Македонија
Пропадна иницијативата на ЛДП за кафе-муабет
Пропадна обидот на ЛДП за организирање средба на носителите на изборните листи во Првата изборна единица, со цел релаксирање на атмосферата пред почетокот на изборната кампања.
Пропадна обидот на ЛДП за организирање средба на носителите на изборните листи во Првата изборна единица, со цел релаксирање на атмосферата пред почетокот на изборната кампања.Од партијата велат дека од страна на дел од носителите била изразена подготвеност за таква средба, додека дел од нив не дале одговор.„За жал, мораме да констатираме дека и покрај тоа што постои подготвеност кај повеќето политички партии во Македонија за реализација на вакви средби, сепак определен број партии се изјасни негативно. ЛДП ќе продолжи интензивно да работи на реализација на оваа идеја. Срамно е тоа што во една демократска и суверена земја, туѓите иницијативи имаат поголем успех од домашните иницијативи. Преку овој чин, меѓу другото, се гледа и односот на политичките чинители кон државата, нејзиниот суверенитет и политичкиот дијалог“, изјави Ивица Боцевски, член на извршниот одбор на ЛДП.Боцевски објасни дека слична иницијатива била покрената од нив за сите шест изборни единици, но епилогот во сите случаи бил ист. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Дел од општините Гази Баба и Сарај денеска без струја
Поради планирани зафати во електро дистрибутивната мрежа, денеска без напојување со електрична енергија ќе останат делови од општините Гази Баба и Сарај.
– Во период од 08:30 – 09:300 часот, струја ќе немаат корисниците на улица Лазар Поптрајков зграда бр. 25 во општина Гази Баба.
– Во период од 08:30 – 13:30 часот, корисниците на дел од село Кондово во општина Сарај ќе останат без електрична енергија.
Македонија
Сончево време со услови за пороен дожд попладне
Времето денес ќе биде променливо облачно и топло. Ќе дува слаб до умерен ветер од јужен правец. Од пладневните часови претежно во северните делови ќе има локална појава на пороен дожд и грмежи. Минималната температура ќе биде во интервал од 4 до 14, а максималната ќе достигне од 23 до 29 степени.
Во Скопје променливо облачно, попладне во делови од котлината ќе има услови за краткотраен пороен дожд и грмежи. Минималната температура ќе се спушти до 11, а максималната ќе достигне до 28 степени.
Од четврток до сабота ќе преовладува сончево и топло време. Промена на времето со локални врнежи од дожд, наместа пообилни и пад на дневната температура се очекува од недела.
Македонија
Земјотрес во Скопје
Земјотрес во 21:46 часот беше почувствуван на територијата на Скопје.
Според информациите, земјотресот бил со јачина од 2,9 степени според Рихтеровата скала.
Длабочината на потресот, според информациите од ЕМСЦ е 6 километри.