министерството за здравство: Немаме долг кон „Комунална хигиена“

Министерството за здравство соопшти дека, како правен субјект, нема никаква обврска или долг кон ЈП „Комунална хигиена – Скопје“, демантирајќи...