Ние сме партија што на некој начин воведе не само давање на конкретна програма со рокови и конкретни проекти, туку и отчет на граѓаните.

Ние сме партија што на некој начин воведе не само давање на конкретна програма со рокови и конкретни проекти, туку и отчет на граѓаните.

Ова е изјавата на премиерот Никола Груевски во врска со отчетот на 263 страници кој што денеска  беше дистрибуиран преку дел од дневните весници во врска со работата на  ВМРО-ДПМНЕ како дел од извршната власт.

Груевски ова  го гледа како нова култура во политичкото работење. Со ова според него, граѓаните ќе имаат поголеми очекувања од политичките партии.

„Имаме програма во 2006 и 2008 која што е многу конкретна, со која секој може точно да пресмета што било ветено, до кога било ветено, која цело време е на нашата интерент страница, програма која беше дистрибуирана во стотици илјади примероци до граѓаните и сега дојде време кога поминаа 4, 5 години и дојдоа нови избори. Ние не бегаме од тоа што сме го ветиле. Ние сме прва партија и првпат во историјата на земјата имаме ситуација кога владејачката партија по 4, 5 години владеење излегува пред граѓаните со исто така конкретен отчет, како што беше конкретна и програмата во којашто кажуваме што е завршено од програмата, што е во тек и што не е завршено и што не е започнато“ изјави Груевски.

Овој отчет, според Груевски на секој граѓанин што ќе сака да го даде својот глас по мерливи работи, ќе му овозможи да си ја отвори програмата и да види што било ветено и што било остварено.

„Веќе не може да поминат во Македонија неразумни ветувања, неразумни напаѓања на противникот, без разлика дали тој бил добар или лош. Веќе работите се кристализираат, добиваат еден свој облик и граѓаните имаат веќе изострено чувство за тоа што е можно да се направи, а што не е можно да се направи, затоа што веќе имаат видено и конкретна програма, но и конкретен отчет“

Груевски најави дека освен преку дневните весници, отчеотот ќе се дстрибуира и во други форми. /крај/кс/фф